Ալեքսանդր I-ի հուշարձան (Մոսկվա)
![]() Ալեքսանդր I-ի հուշարձանի բացման հանդիսավոր արարողության ժամանակ | |
![]() | |
![]() | |
Տեսակ | հուշարձան |
Ճարտարապետ | Իգոր Վոսկրեսենսկի |
Ստեղծում | 2014 |
Երկիր | ![]() |
Քաղաք | Մոսկվա |
Բնակավայր | Ալեքսանդրի այգի |
Շինության ձև | Քանդակ |
Նյութ | բրոնզ |
Ներկա վիճակ | Կանգուն |
![]() |
Ալեքսանդր I-ի հուշարձան (ռուս.՝ Памятник Александру I), բրոնզե քանդակ Մոսկվայի կենտրոնում ի հիշատակ Ռուսաստանի կայսր Ալեքսանդր I-ի։ Հեղինակներն են ՌԴ ժողովրդական նկարիչ, քանդակագործ Սալավատ Շչերբակովը և ՌԴ վաստակավոր ճարտարապետ Իգոր Վոսկրեսենսկին։ Բացվել է 2014 թվականի նոյեմբերի 20-ին Ալեքսանդրովյան զբոսայգում, Բորովիցկի դարպասից ոչ հեռու[1][2][3][4]։ Մոսկվայում Ալեքսանդր I-ի առաջին հուշարձանն է[5]։
Նկարագրություն
[խմբագրել | խմբագրել կոդը]Ալեքսանդր I-ը ներկայացված է տոնական համազգեստով, նա կանգնած է պատվանդանի վրա։ Կայսեր ձեռքում սուսեր է, նրա ոտքերի տակ ընկած է թշնամական զենքը, ուսերին թիկնոց է։ Հուշարձանի դիմաց Բորոդինոյի ճակատամարտը, այլ ճակատամարտերը և 1812 թվականի Հայրենական պատերազմի զորավարներին, ինչպես նաև հենց Ալեքսանդրին, Սերաֆիմ Սարովսկուն և երկու տաճարները` Քրիստոս Փրկչի տաճարը և Կազանի Աստվածամոր տաճարը պատկերող բրոնզե խորաքանդակներ են[3]։
Պատմություն
[խմբագրել | խմբագրել կոդը]Հուշարձանի նախագիծը որոշվել է մրցույթի արդյունքներով, որին մասնակցում էին 8 քանդակագործներ, այդ թվում` Զուրաբ Ծերեթելին։ Մասնակիցները ներկայացրել են յուրաքանչյուրը մի քանի տարբերակ։ 2014 թվականի օգոստոսին որոշվել են մրցույթի հաղթողները։ Հուշարձանի վերջնական նախագիծն ընտրվել է Սալավատ Շչերբակովի, Անդրեյ Կովալչուկի և Ալեքսանդր Ռուկավիշնիկովի աշխատանքներից` գաղտնի քվեարկությամբ[6]։
Հուշարձանի հանդիսավոր բացումը տեղի է ունեցել 2014 թվականի նոյեմբերի 20-ին, որին ներկա էին Ռուսաստանի Դաշնության նախագահ Վլադիմիր Պուտինը, Մոսկվայի և համայն Ռուսիո պատրիարք Կիրիլը, ՌԴ մշակույթի նախարար Վլադիմիր Մեդինսկին, Մոսկվայի քաղաքապետ Սերգեյ Սոբյանինը[2]։ Վլադիմիր Պուտինը հանդիսավոր խոսք է արտասանել[2].
Ծանոթագրություններ
[խմբագրել | խմբագրել կոդը]- ↑ «Памятник установлен возле Боровицких ворот Московского Кремля в Александровском саду, который был разбит по указу этого императора, почему и получил такое название» (ռուսերեն). ЭХО Москвы. 2014 թ․ նոյեմբերի 20.
- ↑ 2,0 2,1 2,2 «Открытие памятника Александру I» (ռուսերեն). Сайт Президента России. 2014 թ․ նոյեմբերի 20.
- ↑ 3,0 3,1 «У стен Кремля открыли памятник Александру I» (ռուսերեն). Интерфакс. 2014 թ․ նոյեմբերի 20.
- ↑ Кира Латухина (2014 թ․ նոյեմբերի 20). «Владимир Путин открыл памятник Александру I» (ռուսերեն). Российская газета.
- ↑ «Около Кремля открыли памятник Александру I» (ռուսերեն). Lenta.ru. 2014 թ․ նոյեմբերի 20.
- ↑ «Путин примет участие в открытии памятника Александру I в Москве» (ռուսերեն). РИА Новости. 2014 թ․ նոյեմբերի 20.
Արտաքին հղումներ
[խմբագրել | խմբագրել կոդը]- Сергей Берец (2014 թ․ նոյեմբերի 19). «Памятник Александру I напомнит о временах величия России». Русская служба BBC. Վերցված է 2014 թ․ նոյեմբերի 20-ին.