Էբրու Օզքան

Էբրու Օզքան
Ծնվել է	նոյեմբերի 18, 1978(1978-11-18) (46 տարեկան)
Ծննդավայր	Անկարա, Թուրքիա
Կրթություն	Անկարայի համալսարանի պատմաաշխարհագրական ֆակուլտետ
Քաղաքացիություն	Թուրքիա
Մասնագիտություն	դերասանուհի և մոդել

Էբրու Օզքան (թուրքերեն՝ Ebru Özkan, նոյեմբերի 18, 1978(1978-11-18), Անկարա, Թուրքիա), թատրոնի և կինոյի թուրք դերասան և մոդել։

Կենսագրություն

Էբրու Օզքանը ծնվել է 1978 թվականի նոյեմբերի 18-ին Անկարայում։ Ավարտել է Անկարայի համալսարանի պատմաաշխարհագրական ֆակուլտետը։ Դերասանական կարիերայում Էբրուն իր առաջին քայլերը սկսել է թատրոնից և մոդելային բիզնեսից։ Թուրքիայում Էբրուն հայտնի է դարձել Մելիսայի դերով, որը նա մարմնավորել է «Սարսափի տուն» ֆիլմում։ 2009-2011 թվականներին Էբրուն նկարահանվել է «Տիկնոջ այգին» հեռուստասերիալում։ Ավելի ուշ, նա խաղացել է «Մայրեր և աղջիկներ» հեռուստասերիալում, որտեղ մարմնավորել է Դեֆնեի դերը։ 2012 թվականին «Իմ կյանքի դերը» հեռուստասերիալում մարմնավորել է Էլայի դերը, իսկ «Նոթեր» հեռուստասերիալում՝ Սունայի դերը։ 2015 թվականին Էբրուն խաղացել է «Քամու հիշողություն» ֆիլմում, որտեղ մարմնավորել է Լեյլայի դերը։ Այդ ֆիլմում նրա խաղընկերը եղել է Թուբա Բույուքյուսթունը։ 2014-2017 թվականներին Էբրուն խաղացել է Դիլյարա Էրգյուվանի դերը՝ Փշրունքներ հեռուստասերիալում։

Անձնական կյանք

2008 թվականին հարաբերությունների մեջ է եղել Մերթ Ֆըրաթի հետ։ 2009 թվականից մինչև 2014 թվականի գարուն հանդիպել է Ջաներ Ջինդորուքի հետ։ Հարաբերությունների մեջ է եղել նաև Նեջդաթ Իշլերի հետ։ 2014 թվականի վերջից մինչև 2015 թվականի սկիզբ հանդիպել է Էրթան Սաբանի հետ։ 2016 թվականի հունիսի 3-ին զույգն ամուսնացել է։ 2018 թվականի հունվարի 12-ին նրանք ունեցել են դուստր, որին կոչել են Բիրիջիք։

Ֆիլմագրություն

Տարի		Հայերեն անվանում	Բնօրինակ անվանում	Դեր
2015	ֆ	Քամու հիշողություն	Rüzgarın Hatıraları	Լեյլա
2014	ս	Փշրունքներ	Paramparça	Դիլյարա Էրգյուվան
2014	ս	Նոթեր	Not Defteri	Սունա
2012	ս	Իմ կյանքի դերը	Hayatımın Rolü	Էլա
2011	ս	Մայրեր և դուստրեր	Anneler ile kızları	Դեֆնե
2010	ֆ	Չինարա	Çınar Ağacı	Բերին
2009	ս	Տիկնոջ այգին	Hanımın Çiftliği	Խալիդե
2009	ս	Վարդագույն աշխարհ	Güldünya	Դուրու
2007	ս	Սև մարգարիտ	Kara İnci	Սեչիլ
2006	ս	Քաղաքի արցունքներ	Gözyaşı Çetesi	Դենիզ
2006	ֆ	Սարսափի տուն	Kabuslar Evi: Bir Kış Masalı	Մելիսա

Թատրոն

• Pandaların Hikayesi (2012)
• Romeo ve Juliet (2008)
• Arzu Tramvayı (2008)
• Atları Da Vururlar (2005)