200 ծխախոտ, 1999 թվականի ամերիկյան գեղարվեստական ֆիլմ։ Կատակերգության գլխավոր հերոսները՝ Նյու Յորքի մի քանի երիտասարդ բնակիչներն են, որոնց միավորում է ամանորյա խնջույքը։
Ֆիլմի գործողությունները տեղի են ունենում Նյու Յորքում նոր՝ 1982 տարվա նախօրյակին։ Մոնիկան պատրաստվում է հսկայական խնջույքի, սակայն բոլոր հյուրերն անհարգալից պատճառով ուշանում են։ Միակ ժամանակին եկած հյուրը՝ Հիլլարին, փախչում է։ Միևնույն ժամանակ, Մոնիկայի զարմուհին՝ Վելը և նրա ընկերուհին՝ Սթեֆին, որոնք ժամանել էին արվարձանից ոչ մի կերպ չեն կարողանում գտնել Մոնիկայի տան հասցեն։ Թափառելով քաղաքում, նրանք գնում են ակումբ, որտեղ ծանոթանում են փանկեր Թոմի և Դեյվի հետ։ Անփույթ և չկողմնորոշվող Սինդին
պատրաստվում է գնալ խնջույքին Ջեկի հետ, սակայն երբեք լուրջ հարաբերությունների մեջ չի մտնում։ Լյուսին անտարբեր չէ իր լավագույն ընկեր Քևինի նկատմամբ, որը հենց նոր էր բաժանվել իր ընկերուհուց՝ Էլլիից։ Ընկերուհիներ Բրիջեթը և Քեյթլինն աչք են դրել գեղեցիկ բարմենի վրա։ Էրիկը, Մոնիկայի նախկին ընկերը, փորձում էր հասկանալ, թե ինչու են աղջիկները մմիշտ լքում նրան։ Եվս մեկ հերոս է, էքսցենտրիկ տաքսիստը, որն ամբողջ գիշեր քշում է քաղաքում, և տեղ է հասցնում ֆիլմի գործող անձանց։ Վերջապես, բոլորը հասնում են խնջույքին, երբ այդ պահին Մոնիկան, որը հյուրերին սպասելուց բավականին խմել էր, արդեն քնած էր։ Միայն առավոտյան արթնանալով, նա իմանում է, որ իր խնջույքը ստացվել է։
ԱՄՆ