Դոնի Ռոստովի հայկական գերեզմանոց
| Դոնի Ռոստովի հայկական գերեզմանոց | |
|---|---|
 | |
 | |
| Տեսակ | գերեզմանատուն |
| Տեղագրություն | Պրոլետարսկի շրջան |
| Երկիր |  Ռուսաստան |
| Հիմնման տարի | 1749 |
| Մակերես | 1,4 կմ² |
Դոնի Ռոստովի հայկական գերեզմանոց, պաշտոնապես կոչվում է Պրոլետարական գերեզմանոց (Пролетарское кладбище), գերեզմանատուն, որը գտնվում է Դոնի Ռոստով քաղաքի Պրոլետարական շրջանում[1]։
Պատմությունը
[խմբագրել | խմբագրել կոդը]Գերեզմանատունը հիմնադրվել է 1749 թվականին և ի սկզբանե անվանվել հայկական։ Այն ունի 14 հեկտար տարածություն, որի կենտրոնական ծառուղիները, որոնք սկիզբ են առնում հարավային և արևմտյան դարպասներից, տանում են դեպի Սուրբ Կարապետ եկեղեցի։ Այն կառուցվել է 1875 թվականին և մինչ օրս Դոնի Ռոստովում պահպանված հայկական միակ հինավուրց տաճարն է։ Եկեղեցու մոտ թաղված է հայազգի բարերար Ակուլինա Ալաջալովան, ում միջոցներով էլ կառուցվել է այն։
Երկար տարիներ գերեզմանոցի պահպանությունը եղել է բարձիթողի վիճակում և բազմիցս նկատվել են վանդալիզմի երևույթներ։ Ներկայումս իրականացվում են պահպանված հուշարձանների վերականգնողական աշխատանքներ և կարգի է բերվում գերեզմանոցի ողջ տարածքը[2]։
Գերեզմանատանը գտնվում է նաև Հայրենական մեծ պատերազմի ժամանակ զոհվածների եղբայրական գերեզմանոցը և կանգնեցված է նրանց հիշատակն անմահացնող հուշարձան[3]։ Հետաքրքիր է նաև այն, որ հայկական գերեզմանոցի շատ հուշարձաններ իտալացի հայտնի քանդակագործ Սելվեստր Անտոնիո Տոնիտտոյի ձեռքի գործն են, ով ապրել է Դոնի Ռոստովում և ուներ տապանաքարերի պատրաստման արհեստանոց[2]։
Հայկական գերեզմանոցում թաղված են հայ և այլազգի շատ հայտնի մարդիկ` նկարիչներ, բանաստեղծներ, գրողներ, երաժիշտներ, գիտնականներ, հասարակական գործիչներ և այլք։
Հայտնի մարդիկ, ովքեր թաղված են գերեզմանոցում
[խմբագրել | խմբագրել կոդը]- Հմայակ Արծաթպանյան (1876-1920) - հայ գեղանկարիչ
- Մինաս Բալաբանով (1844-1924) - հասարակական գործիչ, բարերար, Դոնի Ռոստովի քաղաքագլուխ
- Նիկոլայ Դուրբախ (1858-1924) - հայազգի ճարտարապետ
- Նիկոլայ Կորգանով (1891-1961) - հայազգի նյարդաբան, բժշկական գիտությունների դոկտոր, պրոֆեսոր
- Սուսաննա Մառ (1900-1965) - հայազգի բանաստեղծուհի, թարգմանչուհի
- Վասիլի Միշուլին (1900-1967) - ԽՍՀՄ հերոս, գեներալ-լեյտենանտ
- Գրիգոր Չալխուշյան (1861-1939) - հասարակական գործիչ, պատմաբան, իրավաբան
Ծանոթագրություններ
[խմբագրել | խմբագրել կոդը]- ↑ Армянское кладбище (Ростов-на-Дону)
- ↑ 2,0 2,1 «На армянском кладбище в Ростове необходимо навести порядок». Արխիվացված է օրիգինալից 2017 թ․ հունվարի 3-ին. Վերցված է 2017 թ․ մայիսի 1-ին.
- ↑ Братская могила воинов ВОВ - Ростов-на-Дону, Армянское кладбище