Օհանյան-Րաֆֆի-Օսկանյան դաշինք

Վիքիպեդիայից՝ ազատ հանրագիտարանից
(Վերահղված է ՕՐՕ դաշինքից)
Jump to navigation Jump to search
Օհանյան-Րաֆֆի-Օսկանյան դաշինքի պատկերանիշ

«Օհանյան–Րաֆֆի–Օսկանյան» դաշինք, գործող ընդդիմադիր քաղաքական դաշինք Հայաստանում[1]։ Դաշինքը ստեղծվել է փետրվարի 13-ին՝ «Համախմբում» կուսակցության նախագահ Վարդան Օսկանյանի, «Ժառանգություն» կուսակցության հիմնադիր Րաֆֆի Հովհաննիսյանի և պաշտպանության նախկին նախարար Սեյրան Օհանյանի միջև Երևանում ստորագրված հուշագրով[2][3]։

Անվանում[խմբագրել | խմբագրել կոդը]

Դաշինիքի անվանում է ընտրվել հուշագիրն ստորագրած երեք քաղաքական գործիչների անունները՝ Սեյրան Օհանյանի և Վարդան Օսկանյանի ազգանունները և Րաֆֆի Հովհաննիսյանի անունը։ Տարածված է նաև դաշինքի անվանման հապավումը՝ «ՕՐՕ» կամ «ՕՐՕ» դաշինք[4]։

Մասնակցությունը խորհրդարանական ընտրություններին[խմբագրել | խմբագրել կոդը]

2017[խմբագրել | խմբագրել կոդը]

«Օհանյան–Րաֆֆի–Օսկանյան» դաշինքի ստեղծման նպատակը Հայաստանի 2017 թ-ի խորհրդարանական ընտրություններին մասնակցելն է։ Դաշինքն ընտրություններին մասնակցությունը գրանցելու համար ՀՀ Կենտրոնական ընտրական հանձնաժողովին փաստաթղթերը հանձնել է փետրվարի 16-ի։ Նույն օրը հրապարակվել է դաշինքը համամասնական ցուցակը, որում ընդգրկված է 148 անձ։ Ցուցակը գլխավորում է Սեյրան Օհանյանը, երկրորդը Արմեն Մարտիրոսյանն է՝ «Ժառանգություն» կուսակցությունից, երրորդը՝ Վարդան Օսկանյանը։ Րաֆֆի Հովհաննիսյանը 11-րդն է դաշինքի համամասնական ցուցակում[5][6][7]։

Ընտրությունների արդյունքում դաշինքը չհաղթահարեց նվազագույն շեմը՝ ստանալով 32'487 ձայն, կամ ընդհանուր քվեների 2,07%-ը։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]