Գրիգոր Մուրադյան (պետական գործիչ)
- Վիքիպեդիայում կան հոդվածներ Մուրադյան ազգանունով այլ մարդկանց մասին։
Անվան այլ կիրառումների համար տե՛ս՝ Գրիգոր Մուրադյան (այլ կիրառումներ)
| Գրիգոր Մուրադյան | |
| Կրթություն՝ | ԵՊՀ իրավաբանական ֆակուլտետ և Փիլիսոփայության, սոցիոլոգիայի և իրավունքի ինստիտուտ |
|---|---|
| Ծննդյան օր | հունվարի 6, 1972 (52 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
Գրիգոր Հարությունի Մուրադյան (հունվարի 6, 1972, Երևան, Հայկական ԽՍՀ, ԽՍՀՄ), ՀՀ պետական գործիչ։
Կրթություն
[խմբագրել | խմբագրել կոդը]- 1989-1994 թթ. սովորել և ավարտել է ԵՊՀ իրավաբանական ֆակուլտետը։
- 1994-1998 թթ. սովորել և ավարտել է ՀՀ ԳԱԱ Փիլիսոփայության և իրավունքի ինստիտուտի ասպիրանտուրան։
- 1999-2000 թթ. սովորել է Հայդելբերգի Ռուպրեխտ-Կառլի անվան համալսարանի իրավաբանական ֆակուլտետի մագիստրատուրայում, ստացել է իրավագիտության մագիստրոսի աստիճան։
- 1999–2001 թթ. զբաղվել է գիտական հետազոտություններով և ստաժավորվել Գերմանիայի Հայդելբերգ քաղաքի Արտասահմանյան հանրային իրավունքի և միջազգային իրավունքի Մաքս Պլանկի անվան ինստիտուտում։
Աշխատանքային գործունեություն
[խմբագրել | խմբագրել կոդը]- 1994-1996 թթ. աշխատել է ՀՀ Գերագույն դատարանի օրենսդրության համակարգման և դատական պրակտիկայի ամփոփման բաժնի խորհրդատու, այնուհետև՝ ավագ խորհրդատու։
- 1996 թ. - ՀՀ Ազգային ժողովի աշխատակազմի իրավաբանական բաժնի ավագ խորհրդատու։
- 1996-2003 թթ. - ՀՀ Սահմանադրական դատարանի իրավախորհրդատվական ծառայության ղեկավարի տեղակալ։
- 2001-2010 թթ. - Գերմանական տեխնիկական համագործակցության ընկերության (GTZ) «Իրավական համակարգի ամրապնդման համար խորհրդատվություն» ծրագրի իրավաբան։
- 2010-2011 թթ. - Միջազգային համագործակցության գերմանական ընկերության (GIZ) «Հարավային Կովկասում իրավական և դատական բարեփոխումների համար խորհրդատվություն» տարածաշրջանային ծրագրի իրավախորհրդատու։
- 2007-2011 թթ. - ՀՀ Սահմանադրական դատարանի խորհրդական։
- 2011 թ. հունվարի 24-ին ՀՀ վարչապետի որոշմամբ նշանակվել է ՀՀ արդարադատության նախարարի առաջին տեղակալ[1]։
- 2013 թ. սեպտեմբերի 4-ին ՀՀ Նախագահի հրամանագրով նշանակվել է Հայաստանի Հանրապետության Նախագահին առընթեր սահմանադրական բարեփոխումների մասնագիտական հանձնաժողովի անդամ[2]։
- 2014 թ. հունիսի 26-ին ՀՀ վարչապետի որոշմամբ ազատվել է Հայաստանի Հանրապետության արդարադատության նախարարի առաջին տեղակալի պաշտոնից՝ իր դիմումի համաձայն[3]։
- 2014 թ. հունիսի 28-ից ՀՀ Նախագահի աշխատակազմի իրավաբանական վարչության պետն է։
Հրապարակումներ
[խմբագրել | խմբագրել կոդը]- «Հայաստանի Հանրապետության Սահմանադրության մեկնաբանություններ»,
- «Ընտրական վեճերը Հայաստանի Հանրապետությունում /գիտագործնական ձեռնարկ/»,
- «Հարցեր և պատասխաններ վարչարարության հիմունքների և վարչական վարույթի մասին»,
- «117 հարց ու պատասխան ՀՀ Սահմանադրության մասին»։
Պարգևներ և կոչումներ
[խմբագրել | խմբագրել կոդը]- 2011 թ. հունվարին շնորհվել է արդարադատության առաջին դասի պետական խորհրդականի դասային աստիճան։
Տիրապետում է գերմաներեն, ռուսերեն լեզուներին։
Անկուսակցական է։
| Նախորդող Գևորգ Մալխասյան |
ՀՀ Արդարադատության նախարարի առաջին տեղակալ Արամ Օրբելյան 24 հունվարի 2011-26 հունիսի 2014 |
Հաջորդող Արսեն Մկրտչյան |
Ծանոթագրություններ
[խմբագրել | խմբագրել կոդը]- ↑ Գ. ՄՈՒՐԱԴՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ ԱՌԱՋԻՆ ՏԵՂԱԿԱԼ ՆՇԱՆԱԿԵԼՈՒ ՄԱՍԻՆ(չաշխատող հղում)
- ↑ Հայաստանի Հանրապետության Նախագահին առընթեր սահմանադրական բարեփոխումների մասնագիտական հանձնաժողով ստեղծելու մասին
- ↑ ԳՐԻԳՈՐ ՄՈՒՐԱԴՅԱՆԻՆ ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ԱՐԴԱՐԱԴԱՏՈՒԹՅԱՆ ՆԱԽԱՐԱՐԻ ԱՌԱՋԻՆ ՏԵՂԱԿԱԼԻ ՊԱՇՏՈՆԻՑ ԱԶԱՏԵԼՈՒ ՄԱՍԻՆ(չաշխատող հղում)