Ֆարփոյնթ աստղադիտարան
| Ֆարփոյնթ աստղադիտարան | |
|---|---|
| Տեսակ | աստղագիտական աստղադիտարան |
| Աստղադիտարանի կոդ | 734 |
| Երկիր |  ԱՄՆ |
| Վայր | Կանզաս և Eskridge? |
| ԲԾՄ | 405 մետր |
| Կայք | nekaal.org/doku.php?id=farpoint_observatory |
Ֆարփոյնթ աստղադիտարան (անգլ.՝ Farpoint Observatory, աստղադիտարանի կոդը` — «734»), աստղադիտարան ԱՄՆ-ի Կանզաս նահանգի Տոպիկա քաղաքի մոտ, քաղաքից մոտավորապես 30 կմ հարավ արևմուտք[1]։ Հիմնադրվել է 1997 թվականին։
Աստղադիտարանի հիմնական աշխատակիցներն են Գարի Հուգը և Գրեմ Բելլը։ Աստղադիտարանը հիմնվել է և պատկանում է Կանզասի հյուսիս-արևելյան սիրող աստղագետների լիգայի (NEKAAL) կողմից։ Աստղադիտարանը գտնվում է Միշն վալիի ավագ դպրոցի տարածքում։ NEKAAL-ը ստացել է $56,060 ԱՄՆ դոլլարի գրանտ համար ՆԱՍԱ-ի Երկրին մոտեցող աստերոիդների որոնման նախագծի շրջանակներում, և ծախսել է այն Փիթ աստղադիտակի գնման և տեղադրման վրա աստղադիտարանում[2]։ Աստղադիտակի վերանորոգումից հետո այն այժմ ունի 27 դյույմ ապերտուրա (առաջնային հայելու տրամագիծ), 9 ոտնաչափ և 3 դյույմ երկարություն, և կշռում է մոտ 725 կգ[3]։
Այս աստղադիտարանում է իրականացվում Farpoint Asteroid Search Team (FAST) աստերոիդների որոնման ծրագիրը։ Ծրագիրը վայելում է միջազգային ճանաչում, նրա շրջանակներում հայտնաբերվել են ավելին քան 330 ոչ-երկրամերձ աստերոիդներ, ինչպես նաև բազմաթիվ երկրամերձներ։
Աստղադիտարանում հիմնականում կատարվել են աստերոիդների և գիսաստղերի ուսումնասիրություններ և որոնում։
Աստղադիտարանի պատվին է անվանվել այս աստղադիտարանում 1999 թվականին հայտնաբերված (23989 ) Ֆարփոյնթ աստերոիդը[1]։
Աստղադիտարանի գործիքներ
[խմբագրել | խմբագրել կոդը]- 0.3-մ Շմիդտ-Կասսգրեյն աստղադիտակ[4]
- 0.7-մ ռեֆլեկտոր, ԼԿՍ-ով[3][5], ֆոկուսային հեռավորությունը 9 ոտնաչափ և 3 դյույմ
Հիմնական նվաճումները
[խմբագրել | խմբագրել կոդը]- Հայտնաբերվել են 271 աստերոիդ 1998-ից 2008 թվականները[6]
- 21757 աստղաչափական դիտարկումներ հրապարակվել են 1997-ից 2011 թվականները[7]
- 178P/Հուգ-Բելլ գիսաստղի հայտնաբերում
Ծանոթագրություններ
[խմբագրել | խմբագրել կոդը]- ↑ 1,0 1,1 Schmadel, Lutz D. (2007). «(23989) Farpoint». Dictionary of Minor Planet Names – (23989) Farpoint. Springer Berlin Heidelberg. էջ 873. doi:10.1007/978-3-540-29925-7_9759. ISBN 978-3-540-00238-3.
- ↑ Terry Rombeck (2004 թ․ հունիսի 18). «Historic KU telescope gets a bold new assignment». Lawrence Journal World. Վերցված է 2016 թ․ նոյեմբերի 29-ին.
- ↑ 3,0 3,1 «Local briefs: Telescope with KU mirror to be dedicated». Lawrence Journal World. 2005 թ․ ապրիլի 1. Վերցված է 2016 թ․ նոյեմբերի 29-ին.
- ↑ Աստղադիտարանի №1 գործիք
- ↑ Աստղադիտարանի №2 գործիք
- ↑ Minor Planet Discovery Sites, Farpoint Observatory, Eskridge
- ↑ Փոքր մոլորակների կենտրոնի տվյալների բազայում աստղադիտարանի կատարած բոլոր դիտարկումները
Արտաքին հղումներ
[խմբագրել | խմբագրել կոդը]Փոքր մոլորակների կենտրոնի կայքում աստղադիտարանի կատարած դիտարկումները
NASA ADS տվյալների բազայում աստղադիտարանի ներդրումը
1870 թվականից հետո աստերոիդների և մոլորակների արբանյակների դիտարկումները