RealMedia

RealMedia
	;
Ընդլայնում	.rm և .rv
MIME	application/vnd.rn-realmedia
Ֆորմատի տեսակ	ֆայլի ֆորմատ և մուլտիմեդիա քոնթեյներ

RealMedia-ն «RealNetworks Products and Services» ֆիրմային պատկանող հոսքային հաղորդման և մեդիաֆայլերի ֆորմատի վրա ոչ ազատ ստանդարտ է։

Կիրառում[խմբագրել | խմբագրել կոդը]

RealMedia նիշքերը սովորաբար ունեն *.RM, *.RAM կամ *.RMVB ընդլայնումները։ Այս ֆորմատով երաժշտություն և վիդեո կարելի է հանդիպել Համացանցում կամ արևմտյան կաբելային ալիքներում։ Սմարթֆոնների և բջջային հեռախոսների միջավայրում այս ստանդարտն ընդունում են Nokia և Sony Ericsson սարքերը։

RealMedia-ից այլ ֆորմատներ վերակոդավորման համար գոյություն ունեն շատ ծրագրեր, բայց ամենից հայտնիներն են Adobe Premiere, Quicktime PRO, Real HELIX Producer, RealProducer Plus:

Հիմնական առավելություններ[խմբագրել | խմբագրել կոդը]

Գոյություն ունեցող հեռարձակման բոլոր ստանդարտներից RealMedia-ն` սկսած 6-րդ տարբերակից, երկար ժամանակ միակն էր, որ թույլ էր տալիս իրականացնել http սերվերի վրա գտնվող նիշքերի ժամանակային առանցքով կամայական «վերափաթաթում»։ Դրանով էր պայմանավորված էժան և անվճար հոսթինգներում RealMedia նիշքերի օգտագործողների ակտիվորեն տեղադրումը։ Հեռարձակման այլ ֆորմատների, հատկապես Flash Player-ի զարգացման չափով, ինչպես նաև հոսթինգի ներկայացրած ծառայությունների զարգացման չափով, այս առավելությունը դադարեց գործել։
Պատկերի ընդունելի որակը և խոսքի ընթեռնելիությունը տեսահոսքի գերցածր բիթրեյթի դեպքում։ Ելքային նիշքի փոքր չափն առաջին հերթին կապի խողովակով դրա հեռարձակման համար անհրաժեշտ ցածր թրաֆիկն է (որոշակի ժամանակահատվածում համակարգչային ցանցով փոխանցվող ինֆորմացիայի ծավալ), այդ պատճառով, RealMedia-ն բավականին երկար մնաց որպես դե-ֆակտո ստանդարտ։ Նույն բիթրեյթով պատկերի և ձայնի զգալիորեն լավ որակ ապահովող h.264 և AAC կոդեկների ի հայտ գալը RealMedia-ին դարձրեց ոչ այժմեական։
Ցածր բիթրեյթով հոսքի վերարտադրման համար անհրաժեշտ պրոցեսորային ցածր հզորություն։
Հին նիշքերի և հոսքերի 100% -ոց համատեղելություն նվագարկիչի նոր տարբերակների հետ։
Ցուցադրման հուսքում տեքստային ինֆորմացիայի, ինտերակտիվ տարրերի ավելացման հնարավորություն։ RealMedia հոսքի վաղ տարբերակների ֆունկցիոնալությունը նշանակալիորեն գերազանցում էր մրցակիցներին և թեորիապես թույլ էր տալիս ստեղծել ոչ պակաս զարգացած միջերեսով նախագծեր, քան ներկայիս Flash-ը (8+ տարբերակներ)։

Հիմնական թերություններ[խմբագրել | խմբագրել կոդը]

Պատկերի ցածր որակ, անգամ Divx-ի հնացած տարբերակների համեմատ։
RealPlayer նվագարկիչը տեղադրման և հաջորդող ամեն գործարկման ժամանակ ինքնաբեռնումում շատ «աղբ» է գրանցում։
Շատ լեզուների համար նվագարկիչի տեղայնացման բացակայություն։
DirectShow-ի միջերեսով աշխատելու ունակ պաշտոնական կոդեկի բացակայություն։ Նախորդ թերության հետ միասին դառնում է քիչ ընդունելի ամբողջովին բազմալեզու կայքերում։
Երկար ժամանակ գոյություն չուներ նվագարկիչի տարբերակ Յունիքս/Լինուքսի համար։ Ներկայումս գոյություն ունեցող տարբերակներն ըստ բազմաթիվ օգտվողների լիարժեք ֆունկցիոնալություն չունեն։
Ֆորմատի փակ լինելը։

Արտաքին հղումներ[խմբագրել | խմբագրել կոդը]