Գորբեա բնական պարկ
 Parque natural del Gorbea | |
|---|---|
 | |
| Տեսակ | բնության հատուկ պահպանվող տարածք, site of community importance? և natural park? |
| Երկիր |  Իսպանիա[1] |
| Վարչատարածք | Բասկերի հողեր, Բիսկայա և Ալավա |
| Տեղագրություն | Բիսկայա |
| Հիմնվել է | 1994[1] |
| Մակերես | 20,008 հա |
  | |
.svg) | |
Գորբեա բնական պարկ (իսպ.՝ Parque natural del Gorbea), պաշտպանված տարածք Բասկերի երկրում, Բիսկայա և Ալավա նահանգների միջև (Իսպանիա)։ Աշխարհի ամենամեծ Բասկյան բնական պարկն է։ Զբաղեցնում է 20,008 հա տարածք։ Գորբեա բնական պարկը հարակից Ուրկիոլա բնական պարկի հետ միասին կարևոր բնապահպանական տարածքներ են։ Որպես բնական պարկ հայտարարվել է 1944 թվականի հունիսի 21-ին, Բասկյան կառավարության որոշմամբ՝ բնական ժառանգության պահպանման նպատակով։ Պարկն անունը ստացել է այստեղ գտնվող Գորբեա լեռից[2]։ Վերջինս ունի 1482 մ բարձրություն։ Առանձնացնում են նաև Ալդամին Պենա (1482 մ) և Պենաս դը Իթշինա (1,373 մ) լեռները։
Հաղորդակցություն և հասանելիություն[խմբագրել | խմբագրել կոդը]
Գորբեա բնական պարկ կարելի է մուտք գործել N-240 ազգային մայրուղով, որը կապում է Բիլբաոն Վիտորիային, այն շրջանակում է պարկը արևելյան կողմից։ Արևմտյան կողմից դեպի պարկ հնարավոր է մուտք գործել AP-68 մայրուղով, ինչպես նաև Բիլբաոն Վիտորիային կապող տեղական BI-2522 և A-624 ճանապարհներով։ Օրոսկո Արտեայի BI-3513 մայրուղուց շարժվելով հյուսիս կարելի է հասնել N-622 ճանապարհին։ Պարկը հասանելի է նաև Բիլբաո և Վիտորիա կամ Բարասար Ալթուբ ավտոբուսային երթուղով։
Տեղեկատվական կենտրոններ[խմբագրել | խմբագրել կոդը]
Առանձնացվում են երկու տեղեկատվական կենտրոններ. առաջինը՝ Ալավայում, Սարիա քաղաքի մոտ, իսկ մյուսը Վիլլարո քաղաքում,Վիզկայայում։ Պարկի մասին տեղեկություններ կարելի է գտնել մի շարք ցուցահանդեսներում, որտեղ հստակ ներկայացվում է պարկի բնութագիրը։
Գորբեա լեռ[խմբագրել | խմբագրել կոդը]
Գորբեա բնական պարկը ձևավորված է Գորբեա լեռան շուրջը։ Վերջինս ծովի մակարդակից բարձր է 1482 մ։ 1994 թվականին ընդգրկվել է Բասկյան կառավարության կողմից ստեղծած 200 կմ² ազգային պարկում։ Լեռան վրա տեղակայված է մետաղյա խաչ։
Կլիմա[խմբագրել | խմբագրել կոդը]
Գորբեա ազգային պարկի աշխարհագրական դիրքը մեծ ազդեցություն ունի կլիմայի ձևավորման գործում։ Տեղումները հիմնականում թափվում են ամռանը, թեև աշնան և ձմռան ամիսները նույնպես անձրևոտ են։ Ընդհանուր առմամբ առավել շատ տեղումներ մոտավորապես 2000 մմ թափվում են հյուսիսային լանջում՝ 1300մ բարձրության վրա (լեռնային կլիմայական գոտում)։ Այստեղ միջին ջերմաստիճանը հովիներում հասնում է 12 °C-ի, իսկ Բասկյան բարձրադիր գոտիներում՝ 8 °C։ Բիսկայայի և Ալավայի և՛ ջերմաստիճանի, և՛ տեղումների քանակի ակնհայտ տարբերությունը պայմանավորված է լեռան հյուսիսային և հարավային կողմերում տարածված կլիմայական գոտիներով։
Պատկերասրահ[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ 1,0 1,1 Nationally designated areas (CDDA)
- ↑ «Gorbeia Natural Park». Basque Country Tourism (բրիտանական անգլերեն). 2016 թ․ դեկտեմբերի 1. Վերցված է 2020 թ․ հուլիսի 21-ին.
Արտաքին հղումներ[խմբագրել | խմբագրել կոդը]
- Parque Natural del Gorbea
- The Gujuli Waterfall
- Turismo en Euskadi Արխիվացված 2007-06-09 Wayback Machine
- [1]
- [2]
- [3]
- [4] Արխիվացված 2011-07-22 Wayback Machine
 | Վիքիպահեստն ունի նյութեր, որոնք վերաբերում են «Գորբեա բնական պարկ» հոդվածին։ |
