Ֆայենբերգ Սարգսյան
| Ֆայենբերգ Սարգսյան | |
|---|---|
| Ծնվել է | սեպտեմբերի 1, 1948 (75 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Քաղաքացիություն |  Հայաստան |
| Կրթություն | Հայկական պետական մանկավարժական համալսարան |
| Մասնագիտություն | նկարիչ |
Ֆայենբերգ Հրաչի Սարգսյան (սեպտեմբերի 1, 1948, Երևան, Հայկական ԽՍՀ, ԽՍՀՄ), հայ գեղանկարիչ[1]։
Կենսագրություն[խմբագրել | խմբագրել կոդը]
Ֆայենբերգ Սարգսյանը ծնվել է 1948 թվականի սեպտեմբերի 1-ին, Երևան քաղաքում[2]։ Միջնակարգ կրթությունը ստավել է Երևանի թիվ 82 միջնակարգ դպրոցում, որն ավարտել է 1965 թվականին։
Ֆայենբերգ Սարգսյանը 1965-1971 թվականներին աշխատել է Երևանի ֆրեզերային հաստոցների գործարանում։ 1971-1975 թվականներին եղել է Երևանի Խ.Աբովյանի անվան հայկական պետական մանկավարժական ինստիտուտի գեղարվեստական դաստիարակության ֆակուլտետի ուսանող։ 1975-1976 թվականներին պարտադիր զինվորական ծառայության է անցել Խորհրդային բանակում։ 1976 թվականին որպես դասախոս աշխատանքի է անցել Երևանի Խաչատուր Աբովյանի անվան հայկական պետական մանկավարժական համալսարանի կերպարվեստի ամբիոնում։
Ֆայենբերգ Սարգսյանը Չեխոսլովակիայում բացված «Աշխարհը երեխաների աչքերով» ցուցահանդեսին ոսկե մեդալի է արժանացել։
Նկարչի 1982 թվականին նկարած «Հիրիկներ» գեղանկարն այժմ գտնվում է Հայաստանի ազգային պատկերասրահում[3]։ 1987 թվականին Ֆայենբերգ Սարգսյանի անունն ընդգրկվել է Հայաստանի նկարիչների միության անդամների ցանկում։
Մասնակցել է հանրապետական և միջազգային մի շարք ցուցահանդեսների, Մոսկվայում, Հոլանդիայում, Երևանում ուեցել է անհատական ցուցահանդեսներ։
Արժանացել է Հայաստանի ազգային պատկերասրահի դիպլոմի (2003) և Արցախի Քարվաճառի պատկերասրահի պատվոգրի (2008)։
Աշխատություններ[խմբագրել | խմբագրել կոդը]
- «Արվեստը և նրա բազմաբնույթությունը»։ ՀՊՄՀ 90 ամյակին նվիրված գիտաժողովի նյութերի ժողովածու։ «Մանկավարժ» հրատ., Երևան, 2012թ.
- «Կերպարվեստի նախնական ուսուցման առանձնահատկությունները»։ Գեղարվեստական միտք թիվ 1, Երևան 2012թ.
- «Կոմպոզիցիա»։ Հեղինակային հրատ., Երևան, 2013թ.
- «Կոմպոզիցիայի ուսուցման ծրագրային բովանդակությունը բուհում»։ Հեղինակային հրատ., Երևան, 2013թ.
- «Կոմպոզիցիայի հիմնական տարրերը կերպարվեստում»։ Գեղարվեստական միտք թիվ 1, Երևան 2013թ.
Ծանոթագրություններ[խմբագրել | խմբագրել կոդը]
- ↑ «Sturdy drawing and solid colours in Fayenberg Sargsyan's paintings». aspu.am. Վերցված է 2021 թ․ օգոստոսի 2-ին.
- ↑ «AV Production - Ֆայենբերգ Սարգսյան». avproduction.am. Արխիվացված է օրիգինալից 2021 թ․ օգոստոսի 2-ին. Վերցված է 2021 թ․ օգոստոսի 2-ին.
- ↑ «Հիրիկներ». Հայկական գանձարան. Վերցված է 2021 թ․ օգոստոսի 2-ին.