Օտրանտոյի ամրոց

Օտրանտոյի ամրոց իտալ.՝ Castello di Otranto
Նկարագրություն
Տեսակ	Ամրոց
Տեղագրություն	Օտրանտո, Իտալիա
Հասցե	Via Alfonso d'Aragona - 19032 Otranto (LE) և Via Nicola d'Otranto
Վարչական միավոր	Օտրանտո
Երկիր	Իտալիա
Համալիրի մաս	Castelli del Salento?
Կառուցված	1485 - 1498 թվականներ
Կառուցող	Ֆերդինանդ II Արագոնացի
Ճարտարապետ	Չիրո Չիրի
Կայք	castellipuglia.org
Castello di Otranto Վիքիպահեստում

Օտրանտոյի ամրոց (իտալ.՝ Castello di Otranto), ամրոց հարավային Իտալիայի Օտրանտո քաղաքում, Լեչե գավառ, Ապուլիա նահանգ։

Կառուցվել է 1485-1498 թվականներին ճարտարապետներ Չիրո Չիրիի և Ֆրանչեսկո դի Ջորջո Մարտինիի նախագծերով ու ղեկավարությամբ, Ֆերդինանդ II Արագոնացու հրամանով, թուրքական ներխուժումը ետ մղելուց հետո։

Ամրոցը կառուցվել է նախկինում գոյություն ունեցած ամրությունների տեղում։ Ունի երկրաչափական սեղան պատկերի ձև։ Երեք անկյուններում տեղակայված են Ալֆոնսինի (իտալ.՝ Torre Alfonsina), Հիպոլիտայի (իտալ.՝ Torre Ippolita) և Դուկեսկայի (իտալ.՝ Torre Duchesca) կլոր աշտարակները։ Չորրորդ անկյունը (ծովի կողմից) ունի հաստ սրածայր ավարտ։

Ամրոցը շրջապատված է խրամափոսով։

Օտրանտոյի ամրոցի պատերին և շինություններին պահպանվել են հինհռոմեական արձանագրություններով մի քանի քարետախտակներ։

Օտրանտոյի ամրոցը կարևոր գեղարվեստական պատկեր է դարձել Հորաս Ուոլփոլի «Օտրանտոյի ամրոցը» (The Castle of Otranto) վեպում։

Պատկերասրահ

• 
  Ամրոցի բակ
• 
  Ամրոցի բակ
• 
  Ամրոցի բակ
• 
  Դեպի նավահանգիստ տեսարանը ամրոցի պատից

Արտաքին հղումներ

• О замке Արխիվացված 2019-10-20 Wayback Machine (իտալ.)

Վիքիպահեստն ունի նյութեր, որոնք վերաբերում են «Օտրանտոյի ամրոց» հոդվածին։