Թուբա Բույուքյուսթուն
 թուրքերեն՝ Tuba Büyüküstün | |
|---|---|
 | |
| Ծնվել է | հուլիսի 5, 1982 (42 տարեկան) |
| Ծննդավայր | Ստամբուլ, Թուրքիա |
| Կրթություն | Միմար Սինանի անվան գեղարվեստի համալսարան |
| Քաղաքացիություն |  Թուրքիա |
| Մասնագիտություն | կինոդերասանուհի, հեռուստատեսային դերասանուհի, մոդել և ՅՈՒՆԵՍԿՕ-ի բարի կամքի դեսպան |
| Ամուսին(ներ) | Onur Saylak? |
| tubabuyukustun.com.tr | |
Թուբա Բյույուքյուսթյուն (թուրքերեն՝ Tuba Büyüküstün հուլիսի 5, 1982, Ստամբուլ, Թուրքիա), կինոյի և հեռուստատեսության թուրք դերասանուհի։ Առավել հայտնի է դարձել՝ մարմնավորելով Ասիի դերը Ասի հեռուստասերիալում, որը ցուցադրվել է թուրքական Kanal D հեռուստաընկերության եթերում։
Կենսագրություն
[խմբագրել | խմբագրել կոդը]Թուբան ծնվել է 1982 թվականի հուլիսի 5-ին Ստամբուլում։ Ավարտել է «Doğus ավագ դպրոցը, որից հետո ստացել է կրթություն Միմար Սինանի անվան գեղարվեստի համալսարանի համալսարանում՝ կոստյումների և դեկորացիաների դիզայներ մասնագիտացմամբ[1]։
Կարիերա
[խմբագրել | խմբագրել կոդը]Համալսարանում ուսանելու տարիներին Թուբան սկսել է ակտիվորեն նկարահանվել այնպիսի հայտնի բրենդների գովազդներում, ինչպիսիք են «Pantene»-ը, «Maximum Cart»-ը, «Kremini»-ն, «Molped»-ը։ Շուտով նրան նկատեց հայտնի ռեժիսոր Թոմրիս Հիրիթլիօղլուն։ Սերիալներում նրա առաջնախաղը եղավ «Սուլթան Մաքամը» հեռուստասերիալը։ Այնուհետև խաղացել է «Գյուլիզար» և «Հայր և որդի» ֆիլմերում։ Թուբայի աստեղային ժամը հանդիսացավ Ասի հեռուստասերիալը, որը հեռարձակվել է 2007- 2009 թվականներին։ Սերիալում Թուբան խաղացել է գլխավոր դերը, որտեղ նրա խաղընկերն է եղել թուրք հայտնի դերասան Մուրատ Յըլդըրըմը։ Իսկ արդեն 2010 թվականին խաղացել է գնչուհի Հասրեթի դերում՝ «Կոտևված սրտեր» հեռուստասերիալում։ Միևնույն տարում խաղացել է Էսմայի դերը՝ «Հարցրու քո սրտին» սերիալում։ 2014- 2015 թվականներին նկարահանվել է «Կեղտոտ փողեր և սեր» հեռուստասերիալում։ Ներկայումս նկարահանվում է Վտանգավորը և գեղեցկուհին հեռուստասերիալու, որը 2016 թվականի հոկտեմբերից կցուցադրվի Star TV-ի եթերում։ Սերիալում Թուբայի խաղընկերն կլինի Քվանչ Տատլըտուղը։
Անձնական կյանք
[խմբագրել | խմբագրել կոդը]2005 թվականին Թուբան ունեցել է հարաբերություններ Բյուլենտ Ինալի հետ, սակայն 2007 թվականին զույգը բաժանվեց։ Ասի հեռուստասերիալի ժամանակ ծանոթացել է բեմադրող օպերատոր Սամի Սայդանի հետ։ 2008 թվականից զույգը սկսեց հանդիպել, սակայն 2010 թվականին նրանք բաժանվեցին։ 2011 թվականին Թուբան Փարիզում ամուսնացավ դերասան Օնուր Սայլաքի հետ[2]։ 2012 թվականի հունվարի 19-ին Թուբան լույս աշխարհ բերեց երկվորյակների՝ Մայային և Թոփրաքին[3][4]։
Ծանոթագրություններ
[խմբագրել | խմբագրել կոդը]- ↑ «Tuba-Buyukustun.com». tuba-buyukustun.com. Արխիվացված է օրիգինալից 2014 թ․ հունվարի 27-ին. Վերցված է 2016 թ․ սեպտեմբերի 19-ին.
- ↑ sitesi, milliyet.com.tr Türkiye'nin lider haber. «Böyle evlendiler». Արխիվացված է օրիգինալից 2014 թ․ մարտի 11-ին. Վերցված է 2016 թ․ սեպտեմբերի 19-ին.
- ↑ «Tuba Büyüküstün Anne Oldu» (թուրքերեն). Վերցված է 2016 թ․ սեպտեմբերի 19-ին.
- ↑ «Tuba Büyüküstün anne oldu» (թուրքերեն). Արխիվացված է օրիգինալից 2016 թ․ մարտի 3-ին. Վերցված է 2016 թ․ սեպտեմբերի 19-ին.
 | Վիքիպահեստն ունի նյութեր, որոնք վերաբերում են «Թուբա Բույուքյուսթուն» հոդվածին։ |
| ||||||||||||||
