Բրոքեր (ֆիլմ)
 անգլ.՝ Quicksilver | |
|---|---|
| Երկիր |  ԱՄՆ |
| Ժանր | դրամա[1] |
| Թվական | 1986 |
| Լեզու | անգլերեն |
| Ռեժիսոր | Թոմաս Մայքլ Դոնելլի |
| Պրոդյուսեր | Դենիել Մելնիք |
| Դերակատարներ | Քևին Բեյքոն[2], Ջեյմի Բերտ Գերց[2], Էնդրյու Սմիթ[2], Լոուրենս Ֆիշբորն[2], Լուի Անդերսոն[2], Չարլզ ՄակՔոեն[2] և Փոլ Ռոդրիգես[2] |
| Օպերատոր | Թոմաս դել Ռութ |
| Երաժշտություն | Թոնի Բենքս |
| Պատմվածքի վայր | Նյու Յորք և Սան Ֆրանցիսկո |
| Նկարահանման վայր | Սան Ֆրանցիսկո |
| Կինոընկերություն | Columbia Pictures |
| Տևողություն | 105 րոպե |
«Բրոքեր» (անգլ.՝ Quicksilver), 1986 թվականի լիամետրաժ ֆիլմ Քևին Բեյքոնի գլխավոր դերակատարմամբ։ Սցենարի հեղինակը և ռեժիսոր Թոմաս Մայքլ Դոնելլին է։
Սյուժե
[խմբագրել | խմբագրել կոդը]Երիտասարդ Ջեք Քեյսին աշխատում է որպես բրոքեր Ուոլ սթրիրի դիլինգային սրահներից մեկում։ Նրա կռահողականության և ինտուիցիայի շնորհիվ կարծես ամեն ինչ բարեհաջող է ընթանում, նա ավելացնում է իր կապիտալը։ Սակայն շահումների շարքին անսպասելիորեն հետևում է մեծ կորուստ։ Ջեքը փորձում է հաղթել, և ... ի վերջո կորցնում է ֆոնդային բորսայում իր և իր ծնողների ամբողջ փողը։ Միջնորդի կարիերան ավարտված է։
Իր անհաջողությունից և մասնագիտությունից հիասթափվելուց հետո Ջեք Քեյսին փորձում է նոր կյանք սկսել։ Նա երիտասարդ է, լի է ուժով և աշխատանքի է ընդունվում որպես ցրիչ Սան Ֆրանցիսկոյի «Quicksilver» ֆիրմայում։ Ջեքը ծանոթանում է հասարակության բոլորովին տարբեր սոցիալական շերտեր ներկայացնող նոր մարդկանց հետ։ Նա սիրում է իր աշխատանքը, ընդ որում, այն պահանջում է ավելի քիչ պատասխանատվության և ավելի շատ ազատություն է տալիս։ Բայց նրա ծնողները, գործընկերն ու ընկերուհու հավանության չեն արժանացնում նրա աշխատանքը, փորձում են նրան համոզել վերադառնալ բիզնես։
Նոր աշխատանավայրում Ջեքը մտերմանում է միայնակ աղջկա՝ Թերիի հետ։ Բացի այդ, նա գտնում է նաև նոր ընկեր՝ մեքսիկացի Հեկտորին, որն օգնում է լուծել ֆինանսական հարցերը՝ օգտագործելով իր անցյալի հմտությունները և Ուոլ սթրիթի կապերը։ Բայց պարզվում է, որ ցրիչներն էլ ունեն իրենց խնդիրները։ Գանգստեր Ջիպսին («Գնչու»), որը Թերիին և այլ ցրիչների ստիպում է թմրանյութեր տեղափոխել և անօրինական եկամուտներ ստանալ։ Թերիին օգնելով դուրս գալ կեղտոտ գործարքներից՝ Ջեքն իր հեծանիվով սկսում է պայքարել Ջիպսիի դեմ, որը մեքենայով է։
Դերերում
[խմբագրել | խմբագրել կոդը]- Քևին Բեյքոն – Ջեք Քեյսին
- Ջեյմի Բերտ Գերց – Թերի
- Պոլ Ռոդրիգես – Էկտոր Ռոդրիգես
- Ռուդի Ռամոս – Ջիպսի, «Գնչու»
- Լոուրենս Ֆիշբորն – Վուդու
- Լուի Անդերսոն – Թինի
- Էնդրյու Սմիթ – Գեյբ Քելլեն
Հետաքրքիր փաստեր
[խմբագրել | խմբագրել կոդը]- Ֆիլմը առաջին անգամ ցուցադրվել է 1986 թվականի փետրվարի 14-ին ԱՄՆ-ում։
- Ֆիլմը նկարահանվել է երկու քաղաքներում՝ Նյու Յորքում և Սան Ֆրանցիսկոյում և լի է քաղաքային տեսարաններով
- Ֆիլմում ցուցադրվում են մեծ թվով հեծանիվների մոդելներ։
- Ֆիլմում շատ երաժշտություն է հնչում, այն առկա է հեծանվորդների շարժում ցուցադրող բոլոր տեսարաններում։
DVD
[խմբագրել | խմբագրել կոդը]«Բրոքեր» ֆիլմը DVD-ով թողարկվել է 2002 թվականի դեկտեմբերի 10-ին Sony ընկերության կողմից[3]։
Ծանոթագրություններ
[խմբագրել | խմբագրել կոդը]- ↑ http://www.imdb.com/title/tt0091814/
- ↑ 2,0 2,1 2,2 2,3 2,4 2,5 2,6 http://www.imdb.com/title/tt0091814/fullcredits
- ↑ «ROTTEN TOMATOES: Movies — Top Movies, Trailers, Tickets & Showtimes». Արխիվացված է օրիգինալից 2007 թ․ դեկտեմբերի 31-ին. Վերցված է 2022 թ․ հունվարի 20-ին.
Արտաքին հղումներ
[խմբագրել | խմբագրել կոդը]- «Բրոքեր»(անգլ.) ֆիլմը Internet Movie Database կայքում
- «Բրոքեր» ֆիլմի քննադատությունը (անգլ.) Rotten Tomatoes կայքում
- «Բրոքեր» ֆիլմը Արխիվացված 2006-04-30 Wayback Machine (անգլ.) All Movie Guide կայքում
|
- Սան Ֆրանցիսկոյում նկարահանված ֆիլմեր
- Ֆիլմեր այբբենական կարգով
- 1980-ականների ամերիկյան ֆիլմեր
- 1980-ականների անգլերեն ֆիլմեր
- 1986 դրամա ֆիլմեր
- 1986 ֆիլմեր
- Columbia Pictures ֆիլմեր
- Ամերիկյան դետեկտիվ ֆիլմեր
- Ամերիկյան դրամա ֆիլմեր
- Ամերիկյան թրիլեր ֆիլմեր
- Ամերիկյան կատակերգական դրամա ֆիլմեր
- Ամերիկյան ռոմանտիկ ֆիլմեր
- Ֆիլմեր, որոնց գործողությունները տեղի են ունենում Նյու Յորքում
- Ֆիլմեր, որոնց գործողությունները տեղի են ունենում Սան Ֆրանցիսկոյում