Fox News Channel, ամերիկյան լրատվական հեռուստաընկերություն, պատկանում է News Corporation ընկերությանը։ Հաղորդումները պատրաստվում են ամերիկյան Fox Broadcasting Company մեդիաընկերության կողմից։ Հեռարձակվում է 1996 թ. հոկտեմբերի 7-ից[1]։ Համարվում է ԱՄՆ հիմնական կաբելային լրատվական հեռուստաալիքը, որն օրական դիտում են 1,2 միլիոն մարդ[2][3]։ Հիմնադրման օրվանից հեռուստաընկերության գլխավոր տնօրենն է Ռոջեր Էյլսը[4]։ Հեռուստաընկերությունը ունի 7 ստուդիա Նյու Յորքում, և մեկը՝ Վաշինգտոնում, որտեղից հեռարձակվում են Fox News և Fox Business Network հեռուստաալիքները։ 2003-ից գործում է նաև Fox News Radio լրատվական ռադիոկայանը։