Jump to content

Թրիլլեր (բաճկոն)

Վիքիպեդիայից՝ ազատ հանրագիտարանից
Թրիլլեր բաճկոնը Գրեմմիի թանգարանում

«Թրիլլեր» բաճկոն, կարմիր բաճկոն, որը 1983 թվականին կրել է Մայքլ Ջեքսոնը «Թրիլլեր» երաժշտական տեսահոլովակում։ Դեբորա Նըդուլման Լենդիսի նախագծած վառ կարմիր բաճկոնն առանձնանում էր սև գծերով և բարձրացված ուսերով, որոնք շրջված եռանկյունի էին ձևավորում։ Այն դարձել է 1980-ական թվականների կեսերի ամենահմայիչ և գրավիչ արտաքին հագուստը և լայնորեն ընդօրինակվել է[1]։ Քանի որ բաճկոնի կեղծ պատճենները կարող էին վաճառվել ավելի քան 500 դոլարով, 1984 թվականին Նյու Յորքում Ջեքսոնը դատական հայց ներկայացրեց՝ կանխելու բաճկոնի և իր այլ իրերի չարտոնված պատճենների առք ու վաճառքը[2]։

2011 թվականի հունիսի 27-ին Ջուլիանի աճուրդի ժամանակ բաճկոնը վաճառվել է 1,8 միլիոն դոլարով[3]։ Գնորդը՝ Միլթոն Վերեթը, բաճկոնը նկարագրել է որպես «պատմության մեջ ռոքնռոլի մեծագույն մասնիկ»[4][5]։ Բաճկոնից ստացված հասույթը փոխանցվել է Շամբալայի Կենդանիների Թագավորություն կենդանաբանական այգուն, որտեղ ապրում էին Ջեքսոնի բենգալյան վագրերը, նրա՝ 2006 թվականին Նևերլանդ ռանչոյից հեռանալուց հետո[6]։

Դիզայն

[խմբագրել | խմբագրել կոդը]

Բաճկոնի դիզայնը Դեբորա Նըդուլման Լենդիսնն է։ Նա նախագծել էր նաև Ինդիանա Ջոնսի բաճկոնը «Կորուսյալ տապանը որոնելիս» ֆիլմում[7][8][9]։ Կարմիր բաճկոնն աչքի էր ընկնում շրջված եռանկյուն կազմող սև գծերով, առջևի կոճակների անսովոր ոճով և թևերի վրա դուրս ցցված, անկյունաձև, կոշտ ուսերով[10][11]։ Լենդիսը նշել է, որ նա հատուկ ձևավորել է բաճկոնը այնպես, որ Ջեքսոնը ավելի «խորհրդավոր» տեսք ունենա[12][13]։

This Is It չեղարկված համերգների համար բաճկոնի վերափոխված տարբերակի պատասխանատուն նորաձևության դիզայներ Զալդին էր։ Այս տարբերակի ուսերին արյուն իմիտացիա կար, իսկ ներսում՝ դրոշմակնիք, ինչը հիշեցնում էր կատվանման գազանի, որի վերածում է Ջեքսոնը տեսահոլովակում[14]։

Հանրային ընդունելություն

[խմբագրել | խմբագրել կոդը]

Բաճկոնը դարձել է 1980-ական թվականների կեսերի ամենահմայիչ և գրավիչ արտաքին հագուստը և լայնորեն ընդօրինակվել է։ Այն երբեմն ընդօրինակվել է մերօրյա այնպիսի հայտնի մարդկանց կողմից, ինչպիսիք են Քրիս Բրաունը և Քանյե Ուեսթը[1][15]։ Այն դարձել էր նաև շատերի կողմից ամենապահանջված իրերից մեկը և 1980-ական թվականներին դեռահասների ոճի մարմնացումը[16][17]։ Բաճկոնը, որը Մայքլ Ջեքսոնը կրել է Թրիլլեր տեսահոլովակում, ինչպես նաև սև և սպիտակ կաշվե բաճկոնի կրկնօրինակը, որը նա կրել է Պեպսիի գովազդներից մեկում և «The Making of Michael Jackson's Thriller»-ի կուլիսներում պարային փորձերի ժամանակ, նրա ամենալավ վաճառված բաճկոններից են[18]։ Թանկարժեք կեղծ պատճենները զանգվածաբար արտադրվում էին և հաճախ վաճառվում էին ավելի քան 500 դոլարով այն մարդկանց, որոնք կարծում էին, որ իրենք ստանում են իրական բաճկոնը[19]։ Այս զանգվածային կեղծարարության և դրանից ստացած շահույթի պատճառով 1984 թվականին Նյու Յորքում Ջեքսոնը դատական հայց ներկայացրեց՝ կանխելու բաճկոնի և իր այլ իրերի չարտոնված պատճենների առք ու վաճառքը[2]։

Նևրլանդից հեռանալիս

[խմբագրել | խմբագրել կոդը]

2019 թվականի «Նևերլանդից հեռանալիս» վավերագրական ֆիլմում պարուսույց Ուեյդ Ռոբսոնը, ով պնդում է, որ Ջեքսոնը սեռական բռնության է ենթարկել իրեն, այրում է Ջեքսոնի հուշերը, այդ թվում՝ «Թրիլլեր» բաճկոնը։ Ռեժիսոր Դեն Ռիդն ասել է, որ այդ բաճկոնը իրական օրինակն էր[20][21], սակայն Ռոբսոնը պնդում էր, որ այն պատրաստված է եղել իր մանկության բեմադրությունների համար[22]։ Ջուլիանի աճուրդի տան տվյալներով՝ 2011 թվականին Ռոբսոնը 49920 դոլարով վաճառել է իրական Թրիլլեր բաճկոնը[23][24]։ Փաստացի այն պատկանում էր Տեխաս նահանգի Օսթին քաղաքում գտնվող Վերրեթ ընտանիքին և ժամանակավորապես պահվել է Օհայո նահանգի Քլիվլենդ քաղաքում Ռոքնռոլի Փառքի սրահում, իսկ 2022 թվականի մայիսին առնվել է «բարձր անվտանգության» հսկողության տակ[25]։

Ծանոթագրություններ

[խմբագրել | խմբագրել կոդը]
  1. ↑ 1,0 1,1 Mansour, David (2005). From Abba to Zoom: a pop culture encyclopedia of the late 20th century. Andrews McMeel Publishing. էջ 487. ISBN 978-0-7407-5118-9.
  2. ↑ 2,0 2,1 Campbell, Lisa D. (1993 թ․ մարտ). Michael Jackson: the king of pop. Branden Books. էջ 101. ISBN 9780828319577. Վերցված է 2011 թ․ մայիսի 16-ին.
  3. ↑ Perpetua, Matthew (2011 թ․ հունիսի 27). «'Thriller' Jacket Brings in $1.8 Million». Rolling Stone.
  4. ↑ «Michael Jackson's Thriller jacket sells for $1.8m at auction». BBC News. 2011 թ․ հունիսի 27. Վերցված է 2011 թ․ հունիսի 28-ին.
  5. ↑ «Michael Jackson's "Thriller" jacket up for auction». Reuters. 2011 թ․ հունիսի 6 – via www.reuters.com.
  6. ↑ «Michael Jackson's Thriller Jacket Sells For £1.1Million | MTV UK». www.mtv.co.uk (անգլերեն). Վերցված է 2019 թ․ դեկտեմբերի 1-ին.
  7. ↑ Goode, Lauren (2009 թ․ հունիսի 30). «Deborah Landis, Designer of the Red Jacket Michael Jackson Wore in "Thriller"». Wall Street Journal.
  8. ↑ Communications, Emmis (1985 թ․ ապրիլ). «Texas Monthly». Domain: The Lifestyle Magazine of Texas Monthly. Emmis Communications: 176. ISSN 0148-7736. Վերցված է 2011 թ․ մայիսի 16-ին.
  9. ↑ Landis, John (2017 թ․ օգոստոսի 31). «John Landis on the making of Michael Jackson's Thriller: 'I was adamant he couldn't look too hideous'» – via www.theguardian.com.
  10. ↑ Williams, Russell (2003 թ․ հունիս). Reborn Again. Xulon Press. էջ 37. ISBN 978-1-59160-675-8. Վերցված է 2011 թ․ մայիսի 16-ին.
  11. ↑ Gautier, Yves (2010). Michael Jackson, Backdoor to Neverland: Exposing the King of Pop's Secret Mindsets. Yves GAUTIER. էջ 81. ISBN 978-1-4528-1576-3.
  12. ↑ Lauren Goode (2009 թ․ հունիսի 30). «Deborah Landis, Designer of the Red Jacket Michael Jackson Wore in "Thriller"». The Wall Street Journal. Speakeasy. Վերցված է 2009 թ․ հուլիսի 4-ին. «At the time, she says, the 25-year-old Jackson weighed only 99 lbs, with a 26-inch waist ("exactly the same height and weight as Fred Astaire"), and one of the challenges she faced was making the performer appear more "virile."»
  13. ↑ «Արխիվացված պատճենը». Արխիվացված է օրիգինալից 2023 թ․ փետրվարի 26-ին. Վերցված է 2023 թ․ փետրվարի 26-ին.
  14. ↑ The Gloved One (Documentary). Michael Jackson's This Is It DVD: Sony Pictures Home Entertainment. 2010. {{cite AV media}}: |format= requires |url= (օգնություն)
  15. ↑ International textiles. International textiles. 2001. էջ 185.
  16. ↑ Men's Health. Rodale, Inc. 2006 թ․ մարտ. էջ 9. ISSN 1054-4836. Վերցված է 2011 թ․ մայիսի 16-ին.
  17. ↑ English journal. National Council of Teachers of English. 1994. էջ 59.
  18. ↑ Campbell, Lisa D. (1993 թ․ մարտ). Michael Jackson: the king of pop. Branden Books. էջ 101. ISBN 978-0-8283-1957-7. Վերցված է 2011 թ․ մայիսի 16-ին.
  19. ↑ Hadden, Briton; Luce, Henry Robinson (1984). Time. Time Inc. էջ 152.
  20. ↑ Daly, Rhian (2019 թ․ մարտի 5). «Wade Robson clarifies whether he burned Michael Jackson's 'Thriller' jacket». NME.
  21. ↑ «Wade Robson Speaks Out on Burning His Michael Jackson 'Thriller'-Style Jacket in Leaving Neverland». PEOPLE.com.
  22. ↑ «Leaving Neverland: What Was Wade Robson Burning in the End-Credits Sequence?». Vanity Fair. 2019 թ․ մարտի 5.
  23. ↑ Martinelli, Marissa (2019 թ․ մարտի 5). «Wait, Did They Just Burn Michael Jackson's "Thriller" Jacket?». Slate Magazine (անգլերեն). Վերցված է 2021 թ․ հունվարի 12-ին.
  24. ↑ «Michael Jackson Accuser Tried to Sell Memorabilia Anonymously». The Blast. 2019 թ․ փետրվարի 25.
  25. ↑ Bowenbank, Starr (2022 թ․ մայիսի 26). «Michael Jackson's Red 'Thriller' Jacket Enters Rock Hall Under High Security». Billboard. Վերցված է 2022 թ․ նոյեմբերի 27-ին.
Ստացված է «https://hy.wikipedia.org/w/index.php?title=Թրիլլեր_(բաճկոն)&oldid=9804985» էջից