Gloria Victis հուշարձան
Gloria Victis հուշարձան | |
---|---|
Տեսակ | հուշահամալիր |
Բացում | 2006 |
Երկիր | Հունգարիա |
Բնակավայր | Բուդապեշտ |
Հասցե | Szérűskert utca 8 |
Շինության ձև | Հուշարձան |
կայք | |
Gloria Victis Memorial Վիքիպահեստում |
Gloria Victis հուշարձան (հունգ.՝ Gloria Victis Emlékhely, Փառք պարտվածներին), ստեղծվել է կոմունիզմի համընդհանուր զոհերի հիշատակին, գտնվում է Չյոմոր բնակավայրի գերեզմանատանը կից՝ Բուդապեշտի հյուսիսարևելյան սահմանի մոտ։
Նկարագրություն
[խմբագրել | խմբագրել կոդը]Այս թեմատիկայով ստեղծված առաջին հուշարձանն է աշխարհում։ Հուշարձանն օծվել է 2006 թվականի հոկտեմբերի 21-ին՝ 1956 թվականի հունգարական հեղափոխության 50-ամյա տարելիցին։ Բացմանը ուղերձներով հանդես են եկել Լասլո Տյոկեշը, Ռայներ Էպելմանը և այլք[1]։ Միջոցառման իրականացմանն աջակցել է Վիկտոր Օրբանը[2]։
Հուշահամալիրը կառուցվել է 1944 թվականին զոհված երեք հունգարացի զինվորների գերեզմանների հարևանությամբ։ Համալիրի կենտրոնում տեղադրված է Յանոս Վիգի աշխատանքը[3]։ Շրջանաձև քարի վրա պատկերված են չորս մայրցամաքների քարտեզները, որոնց վրա նշված են տուժած տարածքները։ Հուշակոթողի 1956 հատվածը դիտվում է որպես հաղթական դրոշի հատված՝ նշելով այն փաստը, որ հունգարական հեղափոխությունն առաջինն էր, որ կարողացավ ստիպել ընդմիջելու համաշխարհային կոմունիզմի բետոնե պատը[4]։ 2008 թվականի հոկտեմբերին Եվրոպական Խորհրդի 1481 բանաձևը` վերնագրված «Տոտալիտար կոմունիստական վարչակարգի կողմից կատարված հանցագործությունների միջազգային դատապարտման անհրաժեշտություն», երեք լեզվով փորագրվել է «համաշխարհային պատի» հետևի կողմում։ Վերոհիշյալ բանաձևի երկու նախաձեռնողները՝ Շվեդիայից Գորան Լինդբլանդը և Բուլղարիայից Լաչեզար Տոշևը հուշահամալիրի բացման հռետորներն էին։ Այնուհետև հուշահամալիրի մաս է կազմել Հունգարիայի ուկրաինական համայնքի կողմից նվիրաբերված Հոլոդոմորի քարը[5], Խորհրդա-գերմանական պայմանագրի հուշաքարը, ինչպես նաև մարմարի հուշատախտակներ կոմունիզմի հրեա, գնչու զոհերի հիշատակին։ Հուշարձանը ստեղծվել և պահպանվում է Gloria Victis հիմնադրամի կողմից։
Պատկերասրահ
[խմբագրել | խմբագրել կոդը]-
Հուշարձանի օծման արարողություն
-
Գորան Լինդբլադը բացում է փորագրված 1481 բանաձևը (2006)
-
Հոլոդոմորի հիշատակի քար
Ծանոթագրություններ
[խմբագրել | խմբագրել կոդը]- ↑ «Beszámoló az avatásról». Gloriavictis.hu. Վերցված է 2014 թ․ մարտի 3-ին.
- ↑ «Orbán Viktor köszöntője». Gloriavictis.hu. Վերցված է 2014 թ․ մարտի 3-ին.
- ↑ vigart.hu
- ↑ «The Memorial». Gloriavictis.hu. 2006 թ․ հոկտեմբերի 21. Վերցված է 2014 թ․ մարտի 3-ին.
- ↑ «Uwc President Eugene Czolij Visits The Ukrainian Community In Hungary». Ukrainianworldcongress.org. 2011 թ․ հուլիսի 8. Արխիվացված է օրիգինալից 2016 թ․ մարտի 9-ին. Վերցված է 2014 թ․ մարտի 3-ին.
Վիքիպահեստ նախագծում կարող եք այս նյութի վերաբերյալ հավելյալ պատկերազարդում գտնել Gloria Victis հուշարձան կատեգորիայում։ |