Օլիաստրա (իտալ.՝ provincia dell'Ogliastra), (սարդ.՝ provìntzia de s'Ogiastra), գավառ ԻտալիայիՍարդինիա ինքնավար մարզի արևելյան հատվածում։ Օլիաստրան Սարդինիայի առաջատար պրովինցիան է։ Այն տարածաշրջանում ունի ամենափոքր բնակչությունը[1]՝ 57642 բնակիչ[2]։ Մեկ քառ. կմ-ում բնակչությունը հասնում է 31.08-ի։ Նախագահը Բրունո Պիլիան է[2]։ Այն գրեթե համապատասխանում էր միջնադարյան Աուգլիաստրային։ Գավառն ունի 26 կոմունա[2]։
Օլիաստրա պրովինցիան ունեցել է երկու մայրաքաղաք` Տորտոլին և Լանուզեին[3]։ 2012 թվականի մայիսի 6-ին Սարդինիայի տարածաշրջանային հանրաքվեում տեղի ունեցավ որոշ պրովինցիաների վերացման և մի շարք այլ հարցերի վերաբերյալ ժողով։ Այդ գավառների վերափոխման կամ վերացման առաջարկը հավանության է արժանացել 2012 թվականի մայիսի 24-ին Սարդինիայի տարածաշրջանային խորհրդի կողմից։ Դրա շնորհիվ Օլիաստրային հանձնարարվեց ստեղծել նոր վարչական մարմին կամ վերացնել 2013 թվականի մարտի 1-ին ընդունած որոշումը, սակայն սահմանադրական փոփոխությունների այս ժամկետը երկարացվել է մինչև 2013 թվականի հուլիսի 1-ը[4][5][6]։ 2013 թվականի հունիսի 28-ին թիվ 15 մարզային օրենքի համաձայն՝ գավառին թույլատրվեց շարունակել գործունեությունը[7]։
Գավառը հյուսիսից սահմանակից է Կալիարիին, իսկ հարավից Նուորո պրովինցիային[8]։ Օլիաստրան հիմնադրվել է 2001 թվականին, երբ երկու անգամ ավելացվեց սարդինյան գավառների թիվը։ Այն ընդգրկում է Ֆլումենդոսա գետը և Բասո Ֆլումենդոսայի լիճը, ինչպես նաև Գեննարգենտու ազգային պարկը։ Օլիաստրա անունն առաջացել է գավառի ձիթենու ծառերի անվանումից, որը հայտնի է որպես olivastri։ Այն տեղակայված է Տիրենյան ծովում[8]։
Իտալիա.svg)
