Լաուրա Ասադաուսկայտե

Վիքիպեդիայից՝ ազատ հանրագիտարանից
Լաուրա Ասադաուսկայտե
Laura Asadauskaitė cropped.jpg
Լաուրա Ասադաույժսկայտեն 2012 թվականի Օլիմպիական խաղերի ժամանակ
Անձնական տեղեկություն
Սեռ` իգական
Ազգություն` լիտվացի
Մասնագիտացում` հնգամարտիկ
Երկիր` Flag of Lithuania.svg Լիտվա
Ծննդյան ամսաթիվ` փետրվարի 28, 1984 (33 տարեկան)
Ծննդավայր` Խորհրդային Սոցիալիստական Հանրապետությունների Միություն Վիլնյուս, Լիտվայի ԽՍՀ, ԽՍՀՄ

Լաուրա Ասադաուսկայտե-Զադնեպրովսկենե (լիտ.՝ Laura Asadauskaitė-Zadneprovskienė, 28 փետրվարի, 1984, Վիլնյուս, Լիտվայի ԽՍՀ, ԽՍՀՄ), լիտվացի հնգամարտիկ, 2012 թվականի Ամառային Օլիմպիական խաղերի չեմպիոն։

Կենսագրություն[խմբագրել | խմբագրել կոդը]

Լաուրա Ասադաուսկայտեն ծնվել է 1984 թվականի փետրվարի 28-ին Վիլնյուսում։ 10 տարեկանից զբաղվել է լողով։ Առաջին մարզիչը եղել է Իրենա Յուրևիչը։

2002-2007 թվականներին սովորել է Լիտվայի կրթական գիտությունների համալսարանում, ստացել է ֆիզկուլտուայի ու սպորտի բակալավրի աստիճան։ 2011 թվականին ավարտել է Միկոլաս Ռոմերիսի համալսարանի մագիստրատուրայի Եվրոպական Միության քաղաքականություն և կառավարում բաժինը։ 2003 թվականից ծառայում է Երկրամասի պահպանության կամավոր ուժերում, մասնակցում է զինվորականների միջև անցկացվող հնգամարտի մրցումներին։

2007 թվականին ժամանակակից հնգամարտի աշխարհի առաջնությունում վաստակել է բրոնզե մեդալ։ 2008 թվականի Ամառային Օլիմպիական խաղերի ժամանակ զբաղեցրել է 15-րդ տեղը։ 2009 թվականին ժամանակակից հնգամարտի աշխարհի առաջնությունում արժանացել է արծաթե մեդալի։ 2011 թվականին ժամանակակից հնգամարտի աշխարհի առաջնությունում գրավել է երրորդ տեղը։ 2012 թվականի Ամառային Օլիմպիական խաղերի ժամանակ արժանացել է ոսկե մեդալի՝ հավաքելով 5408 միավոր։ 2013 թվականին Թայվանում կայացած հնգամարտի աշխարհի առաջնության ժամանակ առաջին անգամ արժանացել է ոսկե մեդալի անհատական առաջնությունում։

Ընտանիք[խմբագրել | խմբագրել կոդը]

Լաուրա Ասադաուսկայտեի ամուսինն ու մարզիչը՝ Անդրեյ Զադնեպրովսկին, լիտվացի հայտնի հնգամարտիկ է։ Նրանց դուստրը՝ Ադրիանան, ծնվել է 2010 թվականին[1]։

Պարգևներ[խմբագրել | խմբագրել կոդը]

  • Լիտվային մատուցած ծառայությունների համար» շքանշանի մեծ հրամանատարական խաչ (16 օգոստոսի, 2012 թվական)[2],
  • 2011 թվականին ճանաչվել է Լիտվայի լավագույն մարզիկ[3],
  • «Լիտվային մատուցած ծառայությունների համար» շքանշանի մեդալ (16 նոյեմբերի, 2007 թվական

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]