Քոլին Օ'Դոնոհյու

Վիքիպեդիայից՝ ազատ հանրագիտարանից
Jump to navigation Jump to search
Քոլին Օ'Դոնոհյու
անգլ.՝ Colin O'Donoghue
Colin O'Donoghue (14961566362) (cropped).jpg
Քոլին Օ'Դոնոհյուն 2014 թ.ի Comic Con International-ին Սան Դիեգոյում
Հասակը180 սմ
Ծնվել էհունվարի 26, 1981 (38 տարեկան)
ԾննդավայրԻռլանդիա Դրոհեդա, Լաութի կոմսություն, Իռլանդիա
ԿրթությունThe Gaiety School of Acting?
ՔաղաքացիությունԻռլանդիա Իռլանդիա
ԱզգությունԻռլանդիա իռլանդացի
ՄասնագիտությունԴերասան, երաժիշտ
Ակտիվ շրջան2001-այժմ
IMDbID 1524440
colinodonoghue.com

Քոլին Արթուր Ջեֆրի Օ'Դոնոհյու (անգլ.՝ Colin Arthur Jeffery O'Donoghue) (ծնվ. 1981 թվական, հունվար 26), իռլանդացի դերասան և երաժիշտ։ Առավել հայտնի է իր Կապիտան Հուկ/Կիլիան Ջոնսի դերով Մի անգամ հեքիաթում հեռուստասերիալում։

Կենսագրություն[խմբագրել | խմբագրել կոդը]

Քոլին Օ'Դոնհյուն՝ Քոն և Մերի Օ'Դոնոհյուների տղան, ծնվել և մեծացել է Լաութի կոմսության Դրոհեդա քաղաքում, կաթոլիկ ընտանիքում։ ՈՒնի եղբայր՝ Ալեն Օ'Դոնոհյուն։ Նա սովորել է Դանդոլկի վարժարանում, հետո ընդունվել է Դուբլինի The Gaiety School of Acting դերասանական դպրոց։ 16 տարեկանում Օ'Դոնոհյուն 1 ամսով մեկնել է Փարիզ ֆրանսերեն սովորելու համար[1]։

Կարիերա[խմբագրել | խմբագրել կոդը]

Քոլինի սկզբնական կարիերան կապված էր ինչպես թատրոնի, այնպես էլ հեռուստատեսության հետ Իռլանդիայում և Մեծ Բրիտանիայում։ Որպես Բավարիայի դուքս Ֆիլիպ՝ 2009 թ.-ին նա հայտնվեց պատմական Թյուդորները հեռուստասերիալի երրորդ եթերաշրջանում։ 2011 թ.-ին Քոլինը հայտնի դերասան Էնթոնի Հոփքինսի հետ նկարահանվեց «Ծիսակարգը» ("The Rite") միստիկ դրամայում, որը նրա առաջին հոլիվուդյան ֆիլմն էր։ 2012 թ.-ին նա նկարահանվում է ամերիկյան Մի անգամ հեքիաթում հեռուստասերիալի երկրորդ եթերաշրջանում։ Նրա Կապիտան Հուկ/Կիլիան Ջոնսի դերը սկզբում երկրորդական կերպար էր, մինչև պաշտոնապես հայտարարվեց, որ նա կլինի հիմնական դերասաններից մեկը՝ եթերաշրջանի երկրորդ կեսից սկսած։ 2014 թ.-ին Օ'Դոնոհյուն ստացավ երաժիշտ Բրենանի դերը «Փոշոտ փոթորիկը» ("The Dust Storm") ֆիլմում։

2015 թ.-ին Քոլին Օ'Դոնոհյուն նկարահանվում է Քրիստինա Փերրիի «Բառեր» ("The Words") կոչվող տեսահոլովակում[2]։

Քոլին Օ'Դոնոհյուն իռլանդական «The Enemies» կոչվող նվագախմբի անդամ էր։ Խումբը ձևավորվել է 2003 թ.-ին Օ'Դոնոհյուի ու նրա մտերիմ ընկերոջ՝ Ռոնան ՄակՔուիլանի կողմից։ Քոլինը նվագում էր կիթառ ու երգում բեքվոկալում։ 2013 թ.-ի մայիսին նա հայտարարեց, որ թողնում է խմբում ունեցած պարտավորությունները Մի անգամ հեքիաթում հեռուստասերիալի իր աշխատանքային գրաֆիկի պատճառով[3]։

2003 թ.-ին Քոլին Օ'Դոնոհյուն «Դեպի տուն Սուրբ Ծնունդին» ֆիլմում Նորմանի դերի համար Իռլանդական կինոյի և հեռուստատեսության մրցանակաբաշխության կողմից (1st Irish Film & Television Awards) արժանացավ պարգևի «Լավագույն նոր տաղանդ» անվանակարգում[4]

Անձնական կյանք[խմբագրել | խմբագրել կոդը]

2009 թ.-ի հուլիսի 2-ին Քոլին Օ'Դոնոհյուն ամուսնացել է Հելեն Օ'Դոնոհյուի հետ, ով մասնագիտությամբ ուսուցչուհի է[5]։ Նրանք ունեն որդի՝ Էվանը (ծնվ. 2013 թ., օգոստոսի 1)[6] ։ Օ'Դոնոհյուն չի պատրաստվում տեղափոխվել Լոս Անջելես կամ Վանկուվեր, որտեղ նկարահանվում Մի անգամ հեքիաթում հեռուստասերիալը։ Նա բացատրում է. «Դուք չգիտեք, թե ինչ հանգամանքներ ի հայտ կգան, այսպիսով՝ դժվար է այդպիսի որոշում կայացնել ու տեղափոխվել որևէ տեղ երկու կամ երեք տարով... Ինչ էլ պատահի, Դրոհեդան միշտ կմնա իմ տունը, որովհետև այնտեղ են իմ ընկերներն ու ընտանիքը»։

Ֆիլմագրություն[խմբագրել | խմբագրել կոդը]

  • 2016 - Ինչ դեռևս մնում է/What Still Remains (Փիթեր)
  • 2016 - Քերրի Փիլբի/Carrie Pilby (պրոֆեսոր Հարրիսոն)
  • 2016 - Փոշոտ փոթորիկը/The Dust Storm (Բրենան)
  • 2012-այժմ - Մի անգամ հեքիաթում (հեռուստասերիալ)/Once Upon a Time (Կապիտան Հուկ/Կիլիան Ջոնս, հիմնական դեր)
  • 2012 - Թաքստոց 24/Storage 24 (Մարկ)
  • 2011 - Ծիսակարգը/The Rite (Մայքլ Կովակ)
  • 2011 - Նույնացում/Identity (Ջոն Բլում)
  • 2009 - Թյուդորներ (հեռուստասերիալ)/The Tudors (Բավարիայի դուքս Փիլիպ, 1 սերիա)
  • 2009 - Խենթ դեկտեմբերներ/Wild Decembers
  • 2009 - The Euthanizer հեռուստասերիալ (Բեն)
  • 2006-2008 - Կլինիկան (հեռուստասերիալ)/The Clinic (Քոնոր Էլիոթ, 11 սերիա)
  • 2006 - 24/7 (Նիկ)
  • 2005 - Հեքիաթ-քաղաք (հեռուստասերիալ)/Fair City (Էմմեթ Ֆիթցգերալդ, 3 սերիա)
  • 2005 - Ապացույց (հեռուստասերիալ)/Proof (Ջեյմի, 2 սերիա)
  • 2004 - Սերը թմրանյութ է (հեռուստասերիալ)/Love Is the Drug (Փիթեր, 2 սերիա)
  • 2003 - Call Girl(Բրենդան)
  • 2002 - Դեպի տուն Սուրբ Ծնունդին/Home for Christmas (Նորման Քուեսթեդ)
  • 2001 - Ապստամբ սիրտ (հեռուստասերիալ)/Rebel Heart (Ռոու, 1 սերիա)

Արտաքին հղումներ[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. Dominguez, Robert (հունվարի 26, 2011)։ «Filmed on Location: Colin O'Donoghue of 'The Rite'»։ Daily News։ Վերցված է փետրվարի 1, 2012 
  2. Christina Perri (հունվարի 25, 2015)։ «Christina Perri - The Words [Official Video]»։ YouTube։ Google։ Վերցված է փետրվարի 11, 2015 
  3. Twitter
  4. Staff (undated). "Winners of the 1st Annual Irish Film & Television Awards", ifta.ie; retrieved 1 February 2012.
  5. «Colin O'Donoghue Biography»։ TV Guide։ Վերցված է հուլիսի 17, 2014 
  6. Molony Julia (սեպտեմբերի 9, 2013)։ «SUCH a wicked right hook»։ Irish Independent։ Վերցված է օգոստոսի 28, 2014