Բոգդան Վենիգ
Բոգդան Վենիգ ռուս.՝ Богдан Вениг | |
---|---|
Ծնվել է | հուլիսի 18 (30), 1837 |
Ծննդավայր | Տալլին, Ռուսական կայսրություն |
Վախճանվել է | 1872 |
Մահվան վայր | Սանկտ Պետերբուրգ, Ռուսական կայսրություն |
Քաղաքացիություն | Ռուսական կայսրություն |
Կրթություն | Գեղարվեստի կայսերական ակադեմիա |
Մասնագիտություն | նկարիչ |
Ոճ | ակադեմիզմ |
Ժանր | կրոնական, դիմանկարային, պատմական գեղանկարչություն |
Թեմաներ | գեղանկարչություն |
Bogdan Wenig Վիքիպահեստում |
Բոգդան Բոգդանովիչ Վենիգ (ռուս.՝ Богдан Богданович Вениг, գերմ.՝ Johann Gottlieb Wenig, հուլիսի 18 (30), 1837, Տալլին, Ռուսական կայսրություն - 1872, Սանկտ Պետերբուրգ, Ռուսական կայսրություն), ռուս պատմական ու կրոնական գեղանկարիչ, «տասնչորսի խռովության» մասնակից։ Գեղանկարիչ, Գեղարվեստի կայսերական ակադեմիայի ակադեմիկոս Կարլ Վենիգի կրտսեր եղբայրն է։
Կենսագրություն[խմբագրել | խմբագրել կոդը]
Բոգդան Վենիգը ծնվել է 1837 թվականի հուլիսի 18-ին (նոր տոմարով՝ հուլիսի 30) Ռևելում (ներկայում՝ Տալլին), երաժշտության ուսուցիչ, Ռևելի Սուրբ Նիկոլայի լյութերական եկեղեցու երգեհոնահար ու ջութակահար Գոտլիբ Ֆրիդրիխ Վենիգի ընտանիքում։ Նրա մայրը՝ Ագատա Էմիլիա Գաբերգը (Ֆաբերժե), եղել է ոսկերիչ Կարլ Ֆաբերժեի հորաքույրը[1]։
1848 թվականին Վենիգները տեղափոխվել է Սանկտ Պետերբուրգ, որտեղ ընտանիքի հայրն եղել է Կայսերական թատրոնների վարչության անդամ։ 1851 թվականին[2] Բոգդան Վենիգն ընդունվել է Գեղարվեստի կայսերական ակադեմիա, որտեղ սովորել է պատմական գեղանկարչության դասարանում՝ աշակերտելով Ակադեմիայի գեղանկարչության ու քանդակագործության գծով ռեկտոր, պրոֆեսոր Ֆեոդոր Բրունիին։
Ակադեմիայում սովորելու տարիներին Բոգդան Վենիգը համարվել է նշանավոր գծանկարիչ[3]։ Նկարչության բնագավառում ունեցած հաջողությունների համար նա երեք անգամ արժանացել է փոքր արծաթե մեդալի (1854, 1856, 1857), երկու անգամ՝ մեծ արծաթե մեդալի (1856, 1857), 1859 թվականին պարգևատրվել է փոքր ոսկե մեդալով «Տեսարան Օլիմպիական խաղերից» նկարի համար, իսկ 1862 թվականին ստացել է Ակադեմիայի մեծ ոսկե մեդալ «Հուդայի համբույրը» էսքիզի համար[2]։
1863 թվականի նոյեմբերի 9-ին Բոգդան Վենիգը մասնակցել է «տասնչորսի խռովությանը»՝ հրաժարվելով մասնակցել մեծ ոսկե մեդալի համար անցկավող մրցույթին, որ նվիրված էր Գեղարվեստի ակադեմիայի հարյուրամյակին։ 1863 թվականից մինչև 1867 թվականը Բոգդան Վենիգն անդամակցել է Սանկտ Պետերբուրգի նկարիչների արտելի, որ գլխավորում էր Իվան Կրամսկոյը[4]։
1865 թվականից Բոգդան Վենիգը գեղանկարիչներ Իվան Կրամսկոյի ու Նիկոլայ Կոշելևի հետ միասին աշխատել է Մոսկվայի Փրկչի տաճարի գլխավոր գմբեթի նկարազարդմամբ, որ կատարվել է ըստ Իվան Կրամսկոյի ու Ալեքսեյ Մարկովի սկզբնական ուրվագծերի[5][6]։
Բոգդան Վենիգն ստեղծել է դիմանկարներ։ 1869 թվականին նա ստեղծել է քանդակագործ, մոդելագործ, Գեղարվեստի կայսերական ակադեմիայի (Ռուսաստանի գեղարվեստի ակադեմիայի գիտահետազոտական թանգարան) ակադեմիկոս ու պրոֆեսոր Իվան Իվանովիչ Ռեյմերսի դիմանկարը[7]։
Բոգդան Վենիգը մահացել է 1872 թվականին Սանկտ Պետերբուրգում։
Ծանոթագրություններ[խմբագրել | խմբագրել կոդը]
- ↑ Скурлов Валентин. (28 января 2009 года). «Фаберже и Эстония». Архив Валентина Скурлова (ռուսերեն). Արխիվացված օրիգինալից 2012 թ․ ապրիլի 25-ին. Վերցված է 2010 թ․ մայիսի 3-ին.
- ↑ 2,0 2,1 Кондаков С. Н. Живописцы // Список русских художников к юбилейному справочнику Императорской Академии Художеств = Списокъ русскихъ художниковъ къ юбилейному справочнику Императорской Академии Художествъ. — СПб., 1914. — С. 35. — 452 с.
- ↑ Ренин, И. Е. Чугуевские живописцы // Далёкое близкое. Воспоминания. — М.: «Захаров», 2002. — С. 107. — 508 с. — (Воспоминания). — 5000 экз. — ISBN 5-8159-0204-7
- ↑ Лейкинд О.Л., Северюхин Д.Я. «Артель художников». Историко-культурный интернет-портал «Энциклопедия Санкт-Петербурга» (ռուսերեն). Международный благотворительный фонд им. Д.С. Лихачева. Վերցված է 2010 թ․ մարտի 31-ին.
- ↑ Экштут С. А. Шайка передвижников. История одного творческого союза. — М.: «Дрофа», 2008. — 320 с. — 3000 экз. — ISBN 978-5-358-01904-1
- ↑ Алексеев-Алюрви Ю. В. Технология живописи в куполе Храма Христа Спасителя в Москве.(ռուս.). Архивировано из первоисточника 13 Նոյեմբերի 2009.
- ↑ «Немцы в Академии Художеств. XVIII- начало XX века. Москва.16 ноября 2004 - 28 февраля 2005 года. РАХ» (ռուսերեն). Научно-Исследовательский Музей Российской Академии Художеств (НИМРАХ). Արխիվացված օրիգինալից 2013 թ․ մարտի 21-ին. Վերցված է 2010 թ․ մայիսի 3-ին.
Գրականություն[խմբագրել | խմբագրել կոդը]
- Кондаков С. Н. Живописцы // Список русских художников к юбилейному справочнику Императорской Академии Художеств = Списокъ русскихъ художниковъ къ юбилейному справочнику Императорской Академіи Художествъ. — СПб.: Товарищество Р. Голике и А. Вильборг, 1914. — Т. II. — С. 35. — 454 с.
Արտաքին հղումներ[խմբագրել | խմբագրել կոդը]
- «Вениг Богдан Богданович на сайте Artru.info» (ռուսերեն). Արխիվացված է օրիգինալից 2012 թ․ ապրիլի 25-ին.