Tesla Semi

Վիքիպեդիայից՝ ազատ հանրագիտարանից
Jump to navigation Jump to search
Tesla Semi
Tesla Semi.jpg
Սորտավորումբեռնատար
Զաանգվածը15 տոննա
Ստեղծվել է2017
ՀեղինակԻլոն Մասկ

Tesla Semi, էլեկտրական բեռնատար, որը ստեղծվել է Տեսլա ընկերության կողմից։ Ավտոմեքենայի ներկայացումը տեղի է ունեցել 2017 թվականի նոյեմբերի 16-ին՝ Իլոն Մասկի կողմից։

Սկզբնական շրջանում, էլեկտրաբեռնատարի ներկայացումը նախատեսվում էր իրականացնել սեպտեմբերին[1]։ Ավտոմեքենաների խմբի փորձարկումը առանց վարորդ համակարգով, ընկերությունը նախատեսում է իրականացնել Նևադա նահանգի անապատներից մեկում[2][3]։ Բեռնատարի ստեղծման խումբը ղեկավարում է Ջերոմ Գիլյենը, ով Tesla S-ի ծրագրերի նախկին տնօրենն է և ընկերության տրանսպորտային միջոցների նախագծման ներկայիս փոխնախագահը[4]։

Հոկտեմբերի 4-ին՝ պաշտոնական հայտարարությունից երեք շաբաթ առաջ, Reddit ինտերնետային կայք էջում օգտատերերից մեկը հրապարակել է ավտոմեքենայի լուսանկարը, որը հավանաբար եղել է Tesla-ի բեռնատարը։ Սակայն ընկերությունը հրաժարվել է մեկնաբանել հրապարակված լուսանկարը[5]։

Ներկայացման ժամանակ, որը տեղի է ունեցել նոյեմբերի 16-ին, հայտնի է դարձել բեռնատարի տեխնիկական բնութագիրը։ Մարտկոցի մեկ լիցքավորման պարագայում, բեռնատարը կարող է անցնել մինչև 800 կիլոմետր տարածություն։ Առանց բեռի, բեռնատարը կարող է արագացնել մինչև 100 կմ/ժ արագություն՝ 5 վայրկյանի ընթացքում, իսկ լրիվ բեռնվածության պարագայում (36 տոննա)՝ 20 վայրկյանի ընթացքում։ Թափքի աէրոդինամիկ դիմադրության գործակիցը գտնվում է 0,36 մակարդակի վրա։ Մարտկոցը ամբողջությամբ լիցքավորվում է 40 րոպեի ընթացքում, ընդ որում 80 %-ը լիցքավորվում է 30 րոպեում։ Բեռնատարը դասվում է 8-րդ դասի ավտոմեքենաների շարքում (ամերիկյան դասակարգման համաձայն) և ունի մինչև 15 տոննա զանգված։ Բեռնատարի ապակիները պատրաստված են հատուկ նյութերից և առանձնանում են բարձր ամրությամբ։ Բեռնատարի թողարկումը նախատեսված է իրականացնել 2019 թվականի սկզբին[6][7]։

Ծանոթագրություններ[խմբագրել | խմբագրել կոդը]

  1. «Илон Маск анонсировал выход первого грузовика Tesla в сентябре»։ Интерфакс։ 2017-04-14։ Վերցված է 2017-09-16 
  2. «Tesla готовится к испытаниям беспилотного электрического грузовика»։ Вести.ru։ 2017-08-10։ Վերցված է 2017-09-16 
  3. «Tesla проведет испытания беспилотного грузовика в Неваде»։ Коммерсантъ։ 2017-08-10։ Վերցված է 2017-09-16 
  4. Шаронов Александр (2017-04-24)։ «Автодайджест №400: Шанхай-2017»։ 3DNews.ru։ Վերցված է 2017-09-16 
  5. «Появилась фотография грузовика Tesla. До официального анонса еще три недели»։ Meduza։ 2017-10-04։ Վերցված է 2017-10-04 
  6. Владимир Скрипин (2017-11-17)։ «Представлен электрический грузовик Tesla Semi Truck с дальностью хода 800 км»։ ITC.ua։ Վերցված է 2017-11-17 
  7. «Илон Маск представил беспилотную фуру Tesla»։ РИА Новости։ 2017-11-17։ Վերցված է 2017-11-17