Ֆրանսիայի անդրծովյան տարածքների արժեթղթերի թողարկման ինստիտուտ

Ֆրանսիայի անդրծովյան տարածքների արժեթղթերի թողարկման ինստիտուտ;
Տեսակ	կենտրոնական բանկ
Երկիր	Ֆրանսիա
Հապավում	IEOM
Հիմնադրված	1966
Գլխադասային գրասենյակ	Փարիզի 1-ին շրջան, Paris Centre, Փարիզ
Գլխավոր քարտուղար	Marie-Anne Poussin-Delmas?
Կայք	ieom.fr(ֆր.)

Ֆրանսիայի անդրծովյան տարածքների արժեթղթերի թողարկման ինստիտուտ (ֆր.՝ Institut d'émission d'Outre-Mer (IEOM)), Ֆրանսիայի պետական կազմակերպություն, լիազորված թողարկելու արժույթ Ֆրանսիայի անդրծովյան տարածքների կազմում մտնող երկրների համար։ Ներկայումս ֆրանսիական խաղաղօվկիանոսյան ֆրանկն օգտագործվում է ֆրանսիական Պոլինեզիայում, Նոր Կալեդոնիայում, Ուոլիս և Ֆուտունա կղզիներում։ Ֆրանսիայի անդրծովյան տարածքների արժեթղթերի թողարկման ինստիտուտը նաև ունի Ֆրանսիայի Հարավային և Անտարկտիկական տարածքներում արժեթղթերի թողարկման իրավունք։

Պատմություն[խմբագրել | խմբագրել կոդը]

1888 թվականից արժեթղթերի թողարկման իրավունք ուներ Հնդկաչինական բանկը (անգլ.՝ en:Banque de l'Indochine): Բանկը Հնդկաչինում և Ֆրանսիայի անդրծովյան տարածքներում ուներ մասնաճյուղերի զարգացած ցանց։ 1948 թվականի սեպտեմբերի 25-ից ընդունվեց Հնդկաչինական բանկին Ֆրանսիայի անդրծովյան տարածքների համար արժույթի թողարկման իրավունքից զրկող օրենք, բայց Ֆրանսիայի անդրծովյան տարածքների արժեթղթերի թողարկման ինստիտուտի գործունեության մասին օրենքն ընդունվեց միայն 1966 թվականի դեկտեմբերի 22-ին, այդպիսով Հնդկաչինական բանկից թողարկման իրավունքները թողարկման ինստիտուտին պաստացիորեն անցան միայն 1967 թվականին։

Գործառույթներ[խմբագրել | խմբագրել կոդը]

Ինստիտուտի հիմնական գործառույթներն են՝

Ֆրանսիական խաղաղօվկիանոսյան ֆրանկի թողարկում։ Հանդիսանում է եվրոյի նկատմամբ նրա ֆիքսված փոխարժեքի պահպանման երաշխավորը։
Ֆրանսիական խաղաղօվկիանոսյան ֆրանկի արժույթի գոտում բանկային վերահսկողությունը։
Հաշվարկների իրականացում, այդ թվում Ֆրանսիայի բանկի միջոցով կազմակերպման մասով։

Ի տարբերություն կենտրոնական բանկերի մեծ մասի, Ֆրանսիայի անդրծովյան տարածքների արժեթղթերի թողարկման ինստիտուտը չի պահպանում ոսկու արժույթով պահուստներ։