Ժողովրդա-սոցիալիստական կուսակցություն (Կուբա)
| Ժողովրդա-սոցիալիստական կուսակցություն Partido Socialista Popular | |
|---|---|
| Տեսակ | կուսակցություն և կոմունիստական կուսակցություն |
| Երկիր |  Կուբա |
| Առաջնորդ | Բլաս Ռոկա |
| Հիմնադրված | 1925 |
| Լուծարված | 1962 |
| Գաղափարախոսություն | սոցիալիզմ և մարքսիզմ-լենինիզմ |
| Շտաբ | Հավանա, Կուբա |
| Հաջորդ | Կուբայի կոմունիստական կուսակցություն |
Ժողովրդա-սոցիալիստական կուսակցություն (իսպ.՝ Partido Socialista Popular, սկզբնապես կոչվել է Կուբայի կոմունիստական կուսակցություն [Partido Comunista de Cuba]), կոմունիստական քաղաքական կուսակցություն Կուբայի Հանրապետությունում։
Ստեղծվել է 1925 թվականին, մայրաքաղաք Հավանայում կայացած I ազգային համագումարում՝ կոմունիստական խմբակների և Կուբայի բանվորական սոցիալիստական կուսակցության ձախ թևի միավորմամբ։ Կուսակցության հիմնադիրներն էին Բլաս Ռոկան, Անիբալ Էսկալանտեն, Ֆաբիո Գրոբարտը, Ալֆոնսո Բերնալ դել Ռեզգոն և Խուլիո Անտոնիո Մելյան։ 1926—1938-ին գործել է խոր ընդհատակում։ Ընդհատակից դուրս գալուց հետո Հեղափոխական միության հետ մասնակցել է (1939) սահմանադիր ժողովի ընտրություններին։ 1940 թվականին ԿԿԿ և Հեղափոխական միությունը միավորվեցին, նոր կուսակցությունը կոչվեց Հեղափոխական կոմունիստական միություն (Unión Revolucionaria Comunista), 1944 թվականին վերանվանվեց Կուբայի ժողովրդա-սոցիալիստական կուսակցություն (Partido Unido de la Revolución Socialista de Cuba)։
1940—1952 թվականին ԿԺՍԿ ունեցել է իր ներկայացուցիչները կոնգրեսում և տեղական իշխանության մի շարք մարմիններում, 1940—1944 թվականին՝ կոալիցիոն կառավարության կազմում, սակայն պարտություն կրեց Ավտենտիկո-հանրապետական դաշինքից, միայն չորս տեղ ձեռք բերելով Ներկայացուցիչների պալատում։
Կուսակցությունն ի սկզբանե քննադատական էր մոտենում Ֆիդել Կաստրոյին։ Այնուամենայնիվ, 1961 թվականին կուսակցությունը միավորվեց Ինտեգրացված հեղափոխական կազմակերպությունների (ORI) մեջ, որն էլ հանդիսանում է ներկայիս Կուբայի Կոմունիստական կուսակցության նախորդը։
| ||||||
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 5, էջ 710)։ 
|