Օլիվեր Բաուման
 գերմ.՝ Oliver Baumann | |||
|---|---|---|---|
.jpg) | |||
| Քաղաքացիությունը |
 Գերմանիա | ||
| Ծննդյան ամսաթիվ | հունիսի 2, 1990[1][2] (34 տարեկան) | ||
| Ծննդավայր | Բրայզախ | ||
| Հասակ | 187 սանտիմետր | ||
| Քաշ | 82 կիլոգրամ | ||
| Դիրք | դարպասապահ | ||
|
| |||
|
| |||
|
| |||
|
| |||
|
| |||
Օլիվեր Բաուման (գերմ.՝ Oliver Baumann, հունիսի 2, 1990[1][2], Բրայզախ), գերմանացի ֆուտբոլիստ «Հոֆենհայմ» ակումբի դարպասապահ։
Ակումբային կարիերա
[խմբագրել | խմբագրել կոդը]Օլիվերն իր կարիերան սկսել է «Բադ Կրոցինգեն» պատանեկան թիմում։ 2002 թվականին միացել է «Ֆրայբուրգ ՖԱ»–ին։ «Ֆրայբուրգ» երիտասարդական ակումբի կազմում դարձել է Գերմանիայի առաջնություն 2007/08–ի չեմպիոն, իսկ հաջորդ մրցաշրջանում շահել է Գերմանիայի երիտասարդական գավաթը։
2009 թվականի օգոստոսի 8–ին Օլիվերը «Շտուտգարտեր Կիկերս»–ի դեմ խաղում նորամուտ է ունեցել ֆրայբուրգցիների երկրորդ թիմի կազմում[3]։ Բաումանը հաջող հանդիպումներ է անցկացրել՝ բաց չթողնելով ոչ մի մրցախաղ։ 2009/10 մրցաշրջանում խաղացել է ևս 19 խաղ, բաց է թողել 25 գնդակ։ 2010 թվականի մայիսի 8–ին Օլիվերը նորամուտ է ունեցել Բունդեսլիգայում՝ Դորմունդի «Բորուսիա»–ի դեմ վերջին մրցախաղում[4]։ Չնայած Բաումանի բաց թողած մեկ գնդակին, «Ֆրայբուրգ»–ը հաղթանակ է տարել 3։1 հաշվով։
2010/11 խաղաշրջանում դարձել է «Ֆրայբուրգ»–ի հիմնական դարպասապահ՝ անցկացնելով 30 խաղ Բունդեսլիգայում, որոնցից 8–ը «զրո հաշվով»՝ բաց թողնելով 42 գնդակ[5]։ «Սանկտ–Պաուլի» դեմ 18–րդ տուրի խաղում Բաումանը գոլային փոխանցում է կատարել Պապիս Սիսեին, որը թույլ է տվել հավասարեցնել հաշիվը[6]։ 2010 թվականի հունիսի 10–ին դարպասապահը երկարացրել է պայմանագիրը «Ֆրայբուրգ»–ի հետ մինչև 2014 թվական։ Հաջորդ երկու մրցաշրջանում Օլիվերը Բունդեսլիգայում անցկացրել է 67 խաղ, որոնցից 22–ում կարողացել է անառիկ պահել իր դարպասները։ 2011 թվականի ամռանը Բաումանը երկարացրել է պայմանագիրը ևս 1 տարով՝ մինչև 2015 թվականի ամառ։
2013 թվականի սեպտեմբերի 19–ին Եվրոպայի Լիգայի խմբային փուլի խաղում Օլիվերը նորամուտ է ունեցել եվրոգավաթում[7]։
2013 թվականի հոկտեմբերի 27–ին «Համբուրգ ՖԱ»–ի դեմ խաղում «Ֆրայբուրգ»–ը պարտվել է 0։3 հաշվով և բաց թողնված 3 գոլերի մեղավորն եղել է Բաումանը, որը թույլ է տվել կոպիտ սխալներ[8]։
2014 թվականի մայիսի 14–ին Բաումանը վերադարձել է «Հոֆենհայմ»՝ ստորագրելով պայմանագիր մինչև 2018 թվական[9]։
Կարիերա հավաքականում
[խմբագրել | խմբագրել կոդը]2008 թվականին Օլիվերը անցկացրել է մեկ մրցախաղ Գերմանիայի մինչև 18 տարեկանների պատանեկան հավաքականի կազմում՝ Իռլանդիայի հասակակիցների դեմ խաղում[10]։ 2008–2010 թվականներին, անցկացնելով 7 խաղ մինչև 19 տարեկանների հավաքականում և 2 մրցախաղ՝ մինչև 20 տարեկանների հավաքականում, Օլիվերը 2010 թվականից սկսել է հանդես գալ երիտասարդական թիմում։
2013 թվականի մայիսի 28–ին հայտարարվել է, որ Բաումանը ընդգրկվել է երիտասարդական հավաքականի կազմում՝ Իսրայելում կայանալիք Եվրոպայի 2013 թվականի երիտասարդական առաջնությանը մասնակցելու համար[11]։ Օլիվերը Ռուսաստանի հավաքականի դեմ անցկացրել է խմբային փուլի երրորդ տուրի միայն մեկ հանդիպում[12]։ Չնայած 2։1 հաշվով հաղթանակին, գերմանացիները դուրս են մնացել չեմպիոնության համար պայքարից։
Ծանոթագրություններ
[խմբագրել | խմբագրել կոդը]- ↑ 1,0 1,1 Transfermarkt.com(բազմ․) — 2000.
- ↑ 2,0 2,1 As (իսպ.) — Madrid: PRISA, 1967. — ISSN 1888-6671
- ↑ «Фрайбург» II — «Штутгартер Кикерс» 0:0
- ↑ «Фрайбург» — «Боруссия» Д 3:1
- ↑ http://www.transfermarkt.co.uk/en/Oliver%20Baumann/leistungsdaten/spieler_55089_2010.html#L1
- ↑ «Санкт-Паули» — «Фрайбург» 2:2
- ↑ «Фрайбург» — «Слован» 2:2
- ↑ Freiburg goalkeeper responsible for ALL THREE Hamburg goals
- ↑ «Baumann wechselt zu 1899». Արխիվացված է օրիգինալից 2014 թ․ մայիսի 14-ին. Վերցված է 2022 թ․ մարտի 13-ին.
- ↑ Германия (до 18) — Ирландия (до 18) 2:3
- ↑ «Adrions Aufgebot für Israel steht». Արխիվացված է օրիգինալից 2014 թ․ նոյեմբերի 3-ին. Վերցված է 2022 թ․ մարտի 13-ին.
- ↑ Россия (мол.) — Германия (мол.) 1:2
Արտաքին հղումներ
[խմբագրել | խմբագրել կոդը]- Профиль на сайте Fussballdaten.de (գերմ.)
- Профиль на сайте Worldfootball.net (անգլ.)
 | Վիքիպահեստն ունի նյութեր, որոնք վերաբերում են «Օլիվեր Բաուման» հոդվածին։ |
| ||||||||||
