Էնրիկե Սանչես Ֆլորես
 | |||
|---|---|---|---|
 | |||
| Ազգությունը | գնչու | ||
| Քաղաքացիությունը |
 Իսպանիա | ||
| Ծննդյան ամսաթիվ | փետրվարի 5, 1965 (59 տարեկան) | ||
| Ծննդավայր | Մադրիդ, Իսպանիա | ||
| Հասակ | 176 սանտիմետր | ||
| Դիրք | եզրային պաշտպան | ||
|
| |||
|
| |||
|
| |||
|
| |||
|
| |||
Էնրիկե (Կիկե) Սանչես Ֆլորես (իսպ.՝ Enrique "Quique" Sánchez Flores, փետրվարի 5, 1965, Մադրիդ, Իսպանիա), իսպանացի ֆուտբոլային մարզիչ, որը նախկինում հանդես է եկել որպես ֆուտբոլիստ աջ պաշտպանի դիրքում։
Կենսագրություն
[խմբագրել | խմբագրել կոդը]Էնրիկե Սանչես Ֆլորեսը ծնվել է Մադրիդում իսպանացի ֆուտբոլիստ Իսիդրո Սանչեսի ընտանիքում, որը 1960-ականներին հանդես է եկել «Ռեալ Բետիսում» և Մադրիդի «Ռեալում»[1]։
Կարիերա
[խմբագրել | խմբագրել կոդը]Կիկե Ֆլորեսը «Գալակտիկո Պեգասո» ակումբի սան է։ Նա կարիերան սկսել է «Վալենսիայում» 1984 թվականին։ Ֆլորեսի ակումբում գտնվելու երկրորդ մրցաշրջանում «Վալենսիան» Իսպանիայի առաջնության Պրիմերայից մեկնել է Սեգունդա։ Միայն 1987 թվականին ակումբն առաջին տեղից դուրս եկավ Իսպանիայի բարձրագույն դիվիզիոն և Ֆլորեսի գտնվելու ժամանակ այլևս դուրս չեկավ այնտեղ։ Սակայն Ֆլորեսը մեծ հաջողությունների չհասավ. այդ ժամանակահատվածում «Վալենսիայի» ամենաբարձր ձեռքբերումը 7-րդն էր։ 1994 թվականին Ֆլորեսը տեղափոխվեց «Ռեալ Մադրիդ», որտեղ անցկացրեց երկու մրցաշրջան և նվաճեց Իսպանիայի առաջնությունը։ Ֆլորեսը կարիերան ավարտել է «Սարագոսա» ակումբում 1997 թվականին։
Իսպանիայի հավաքականի կազմում Ֆլորեսը խաղացել է 1987-1991 թվականներին։ Նա ազգային թիմի կազմում անցկացրել է 15 խաղ։ Ազգային հավաքականի մարզաշապիկով նրա նորամուտը տեղի է ունեցել 1987 թվականի սեպտեմբերի 23-ին՝ Լյուքսեմբուրգի հետ ընկերական խաղում, Խիխոնում։ Ֆլորեսը մասնակցել է 1990 թվականի աշխարհի առաջնությանը, սակայն խաղադաշտ դուրս չի եկել։
Ֆլորեսը մարզչական կարիերան սկսել է «Ռեալ Մադրիդի» երիտասարդական կազմում, որտեղ ժամանակին աշխատել է Ռաֆայել Բենիտեսը։ Երկու հաջող մրցաշրջաններից հետո Ֆլորեսը գլխավորեց «Խետաֆեն», որի հետ զբաղեցրեց 13-րդ հորիզոնականը՝ կատարելով Պրիմերայում տեղը պահպանելու խնդիրը։ Դրանից հետո նա գլխավորել է «Վալենսիան», որտեղ աշխատել է նաև Բենիտեսը։ Նոր ակումբի հետ առաջին մրցաշրջանում Ֆլորեսը զբաղեցրել է 3-րդ հորիզոնականը։ Իսկ հաջորդ մրցաշրջանում նա հասավ Չեմպիոնների լիգայի 1/4 եզրափակիչ, որտեղ նրա ակումբը պարտվեց «Չելսիին», ինչպես նաև զբաղեցրեց 4-րդ տեղը առաջնությունում։ 2007 թվականի հոկտեմբերի 29-ին, մի շարք անհաջող խաղերից հետո, «Վալենսիայի» տնօրենների խորհուրդը որոշում կայացրեց հեռացնել Ֆլորեսին անբավարար արդյունքների համար[2]։
2008 թվականի մայիսի 24-ին Ֆլորեսը նշանակվել է պորտուգալական «Բենֆիկայի» մարզիչ[3], պայմանագիր կնքելով մինչև 2010 թվականը։ Ֆլորեսը մեկ տարի աշխատել է «Բենֆիկայում» և փոխադարձ համաձայնությամբ հեռացվել է 2009 թվականի հունիսի 8-ին, այն բանից հետո, երբ ակումբը զբաղեցրել է 3-րդ տեղը երկրի առաջնությունում[4]։ Հիշեցնենք, որ Ֆլորեսը ցանկանում էր «Բենֆիկայում» անցկացնել պայմանագրի ամբողջ ժամկետը[5]։
2009 թվականի հոկտեմբերի 23-ին Ֆլորեսը գլխավորեց «Ատլետիկո Մադրիդ»՝ փոխարինելով հեռացված Աբել Ռեսինոյին[6]։ Ֆլորեսը պայմանագիր է կնքել մինչև 2010 թվականի հունիսի 30-ը[7]։ 7 ամիս ակումբում աշխատելուց հետո Ֆլորեսը մադրիդցիներին հաղթանակ տարավ Եվրոպա լիգայում։ 2010 թվականի մայիսի 26-ին Ֆլորեսը 1 տարով երկարաձգեց պայմանագիրը «Ատլետիկոյի» հետ[8]։ 2010/11 մրցաշրջանի ավարտից հետո Կիկեն հեռացավ «Ատլետիկոյից»[9]; ավելի ուշ նա ասել է. «Ես բավականաչափ փորձ ունեմ, որպեսզի հասկանամ, որ «Ատլետիկոյում» հետագա աշխատանքն ինձ համար անհնար է»[10]։
2011 թվականի նոյեմբերի 8-ին Սանչես Ֆլորեսը գլխավորել Է «Ալ Ահլի» ակումբը (Դուբայ)[11]։
2015 թվականի հունիսի 5-ին Կիկե Ֆլորեսը գլխավորել է անգլիական «Ուոթֆորդը»։ Պայմանագիրը կողմերը կնքել են մեկ տարով, սակայն մրցաշրջանի ավարտին որոշել են չերկարաձգել համագործակցությունը[12]։
2016 թվականի ամռանը հայտնի դարձավ, որ Ֆլորեսի հաջորդ ակումբը կլինի «Էսպանյոլը»[13]։ 2018 թվականի ապրիլի 20-ին հեռացվել է «Էսպանյոլից»[14]։
2021 թվականի հոկտեմբերի 6-ին Ֆլորեսը կրկին գլխավորեց «Խետաֆեն», որը վերջին տեղում էր Պրիմերայում[15]։ Մրցաշրջանի արդյունքներով «Խետաֆեին» հաջողվել է պահպանել տեղը Իսպանիայի բարձրագույն դիվիզիոնում՝ առաջնության մրցաշարային աղյուսակում զբաղեցնելով 15-րդ հորիզոնականը։
Ձեռքբերումներ
[խմբագրել | խմբագրել կոդը]Որպես խաղացող
[խմբագրել | խմբագրել կոդը]- Վալենսիա
- Սեգունդայի հաղթող՝ 1986/87
- Ռեալ Մադրիդ
- Իսպանիայի չեմպիոն՝ 1994/95
Որպես մարզիչ
[խմբագրել | խմբագրել կոդը]- Բենֆիկա
- Պորտուգալիայի լիգայի գավաթակիր՝ 2008/09
- Ատլետիկո
- ՈՒԵՖԱ Եվրոպայի լիգայի հաղթող՝ 2009/10
- ՈՒԵՖԱ-ի սուպերգավաթակիր՝ 2010
- Իսպանիայի Գավաթի եզրափակչի մասնակից՝ 2009/10
- Ալ Ահլի
- ԱՄԷ նախագահի գավաթակիր՝ 2012/13
- ԱՄԷ լիգայի գավաթակիր՝ 2012
Անձնական
[խմբագրել | խմբագրել կոդը]- Անգլիայի Պրեմիեր լիգայի ամսվա մարզիչ՝ դեկտեմբեր 2015
Ծանոթագրություններ
[խմբագրել | խմբագրել կոդը]- ↑ Elias Israel (2005 թ․ օգոստոսի 8). «Quique Sánchez Flores : El alumno aventajado de la ´Saeta rubia´» (իսպաներեն). La Voz de Asturias. Արխիվացված է օրիգինալից 2013 թ․ փետրվարի 13-ին. Վերցված է 2023 թ․ դեկտեմբերի 22-ին.
- ↑ «Valencia part with Sánchez Flores». Արխիվացված օրիգինալից 2009 թ․ մայիսի 5-ին. Վերցված է 2009 թ․ նոյեմբերի 1-ին.
- ↑ «Benfica appoint Flores as coach». Արխիվացված օրիգինալից 2009 թ․ մայիսի 5-ին. Վերցված է 2009 թ․ նոյեմբերի 1-ին.
- ↑ «Кике Санчес Флорес покинул «Бенфику»». Արխիվացված օրիգինալից 2016 թ․ մարտի 6-ին. Վերցված է 2009 թ․ նոյեմբերի 1-ին.
- ↑ «Кике Санчес Флорес: «Я устал от слухов о моем уходе в «Севилью»». Արխիվացված օրիգինալից 2009 թ․ մայիսի 9-ին. Վերցված է 2009 թ․ նոյեմբերի 1-ին.
- ↑ «Кике Флорес возглавил «Атлетико»». Արխիվացված օրիգինալից 2010 թ․ հունվարի 22-ին. Վերցված է 2009 թ․ նոյեմբերի 1-ին.
- ↑ «Atletico make Flores appointment». Արխիվացված օրիգինալից 2016 թ․ մարտի 3-ին. Վերցված է 2009 թ․ նոյեմբերի 1-ին.
- ↑ Кике Флорес продлит контракт с «Атлетико»(չաշխատող հղում)
- ↑ «Кике Флорес объявил, что покинет «Атлетико» по окончании сезона». Արխիվացված օրիգինալից 2016 թ․ մարտի 6-ին. Վերցված է 2011 թ․ նոյեմբերի 8-ին.
- ↑ «Флорес: у меня не было возможности остаться в «Атлетико»». Արխիվացված օրիգինալից 2016 թ․ մարտի 4-ին. Վերցված է 2011 թ․ նոյեմբերի 8-ին.
- ↑ «Кике Санчес Флорес возглавил «Аль-Ахли» из ОАЭ». Արխիվացված օրիգինալից 2016 թ․ մարտի 4-ին. Վերցված է 2011 թ․ նոյեմբերի 8-ին.
- ↑ «Кике Флорес покинет «Уотфорд»». Արխիվացված օրիգինալից 2018 թ․ ապրիլի 22-ին. Վերցված է 2018 թ․ ապրիլի 22-ին.
- ↑ «Кике Санчес Флорес возглавил «Эспаньол»». Արխիվացված օրիգինալից 2018 թ․ ապրիլի 22-ին. Վերցված է 2018 թ․ ապրիլի 22-ին.
- ↑ «Кике Санчес Флорес уволен с поста главного тренера «Эспаньола»». Արխիվացված օրիգինալից 2018 թ․ ապրիլի 22-ին. Վերցված է 2018 թ․ ապրիլի 22-ին.
- ↑ «Флорес возглавил Хетафе». Արխիվացված օրիգինալից 2022 թ․ հոկտեմբերի 1-ին. Վերցված է 2022 թ․ օգոստոսի 16-ին.
Արտաքին հղումներ
[խմբագրել | խմբագրել կոդը]- Փետրվարի 5 ծնունդներ
- 1965 ծնունդներ
- Ապրող անձինք
- Մադրիդ քաղաքում ծնվածներ
- Անձինք այբբենական կարգով
- Ֆուտբոլիստներ այբբենական կարգով
- Վալենսիայի ֆուտբոլիստներ
- Իսպանացի տղամարդ ֆուտբոլիստներ
- Իսպանիայի ֆուտբոլի երիտասարդական հավաքականի ֆուտբոլիստներ
- Իսպանիայի հավաքականի ֆուտբոլիստներ
- Ռեալ Սարագոսայի ֆուտբոլիստներ
- Ռեալ Մադրիդի ֆուտբոլիստներ
- Պրեմիեր Լիգայի մարզիչներ
- Լա Լիգայի ֆուտբոլիստներ