RingID
| Ստեղծում | Հուլիս 2015 | |
|---|---|---|
| Թողարկման ամսաթիվ | Հուլիս 2015 | |
| Օպերացիոն համակարգ | iOS | |
| Պաշտոնական կայք | www.ringid.com | |
| Թույլատրագիր | freeware | |
ringID[1], մասնավոր սոցիալական ցանցային հարթակ, որը նախագծել և մշակել է Մոնրեալում (Քվեբեկ, Կանադա) գտնվող Ring Inc.-ը։ ringID-ն օգտատերերին թույլ է տալիս անվճար հաղորդակցվել՝ օգտագործելով իրենց անհատական ID-ները ամբողջ աշխարհում համացանցի միջոցով։ Սկզբնապես այն թողարկվել է 2015 թվականի հուլիսին[2]։
Հարթակն անվանվել է ֆինանսական բուրգ և քննադատվել այն բանի համար, որ օգտատերերին թույլ չի տալիս կանխիկացնել գումարը։ 2021 թվականի սեպտեմբերին Բանգլադեշում յուրացման գործ է հարուցվել 25 անձի դեմ, այդ թվում՝ ընկերության երկու հիմնադիրների[3]։ Հիմնադիրներից մեկը ձերբակալվել է դրամական միջոցների յուրացման համար։
Պատմություն
[խմբագրել | խմբագրել կոդը]ringID-ն 2015 թվականի հուլիսին սկզբնապես թողարկել է Ring Inc.-ը[4], տեսազանգերի գործառույթն ավելացվել է 2016 թվականին[5]։ Լրացուցիչ հնարավորություններն ավելացվել են՝ նպատակ ունենալով ապահովել մեկ հարթակ՝ սոցիալական ցանցերի բոլոր կարիքները բավարարելու համար։
Հնարավորություններ
[խմբագրել | խմբագրել կոդը]ringID-ն նախագծվել է որպես սոցիալական ցանցի բոլորը մեկում հարթակ[6]։ Հարթակը կարող է օգտագործվել ուղիղ հեռարձակման[7], ձայնային և տեսազանգերի, հաղորդագրությունների և բովանդակության փոխանակման համար[8]։
Օգտատերերը կարող են ջնջել հաղորդագրությունները ինչպես իրենց, այնպես էլ ստացողի սարքից[9]։ Նրանք կարող են նաև ակնթարթային հաղորդագրություններ ուղարկել հասցեատերերին, որոնք ավտոմատ կերպով ջնջվում են նախապես սահմանված ժամանակի ավարտից հետո[10]։
Քննադատություն և բողոքներ
[խմբագրել | խմբագրել կոդը]Business Standard-ը ringID-ին մեղադրել է ֆինանսական բուրգ լինելու մեջ, քանի որ այն վճարել է օգտատերերին՝ ավելի շատ օգտատերերի ներգրավելու և գովազդ դիտելու համար[11]։ 2021 թվականի սեպտեմբերին The Business Standard-ը հայտնել է, որ օգտատերերը չեն կարողացել կանխիկացում կատարել, ինչը բնութագրվել է որպես յուրացում[12]։ Ընդհանուր առմամբ, ենթադրաբար յուրացվել է 21,2 մլն տակա[3]։ 25 անձի դեմ հարուցվել է գործ, այդ թվում՝ ringID-ի սեփականատերերի՝ «Թվային անվտանգության մասին» օրենքի և «Մարքեթինգի բազմամակարդակ վերահսկման մասին» օրենքի համաձայն[12]։
Ընկերության երկու հիմնադիրները ձերբակալվել են 2016 թվականի դեկտեմբերին միջնորդավճարները չկատարելու գործով, որը հարուցել էր Բանգլադեշի հեռահաղորդակցության կարգավորող հանձնաժողովը։ Գրավի դիմաց շկալանքից ազատվելուց հետո երկուսն էլ մեկնել են Կանադա[3]։
2021 թվականի հոկտեմբերին հիմնադիրներից մեկը ազատազրկվել է Դաքայի մայրաքաղաքային հաշտարար դատավորի կողմից[13] այն բանից հետո, երբ ձերբակալվել էր երեք ամսում 200 կրոր տակա յուրացնելու մեղադրանքով՝ մարդկանց ներգրավելով ringID-ի ներդրումային սխեմայով և խոստանալով առցանց եկամուտ[14][15]։
Այստեղ ուշագրավ է, որ ringID-ն 2017-2019 թվականներին աշխատավարձ չի վճարել ծրագրակազմը մշակող հարյուրավոր աշխատակիցների։ Տուժածներից մեկն ասել է, որ ընկերությունն իրեն ավելի քան երկու հարյուր հազար տակա է պարտք, և նա հրաժարվել է գումար հետ ստանալու հույսից, քանի որ կազմակերպությունը ղեկավարում է մաֆիայի խմբավորումը։
Ծանոթագրություններ
[խմբագրել | խմբագրել կոդը]- ↑ «ringID». Արխիվացված է օրիգինալից 2023 թ․ հունիսի 3-ին. Վերցված է 2024 թ․ մայիսի 21-ին.
- ↑ «Can Canadian ringID become the next big social app?». GeekTime. Արխիվացված է օրիգինալից 2017 թ․ ապրիլի 9-ին. Վերցված է 2015 թ․ օգոստոսի 3-ին.
- ↑ 3,0 3,1 3,2 «RingID embezzled Tk 212cr in 3 months». 2021 թ․ հոկտեմբերի 3.
- ↑ «Social Networking App ringID Offers Secret Chat for Disappearing Messages». AdWeek. 2015 թ․ հուլիսի 27. Վերցված է 2015 թ․ հուլիսի 27-ին.
- ↑ «Spotlight: ringID messenger promises quality HD video calls over slow connections». PhoneArena. 2016 թ․ փետրվարի 16. Վերցված է 2016 թ․ փետրվարի 16-ին.
- ↑ «Forget Unbundling, ringID Brings the Most Powerful Mobile Messaging and Social Features Together». Yahoo Finance. Վերցված է 2015 թ․ սեպտեմբերի 29-ին.
- ↑ «ringID live is some next level stuff when it comes to live broadcasting». TheTechNews. Արխիվացված է օրիգինալից 2022 թ․ փետրվարի 13-ին. Վերցված է 2017 թ․ նոյեմբերի 12-ին.
- ↑ «The last social network you'll ever need to join?». TechInAsia. Վերցված է 2015 թ․ նոյեմբերի 20-ին.
- ↑ «Secret Chat App ringID Will Self Destruct Your Messages». iDigitalTimes. Արխիվացված է օրիգինալից 2017 թ․ մարտի 23-ին. Վերցված է 2015 թ․ հուլիսի 27-ին.
- ↑ «SOCIAL NETWORK PLATFORM RINGID PLANNING TO REPLACE SNAPCHAT». AppMess. 2015 թ․ օգոստոսի 3. Վերցված է 2015 թ․ օգոստոսի 3-ին.
- ↑ «RingID: Another Ponzi business thrives». 2021 թ․ սեպտեմբերի 22.
- ↑ 12,0 12,1 Sajid, Eyamin; Chowdhury, Zia (2021 թ․ սեպտեմբերի 30). «ringID embezzled Tk302 crore in just three months» (անգլերեն). Վերցված է 2022 թ․ ապրիլի 2-ին.
- ↑ «ringID Director Saiful lands in jail». Rising BD. 2021 թ․ հոկտեմբերի 5. Վերցված է 2022 թ․ մայիսի 11-ին.
- ↑ Bin Liaquat, Zisan (2021 թ․ դեկտեմբերի 30). «E-commerce in Bangladesh faced its own pandemic in 2021». Dhaka Tribune. Վերցված է 2022 թ․ մայիսի 11-ին.
- ↑ «ringID Director Saiful arrested». The Business Standard. 2021 թ․ հոկտեմբերի 2. Վերցված է 2022 թ․ մայիսի 11-ին.