Միջազգային առևտրային պալատ

Վիքիպեդիայից՝ ազատ հանրագիտարանից
(Վերահղված է ICCից)
Jump to navigation Jump to search
Միջազգային առևտրային պալատ (ՄԱՊ)
International Chamber of Commerce logo.svg.png
Տեսակկազմակերպություն
Հապավումանգլ.՝ ICC
հայ․՝ ՄԱՊ
ԿարգախոսՀամաշխարհային բիզնեսի կազմակերպում
ՀիմնադրվածՓետրվարի 2, 1919 (1919-02-02)
Իրավ. կարգավիճակշահույթ չհետապնդող միջազգային կազմակերպություն
Գլխադասային գրասենյակՓարիզ, Ֆրանսիա
Տարածաշրջանմիջազգային
Գլխավոր քարտուղարՋոն Դանիլովիչ (John Danilovich)
ՆախագահՀարոլդ Մաքգրոու Երրորդ (Harold Mcgraw III)
Կայքiccwbo.org

Միջազգային առևտրային պալատ (ՄԱՊ) (անգլ.՝ International Chamber of CommerceICC), անկախ շահույթ չհետապնդող միջազգային կազմակերպություն։ Ստեղծվել է 1919 թվականին։ Ներկայումս համախմբում է հազարավոր ձեռնարկություններ, ասոցիացիաներ և ընկերություններ աշխարհի 140 երկրներից։ Աջակցում է բիզնեսի առջև կանգնած առավել արդիական խնդիրների լուծմանը։ Կազմակերպության գլխավոր գրասենյակը գտնվում է Փարիզում։ ՄԱՊ-ն սերտ համագործակցում է այնպիսի միջազգային կազմակերպությունների հետ, ինչպես ՄԱԿ-ը (Միացյալ ազգերի կազմակերպություն), ԱՀԿ-ն (Առևտրի համաշխարհային կազմակերպություն), Համաշխարհային բանկը և այլն, և հանդիսանում է նրանց համար կոլեկտիվ խորհրդատվական մարմին։ Նախկին ԽՍՀՄ տարածքում գործում են ՄԱՊ-ի Ռուսական (ICC Russia), Ուկրաինական (ICC Ukraine), Լիտվական (ICC Lithuania), Էստոնական (ICC Estonia) և Վրացական (ICC Georgia) ազգային կոմիտեները։

ՄԱՊ-ի հիմնական նպատակն է միջազգային բիզնեսի վարման բարձր էթիկայի նկատմամբ հարգալից վերաբերմունքի տարածումը։ ՄԱՊ-ի գործունեությունն ուղղված է առավել ակտուալ խնդիրների լուծմանը, որոնցից են, օրինակ, բիզնեսի վարման և խնդիրների լուծման միասնական կանոնների և ստանդարտների մշակումը՝ կապված միջազգային առևտրի ազատականացման հետ։

ՄԱՊ-ի քաղաքական հայտարարությունների նախապատրաստմամբ, ամբողջ աշխարհում ընդունված միասնական ստանդարտների, կանոնագրքերի, կանոնների և բիզնեսի վարման այլ մեխանիզմների մշակմամբ զբաղվում են 16 մշտական գործող հանձնաժողովների և խորհրդատվական խմբերի անդամները, որոնք ստեղծվում են ըստ ճյուղային պատկանելության և ընդգրկում են բիզնեսի բոլոր ոլորտները։ ՄԱՊ-ի փաստաթղթերի շարքում են Ինկոտերմսը (ՄԱՊ-ի միասնական առևտրային տերմինները), "Փաստաթղթային ակրեդիտիվների միասնական կանոնները և ավանդույթները" (UCP 600), «ՄԱՊ-ի արբիտրաժային կանոնակարգը», տիպային միջազգային պայմանագրերը և շատ այլ փաստաթղթեր, որոնք պարբերաբար վերանայվում են հանձնաժողովների անդամների կողմից՝ նոր ուղղումների, լրացումների կատարման համար, որոնք հաշվի կառնեն ՄԱՊ-ի անդամ երկրների արդիական պահանջները։

ՄԱՊ-ի ամենամյա թարմացվող ծրագիրը, որ ներառում է միջազգային և ազգային համաժողովների և սեմինարների կազմակերպում, հանդիսանում է կարևորագույն միջոց փորձագիտական գնահատականները լայն լսարանին հասցնելու համար։ ՄԱՊ-ի համաժողովները անց են կացվում աշխարհի տարբեր երկրներում՝ ՄԱՊ-ի ազգային կոմիտեների ակտիվ աջակցությամբ։

Երկու տարին մեկ ՄԱՊ-ը կազմակերպում է Համաշխարհային կոնգրեսներ, որոնք բիզնեսի համար գլոբալ մասշտաբի իրադարձություն են։ Դրանց ընթացքում քննարկվում են միջազգային խնդիրներ, որոնց կարող են հանդիպել մոտակա տարիներին ձեռնարկություններն ու ընկերությունները, և մշակվում է այդ խնդիրների լուծման ռազմավարություն։ Կոնգրեսները կազմակերպվում են աշխարհի տարբեր երկրներում ՄԱՊ-ի ազգային կոմիտեների հրավերով։

ՄԱՊ-ին կից գործում է Միջազգային արբիտրաժային դատարանը, որ ստեղծվել է 1923 թ., և որը շատ մեծ դեր է խաղացել արբիտրաժների համաշխարհային ճանաչման գործում՝ որպես միջազգային առևտրային վեճերի լուծման առավել արդյունավետ ուղի։ ՄԱՊ-ի կազմում մասնագիտացված ստորաբաժանում է Միջազգային ծովային բյուրոն (ՄԾԲ), որը ստեղծվել է 1981 թ.։ ՄԾԲ-ն բոլոր տեսակի ծովային հանցագործությունների դեմ պայքարի կոորդինացիոն կենտրոն է։

Արտաքին հղումներ[խմբագրել | խմբագրել կոդը]