Քերրիի օրագրերը (հեռուստասերիալ)

Վիքիպեդիայից՝ ազատ հանրագիտարանից
Jump to navigation Jump to search
Picto infobox cinema.png
Քերրիի օրագրերը
CARRIEDIARIESLOGO.jpg
Ժանրհումորային դրամա
ՍտեղծողCandace Bushnell?
ԵրկիրFlag of the United States.svg ԱՄՆ
ՀիմքThe Carrie Diaries?
Լեզուանգլերեն
Գլխավոր
դերերում
Աննասոֆիա Ռոբ
ԵրաժշտությունՄարկ Մազերսբո
Պատմվածքի վայրՆյու Յորք
Եթերաշրջանների քանակ2
Սերիաների քանակ26
Էկրաններին էհունվարի 14, 2013-ից
ՀեռուստաալիքThe CW
ԸնկերությունWarner Bros. Television
ԴիստրիբյուտորWarner Bros. Television
Պատկերի ձևաչափ16:9
Պաշտոնական կայքէջ

Քերրիի օրագրերը (անգլ.՝ The Carrie Diaries), ամերիկյան պատանեկան/պատմական քոմեդի-դրամա է։ Հեռարձակվել է The CW հեռուստաընկերության կողմից 2 եթերաշրջանով 2013 թ.-ի հունվարի 14-ից 2014 թ.-ի հունվարի 31-ը։ Հեռուստաշոուն HBO հեռուստաընկերության Սեքսը մեծ քաղաքում հեռուստասերիալի դեպքերի նախապատմությունն է ներկայացնում և հիմնված է Քենդիս Բուշնելի համանուն ստեղծագործության վրա։ Առաջին եթերաշրջանի կիզակետում Քերրի Բրեդշոուն է (Աննասոֆիա Ռոբ) իր ավագ դպրոցական տարիներին 1984 թ-ին։ Այս շրջանում նա, նորաձևության ամսագրում պրակտիկանտ լինելով, նյույորքյան կյանքն է բացահայտում։ Երկրորդ եթերաշրջանում ներկայացնում է իր կյանքը քաղաքում, ինչպես նաև իր ընկերների կյանքը։

Առաջին եթերաշրջանի 4-րդ ամսում հայտարարվեց երկրորդ եթերաշրջանի մասին, որի պրեմիերան կայացավ 2013 թվականի հոկտեմբերին[1][2]։ 2014 թվականի Մայիսին The CW հեռուստաընկերությունը փակեց հեռուստաշոուն երկու եթերաշրջանից հետո[3]։

Կերպարներ և դերասանական կազմ[խմբագրել | խմբագրել կոդը]

Հիմնական դերեր[խմբագրել | խմբագրել կոդը]

  • Աննասոֆիա Ռոբը Քերրի Բրեդշոուի դերում։ Հեռուստասերիալի գլխավոր հերոսն ու պատմողը։ 16 տարեկան ավագ դպրոցի աշակերտուհի է Քասլբերրի, Կոնեկտիկուտից։ Նա երազում է հայտնի գրող դառնալու մասին։ Քերրիի մայրը վերջերս մահացել է քաղցկեղից, այդ պատճառով նրա կրտսեր քույրը՝ Դորրիթը, ավելի կոնֆլիկտային է, քան երբևէ, իսկ նրա հայրը՝ Թոմը, գլուխը կորցրել է՝ երկու թինեյջեր աղջկա խնամքի պատասխանատվությունը միայնակ հանկարծակի ստանձնելու պատճառով։ Քերրին պրակտիկայի է անցնում Նյու Յորքում գտնվող իրավաբանական գրասենյակում։ Այնուհետև նա լքում է այս պրակտիկան, որպեսզի աշխատի Լարիսա Լաֆլինի մոտ Ինտերվյու Ամսագրում։ Ավագ դպրոցի ավարտին ընդառաջ Լարիսան Քերրիին առաջարկում է ամբողջօրյա աշխատանք Ինտերվյու ամսագրում, որը նա ընդունում է։ Ցավոք, Լարիսային հեռացնում են աշխատանքից, Քերրիին՝ նույնպես։ Նա որոշում է մնալ Նյու Յորքում Սեբաստիանի հետ Մալիբու գնալու փոխարեն։ Երկրորդ սեզոնի վերջում նա Սամանտայի հետ տեղափոխվում է Լարիսայի բնակարան։
  • Օսթին Բոլթերը Սեբասթիան Քիդդի դերում։ Քասլբերիի Ավագ դպրոցի նորեկ աշակերտ և Քերրիի սիրո օբյեկտը։ Սեբասթիանը տեղափոխվում է Քասլբերի, որովհետև նախկին դպրոցից նրան հեռացրել էին՝ պատմության ուսուցչուհու հետ սիրավեպի պատճառով։ Նա ապրում է իր ամուսնալուծված մոր հետ, ով երբևէ իր կողքին չէ։ Նա և Քերրին սկսում են հանդիպել Առաջին եթերաշրջանի կեսերից, բայց բաժանվում են (այդ ընթացքում Սեբասթիանը համբուրում է Մեգիին, ինչի պատճառով նրանք էլ ավելի լուրջ են վիճում)։ Նրանք աշխատում են չհանդիպել, արհամարհել իրար, բայց պարզ է, որ նրանք զգացմունքներ ունեն միմյանց նկատմամբ։ Երկրորդ եթերաշրջանի ավարտին Սեբասթիանը տեղափոխվում է Մալիբու՝ իր կազմակերպությունը ղեկավարելու համար, ինչի պատճառով նրանք վերջնականապես բաժանվում են։

Ծանոթագրություններ[խմբագրել | խմբագրել կոդը]

  1. Kondolojy Amanda (May 9, 2013)։ «'Nikita' Renewed For A Short (Final?) 4th Season & 'The Carrie Diaries' Renewed For 2nd Season»։ TV by the Numbers։ Վերցված է May 10, 2013 
  2. Mittovich Matt (June 24, 2013)։ «Fall TV Premiere Dates: The CW Once Again Opens Its Season in October»։ TV Line։ Վերցված է June 24, 2013 
  3. Kondolojy Amanda (May 8, 2014)։ «'Carrie Diaries', 'Tomorrow People' & 'Star-Crossed' Cancelled by The CW»։ TV by the Numbers։ Վերցված է May 8, 2014