«Թրիլլեր»-ը 14 րոպեանոց տեսահոլովակ է, որը նկարահանվել է «Թրիլլիեր» երգի հիման վրա, այն թողարկվել է 1983 թվականի դեկտեմբերի 2-ին։ Այս ֆիլմ-տեսահոլովակը ստացել է մի քանի մրցանակ։ Երեխաներին խորհուրդ է տրվում նայել այն ծնողների ներկայության դեպքում։ Այն համարում են բոլոր ժամանակների լավագույն տեսահոլովակը[1][2][3]։ Ժամանակը ցույց է տվել, որ այս տեսահոլովակը մեծ ազդեցություն է ունեցել երաժշտության մեջ[1]։ Այն ընդգրկվել է Գիննեսի ռեկորդների գրքում, իբրև ամենահաջողված երաժշտական հոլովակ, որը վաճառվել է 9 մլն. օրինակով[4]։ 2009 թվականի այն ներառվել է ԱՄՆ-ի կոնգրեսի գրադարանի ֆիլմերի ցուցակում, սա առաջին տեսահոլովակն է, որը երբևէ արժանացել է այս պատվին, դրա շնորհիվ այն կպահպանվի ընդմիշտ որպես մշակութային, պատմական և էսթետիկական արժեք ունեցող ֆիլմ[5]։
Տեսահոլովակի խորեոգրաֆներն էին Մայքլ Ջեքսոնը և Մայքլ Փիթերսը (նա աշխատել է Մայքլի հետ Beat It տեսահոլովակի վրա)։ Րիք Բեյքերը օգնել է դերասանների մեյք ափի հարցում, թե տեսահոլովակում և թե ֆիլմում հնչում է Վինսենտ Փրայսի ծիծաղը։ Մայքլի կարմիր բաճկոնի դիզայնը պատկանում է Դեբորա Լենդիսին։
Մայքլը և իր զուգընկերուհին երեկոյան քայլում են այգում, Մայքլը հարցնում է իր ընտրյալին, կցանկանա նա կապել իր հետ իր ճակատագիրը և աղջիկը սիրով համաձայնվում է։ Մայքլը տալիս է նրան մատանին։ Դադար տալով նա զգուշացնում է, որ նա ուրիշների նման չէ։ Աղջիկը համաձայնվում է և ասում է, որ սիրում է Մայքլին։ Միաժամանակ երկնքում հայտնվում է լիալուսինը։ Մայքլը սկսում է դողալ և փոխակերպվում է դառնալով գայլամարդ։ Աղջիկը բղավում է փորձում է փախչել, գայլամարդը ոռնում է, հասնում է աղջկան և հարձակվում է նրա վրա։ Այդ պահին ողջ պատմվածքը տեղափոխվում է կինոթատրոնի սրահ, և հանդիսատեսը հասկանում է, որ այն ինչ նա տեսել էր քիչ առաջ ուղղակի սարսափ ֆիլմ էր։ Իսկ Մայքլը և իր զուգընկերունին նստած են դահլիճում և դիտում են ֆիլմը։
Աղջիկը շրջվում է և փաթաթվում է Մայքլին։ Վերջ ի վերջո նա չի դիմանում և լքում է կինոսրահը։ Չուզելով Մայքլը նույնպես լքում է կինոթատրոնը։ Նրանք դուրս են գալիս կինոթատրոնից և Մայքլը ուղղեկցում է աղջկան դեպի տուն։ Հնչում է երաժշտությունը։ Մայքլը երգ է երգում, որում պատմվում է ամենատարբեր հրեշների և հոգիների մասին, դրանով իսկ փորձելով վախեցնել ընկերուհուն, բայց աղջիկը ժպտում է հասկանալով, որ Մայքլը կատակում է։ Այդ ընթացքում նրանք քայլում էին գերեզմանոցի կողքով, նրանց շուրջը հողը սկսում է դողալ և շիրիմներից սկսում են դուրս գալ տարբեր դիակներ, որոնց զույգը չի նկատում։ Զոմբիները շրջապատում են սիրահարներին։ Մի պահ երաժշտությունը կանգ է առնում, լսվում են միայն դիակների ձայները։ Մաքլը և ընկերուհին բռնվում են միմյանցից, բայց հանկարծ աղջկը նկատում է, որ Մայքլն էլ է դարձել զոմբի և նրա դեմքին սարսափ է հայտնվում։ Մայքլը խառնվում է ամբոխի հետ և սկսում է հետապնդել աղջկան։ Փորձելով փախչել քայլող դիակներից, աղջիկը մտնում է մի լքված տուն և կողպում է դուռը։ Փորձելով ներս մտնել, հրեշները ջարդում են դռները և պատուհանները, հատակը և դուռը։ Աղջիկը հիստերիայի մեջ է։ Մայքլը զոմբիի կերպարով մոտենում է աղջկան և ձեռքով դիպչում է նրա ուսին։ Նա բղավելով շրջվում է, բայց հանկարծ հնչում է Մայլքի մեղմ ձայնը, աղջիկ շրջվում է դեպի Մայքլը և տեսնում է, որ շուրջը հասարակ սենյակ է, լույսը վառվում է, Մայքլը նորմալ մարդու տեսք ունի։ Պարզում է, որ նրան թվացել է այդ ամենը։ Նա գրկախառնվում է Մայքլի հետ և նրանք միասին լքում են սենյակը, վերջի պահին Մայքլը շրջվում է դեպի հանդիսատես և ժպտում է հրեշի դեմքով, նրա աչքերը այդ պահին դեղնում են և նմանվում են կատվի աչքերի, հնչում է Վինսենտ Փրայսի չարախինդ և աղիողորմ ծիծաղը։
| Տարի
|
Կատեգորիա
|
Մրցանակ
|
Ծանոթագրություն
|
| 1985
|
Best Video, Long Form
|
Հաղթել է
|
«Thriller»
|
| 1984
|
Լավագույն վիդեոալբոմ
|
Հաղթել է
|
Մայքլ Ջեքսոնի Թրիլլեր ստեղծումը
|
| Տարի
|
Կատեգորիա
|
Մրցանակ
|
| 1999
|
Բալոր ժամանակների մեծագույն տեսահոլովակներ[6]
|
№ 1
|
| 1984
|
Best Overall Performance in a Video
|
Հաղթել է
|
| 1984
|
Լավագույն խորեոգրաֆիա (Michael Peters)
|
Հաղթել է
|
| 1984
|
Հանդիսատեսի ընտրություն
|
Հաղթել է
|
Զոմբիների պարը և վիդեոշարքի ակնարկումը դարձել են բազմաթիվ այլ տեսահոլովակների երևացող կամ թաքցված տարրրեր։
- Beatfreakz "Somebody's watching me", 2006 - տեսահոլովակը Թրիլլերի ռիմեյքն է, իր հերթին երգը նույնպես շատ նման է Թրիլլեր երգին
- Rihanna "Disturbia", 2008։ նման խորեոգրաֆիա
- Ledy Gaga "Bad Romance" նման խորեոգրաֆիա
- երբ Ջեքսոնը և իր ընկերուհին քայլում են գերեզմանոցի կողքով, էկրանի վերևի հատվածում կարելի է տեսնել լուսարձակ, որը փոխարինում լուսնի արձակած լույսը
- Երբ Ջեքսոնը զոմբի է դառնում, նա սկսում է պարել, իսկ երբ նա սկասում է երգել, ապա նրա դեմքը մարդու դեմք է, հաջորդ կադրում նա նորից դառնում է զոմբի
Այս հոդվածը Մայքլ Ջեքսոնի Thriller տեսահոլովակի մասին է։ Այլ գործածությունների համար այցելեք Thriller (այլ կիրառումներ)։
.jpg)
ԱՄՆ
Thriller (music video) Վիքիպահեստում
