Ալեքսանդր Ֆու
 չինարեն՝ 傅聲 | |
|---|---|
| Ծնվել է | հոկտեմբերի 20, 1954[1] |
| Ծննդավայր | Բրիտանական Հոնկոնգ, Միացյալ Թագավորություն |
| Մահացել է | հուլիսի 7, 1983[1] (28 տարեկան) |
| Մահվան վայր | Բրիտանական Հոնկոնգ, Միացյալ Թագավորություն |
| Կրթություն | Moral Training English College? |
| Քաղաքացիություն | .svg){kind=small} Բրիտանական Հոնկոնգ |
| Մասնագիտություն | կինոդերասան, կարատեիստ և հեռուստատեսային դերասան |
| Ծնողներ | հայր՝ Cheung Yan-lung? |
| Ամուսին(ներ) | Jenny Tseng? |
Ալեքսանդր Ֆու կամ Ֆու Շեն (չինարեն ավանդ. 傅聲, հեշտ. 傅声 , պալլ.: Fu6 Seng1, անգլ.՝ Alexander Fu Sheng հոկտեմբերի 20, 1954[1], Բրիտանական Հոնկոնգ, Միացյալ Թագավորություն - հուլիսի 7, 1983[1], Բրիտանական Հոնկոնգ, Միացյալ Թագավորություն), հոնկոնգցի դերասան և ռեժիսոր։ 1970-ական թվականների մարտարվեստի ֆիլմերի և Շաո եղբայրների ստուդիայի աստղ։
Կենսագրություն[խմբագրել | խմբագրել կոդը]
Ծնվել է Հոնկոնգում։ Եղել է կայացած գործարար՝ արմատներով Նոր Տարածքների բնակիչ Չյոն Յանլունի որդին։ Երբ Ֆու Շեն երեխա էր, նրա ընտանիքը մի քանի տարիներ բնակվել է Հավայիում, որտեղ էլ սկսել է զբաղվել ձյուդոյով և կարատեով։ 1971 թվականին ընդունվել է Shaw Brothers ստուդիային կից դրամատիկական Հարավային Դպրոցը և անմիջապես իր վրա է բևեռել ռեժիսոր Չժան Չեի ուշադրությունը։ Ռեժիսորը, ցանկանալով փորձել նոր դերասանին, ուղարկում է մարզվելու կունգ ֆուի վարպետ Լյու Ցզյալյանի մոտ։ Ֆու Շեն էկրանին առաջին անգամ հայտնվեց 1972 թվականին՝ «14 ամազոնուհիները» ֆիլմում խաղալով զինվորի դերը[2]։ Դերասանին գլխավոր դեր վիճակվեց 1973 թվականին Չժան Չեի «Ոստիկանություն» ֆիլմում, որտեղ Ֆու Շեն խաղաց Լյան Գուանի դերը[3]։ Ֆու Շենի և Չժան Չեի հետագա համագործակցության արդյունքն են «Երկու հերոսներ» (1974), «Շաոլինի հինգ վարպետները» (1974), «Շաոլինի տաճարը» (1976) ֆիլմերը և «Խիզախ աղաղնաձիգը» ֆիլմաշարի սերիաները։ Ընդհանուր առմամբ Ֆու Շեն նկարահանվել է Չժան Չեի 23 ֆիլմերում։
1976 թվականին Ֆու Շեն ամուսնացել է դերասանուհի ջեննի Ցզէնի հետ, ով նրա հետ խաղացել է «Շաոլինի նոր բռնցքամարտիկները» (1976) ֆիլմում[4]։
Դերասանը մի շարք վնասվածքներ է ստացել 1978 և 1979 թվականներին։ «Մահացու պարզած սուրը» ֆիլմի (1979) նկարահանման հրապարակում ճոպանը, որից կախված էր Ֆու Շեն, կտրվել է և դերասանը գլխիվայր ընկել է ութ ֆունտ բարձրությունից։ Նկարահանվելով «Հերոսները լաց չեն լինում» ֆիլմում (1980)՝ նա կոտրեց աջ ոտքի ոսկորները։
Ենթադրվում էր, որ Ֆու Շեն «Օձ արծվի ստվերում» (1978) պետք է խաղար գլխավոր դերը, բայց Շաո ժենլենը՝ Shaw Brothers ընկերության ղեկավարը, որի մոտ դերասանն աշխատում էր երկարաժամկետ էքսկլյուզիվ պայմանագրով, թույլ չտվեց նրան մասնակցել ստուդիայի աշխատանքներին [աղբյուրը 346 օր ցույց չի տալիս]։ Ի վերջո, գլխավոր դերում ընտրվել է Ջեքի Չանը։
Ալեքսանդր Ֆուն գնել և բնակվել է Բրյուս Լիի տանը՝ Կոուլունում։ 1983 թվականի հուլիսի 7-ին Շաո եղբայրների ստուդիայի աստղը զոհվում է ավտովթարից[5]։ Այդ ժամանակ նա մասնակցում էր «Վեցերորդ զինվորը» ֆիլմի (1984) նկարահանումներին.այստեղ պետք է խաղար գլխավոր դերը։ ֆու Շենի մահվան հետ կապված ֆիլմի սցենարը նորից գրվեց։ Ֆիլմի թողարկված տարբերակում Ֆու Շեն հանկարծակի անհայտանում է և իրադարձությունների կենտրոնում հայտնվում է Գորդան Լյուի հերոսը[5]։
Հուղարկավորությունը կազմակերպել է Shaw Brothers –ի կոմիտեն։ Նրա աճյունը քսուքապատվել է[6]։
Ծանոթագրություններ[խմբագրել | խմբագրել կոդը]
- ↑ 1,0 1,1 1,2 1,3 1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
- ↑ The Fourteen Amazons (1972) (անգլ.) на сайте hkmdb.com.
- ↑ 警察 Police force Արխիվացված 2016-03-05 Wayback Machine (չին.) в базе Гоконгского Киноархива при Департаменте культуры и отдыха правительства Гонконга.
- ↑ Historical Dictionary of Hong Kong Cinema
- ↑ 5,0 5,1 Films of Fury: The Kung Fu Movie Book
- ↑ Documentary about Shaw Bros actor Fu Sheng – With Subtitles на YouTube.
Արտաքին հղումներ[խմբագրել | խմբագրել կոդը]
- Կաղապար:Rotten Tomatoes person
- Ֆու Շեն (անգլ.) hkmdb.com կայքում
| ||||||||||||
