Լալա Մարտիրոսյան-Քոչար

Լալա Մարտիրոսյան-Քոչար;
Ծնվել է	հունիսի 23, 1950 (74 տարեկան)
Ծննդավայր	Երևան, Հայկական ԽՍՀ, ԽՍՀՄ
Կրթություն	ՀՊՃՀ Քիմիական տեխնոլոգիաների և բնապահպանական ճարտարագիտության դեպարտամենտ
Մասնագիտություն	արվեստագետ

Լալա Ազատի Մարտիրոսյան-Քոչար (հունիսի 23, 1950(1950-06-23), Երևան, Հայկական ԽՍՀ, ԽՍՀՄ), հայ քիմիկ-տեխնոլոգ։ Երվանդ Քոչարի թանգարանի տնօրեն (1984)։

Երվանդ Քոչարի որդու՝ ճարտարապետ Հայկազ Քոչարի կինն է։

Կենսագրություն

Լալա Մարտիրոսյան-Քոչարը ծնվել է 1950 թվականի հունիսի 23-ին Երևանում, մտավորականների ընտանիքում։ Ավարտել է Երևանի պոլիտեխնիկական ինստիտուտի քիմիկա–տեխնոլոգիական ֆակուլտետը։ 1974-1984 թթ. աշխատել է Երևանի պոլիտեխնիկական ինստիտուտում։ 1984-1986 թթ. սովորել է Խաչատուր Աբովյանի անվան մանկավարժական ինստիտուտի Հասարակական մասնագիտությունների ֆակուլտետում, ստացել արվեստաբանի վկայագիր։ Վերապատրաստվել է Մշակույթի աշխատողների վերապատրաստման Համամիութենական ինստիտուտում, ստացել Ֆոնդապահի վկայագիր (1985 )։ 1984 թ. հունիս – դեկտեմբեր աշխատել է Երվանդ Քոչարի թանգարանում որպես գլխավոր ֆոնդապահ, 1984 թ. դեկտեմբերից՝ տնօրեն^[1]։

Գործունեությունը

1984 - 2015 թթ. Հայաստանում և արտերկրում նրա ջանքերով և մասնակցությամբ կազմակերպել են Երվանդ Քոչարի ստեղծագործությունների ցուցահանդեսներ.

Քոչարի անհատական ցուցահանդեսը Galerie G. Basmajian պատկերասրահում, Փարիզ, 1989 թ.
Ե. Քոչարի անհատական ցուցահանդեսը «Հայկական մշակույթի շաբաթ» շրջանակում, Աբու Դաբի, 2002 թ.
«Իմ հույսը ժամանակի վրա է» Ե.Քոչարի 110-ամյակին նվիրված հոբելյանական ցուցահանդես, Հայաստանի նկարչի տուն, Երևան, 2010 թ.
«Ծիածանի երկու գույն` զույգ ազգերի ճակատագիր» Պուշկինի անվան կերպարվեստի թանգարան, Մոսկվա, 2010 թ.
«Դալին և սյուրռեալիստները», Հայաստանի ազգային պատկերասրահ, Երևան, 2011 թ.
«Հայ գրքի սփյուռքը 1512 -2012 թթ.», Ամստերդամի համալսարանի «Հատուկ հավաքածուների» թանգարան, 2012 թ.
«Քոչար. Մարտահրավեր ժամանակին», Գաֆէսճեան արվեստի կենտրոն, Երևան, 2014 թ.
«Երվանդ Քոչարի ստղեծագործությունը որպես 20-րդ դարի հայկական ազգային մշակույթի անանց արժեք» նախագծի համահեղինակ (նախագիծը ֆինանասավորվում էր ՀՀ Գիտության և Կրթության Նախարարության կողմից (1992 – 2000 թթ.)։
«20-րդ դարի արվեստի լեկտորիում» խորագրով արվեստաբանական դասախոսությունների կազմակերպիչ և վարող (Երվանդ Քոչարի թանգարանի և Բաց հասարակության ինստիտուտի /Աջակցության ֆոնդ, հայկական մասնաճյուղ/ համատեղ նախագիծ (1999 – 2000 թթ.)։
«Աշակերտները՝ արվեստի կամավորներ» նախագծի հեղինակ (2001 թ.)։
«Երվանդ Քոչարի ստեղծագործությունը 20-րդ դարի կերպարվեստի համատեքստում. նորահայտ էջեր, մասունքներ» գիտական նախագծի հեղինակ (նախագիծը ֆինանսավորվում է ՀՀ Գիտության և Կրթության նախարարության կողմից 2001 թվականից)։

Գրքեր, հոդվածներ

Երվանդ Քոչար։ Գեղանկար։ Գրաֆիկա։ Քանդակ [վերատպությունների հավքածու] / Տեքստի հեղ.՝ Հ. Իգիթյան, Մ. Երզնկյան, հեղ.-կազմող՝ Լ. Մարտիրոսյան-Քոչար – Ե., 1989 թ. (հայ., ռուս., անգլ.)։
Իգիթյան Հենրիկ. Երվանդ Քոչար = Ерванд Кочар [Պատկերագիրք]. – Ե.։ Տիգրան Մեծ, 2000. - 213 էջ. - (ժամանակագր. և մատենագիտ. ցանկի հեղ.՝ Լ. Մարտիրոսյան-Քոչար. – էջ 206-213)։
Երվանդ Քոչար. ես և դուք [Հոդվածներ, ելույթներ, հուշեր, փիլիսոփայական խոհեր, գրական-գեղարվեստ. ստեղծագործություններ] / Կազմ. և խմբագր. Ա. Հովհաննիսյան, Լ. Մարտիրոսյան-Քոչար. - Ե., Մուղնի, 2007, 200 էջ։
Երվանդ Քոչար = Ervand Kochar [Կատալոգ] / Առաջաբ. հեղ.՝ Արարատ Աղասյան, Լալա Մարտիրոսյան-Քոչար։ Կազմ. և խմբագր. Կ. Քոչար. - Ե. - 2010. - 108 էջ։
Քոչարի նորահայտ տարածանկարը [Կատալոգ] / Տեքստի հեղ.՝ Լ. Մարտիրոսյան- Քոչար, 2011 թ.։
Քոչար. Մարտահրավեր ժամանակին [Նվիրված Ե. Քոչարի 115-ամյակին. կատալոգ] / Առաջաբ. հեղ. Լ. Մարտիրոսյան-Քոչար, Ա. Մարաբյան։ Ե., Գաֆէսճեան արվեստի կենտրոն, 2014 (հայ., անգլ.)։
Кочар. Я и Вы [Конспекты лекций, выступления, статьи, воспоминания, литературно-художественное наследие] / Авторы-сост. А. Оганнисян , Л. Кочар, - Е., ВМВ, 2014, 191 с.
Մաեստրո Քոչարը հիշողության անդրադարձում [Անտիպ] / Կազմ. և խմբ.՝ Ա. Հովհաննիսյան, Լ. Մարտիրոսյան-Քոչար։

Ծանոթագրություններ

↑ http://www.kinpedia.net/leaf/q21697448(չաշխատող հղում)

Արտաքին հղումներ

Մշակութային միջոցառում Հռոմում Արխիվացված 2015-09-30 Wayback Machine

[1] ttp://www.kinpedia.net/leaf/q21697448(չաշխատող հղում)

[1]