Քեյթ Դիքի

Քեյթ Դիքի անգլ.՝ Kate Dickie
Ծնվել է	հուլիսի 4, 1971(1971-07-04) (53 տարեկան)
Ծննդավայր	East Kilbride, Լարնակշիր, Շոտլանդիա, Միացյալ Թագավորություն
Կրթություն	Douglas Ewart High School? և Շոտլանդիայի թագավորական կոնսերվատորիա
Քաղաքացիություն	Միացյալ Թագավորություն
Մասնագիտություն	թատրոնի դերասանուհի և կինոդերասանուհի
kate-dickie.com

Դիքի Քեյթ (անգլ.՝ Kate Dickie, հուլիսի 4, 1971(1971-07-04), East Kilbride, Լարնակշիր, Շոտլանդիա, Միացյալ Թագավորություն), թատրոնի, հեռուստատեսության և կինոյի շոտլանդացի դերասանուհի։ Առավել հայտնի է HBO-ի «Գահերի խաղը» հեռուստասերիալում կատարած Լիզա Արենի դերով։

Վաղ կյանք և կրթություն

Դիքին ծնվել է Շոտլանդիայի Իստ-Քիլբրայդ քաղաքում, սակայն մանկությունն անկցակցրել է Շոտլանդիայի տարբեր մասերում (Դամֆրիսում և Գալոուեում, Պերտշիրում, Էյրշիրում), քանի որ ընտանիքը հաճախ է տեղափոխվել։ Վաղ տարիքից դերասանական վարպետության հանդեպ դրսևորել է հետաքրքություն, որին սատարել են նաև ծնողները։ Ծագելով աշխատանքային ընտանիքից (նրա հայրը եղել է ֆերմեր և այգեպան), որտեղ ընտանիքի անդամներից ոչ մեկը կապ չի ունեցել արվեստի հետ, նա ամաչել է իրեն դերասան անվանել, քանի որ վախեցել է հավակնոտ երևալուց։ Թատերական խմբակների այցելությունն օգնել է նրան հաղթահարել անվստահությունը, որը առաջացել է դպրոցների հաճախակի փոփոխությունների պատճառով, ինչպես նաև օգնել է հարմարվել նոր մարդկանց և նոր պայմաններին։

Դպրոցն ավարտելուց հետո Դիքին ընդունվել է Քրքոլդիի քոլեջ՝ դերասանական վարպետության ազգային վկայական ստանալու համար։ 1990 թվականին ընդունվել է Շոտլանդիայի երաժշտության և դրամայի թագավորական ակադեմիա և որոշել է մնալ Գլազգոյում։ Նա սկսել է աշխատել թատրոնում և հնարավորություն է ստացել ելույթ ունենալ Շոտլանդիայի մի քանի լավագույն թատերական ընկերությունների հետ։

Անձնական կյանք

Դիքին դստեր՝ Մոլիի և ընկերոջ՝ ձայնային օպերատոր Քենիի հետ ապրում է Շոտլանդիայի Քելվինբրիջ քաղաքում։

Ընտրված ֆիլմագրություն

Ֆիլմեր

Տարի	Անվանում	Բնօրինակ անվանում	Դեր	Ծանոթագրություն
2005	Ու՞մ ես դու սիրում	Who Do You Love?	մամա	կարճամետրաժ
2006	Պատահարներ	Accidents	մամա	կարճամետրաժ
	Կարմիր ճանապարհ	Red Road	Ջեքի
	Բերք	The Harvest	Էմմա Բոուվի
2008	Հետք	Trace	Կարեն
	Սոմերսթաուն	Somers Town	Ջեյն
	Նա սպանել է ոստիկաններին	He Kills Coppers	Ջանիս	հեռուստաֆիլմ
2010	Աքսորյալները	Outcast	Մերի
	Հարազատ որդի	Native Son	ոստիկան	կարճամետրաժ
	Էշեր	Donkeys	Ջեքի
2012	Պրոմեթևս	Prometheus	Ֆորդ
	Շել	Shell	Քլեր
2013	Կեղտ	Filth	Քրիսի
	Ոչ միայն երջանիկ ավարտ	Not Another Happy Ending	Աննա Լեֆևր
	Նրանց համար, ովքեր ծովում են	For Those in Peril	Քեթի
2015	Կախարդ	The Witch	Կատերինա
2015	Օպերատոր	Operator	Օպերատոր	կարճամետրաժ
2021	Կանաչ ասպետը	The Green Knight	թագուհի

Հեռուստասերիալներ

Տարի	Անվանում	Բնօրինակ անվանում	Դեր	Ծանոթագրություն
1994	Ռեբ Ք․ Նեսբիթ	Rab C. Nesbitt	երիտասարդ աղջիկ	(23 էպիզոդ) - «Mother»
2003	Արատ	The Vice	Բևերլի	(1 էպիզոդ) - «Gameboys»
	Թագգարտ	Taggart		(1 էպիզոդ) - «Penthouse and Pavement»
2004	Դեռ խաղ	Still Game	հղի աղջիկ	(1 էպիզոդ) - «Swottin»
2007	Թագգարտ	Taggart	Վենդի Նյուջենթ	(1 էպիզոդ) - «Island»
2010	Անառակ դուստրեր	Five Daughters	Իզաբելա Քլենել	(2 էպիզոդ)
	Երկրի սյուները	The Pillars of the Earth	Ագնես
2011-14	Գահերի խաղը	Game of Thrones	Լիզա Արեն	(5 էպիզոդ)
2012	Նոր հնարքներ	New Tricks	Ֆիոնա Մաքդուգալ	(1 էպիզոդ) - «Glasgow UCOS»
2013	Ցանկացած միջոցներով	By Any Means	Պատրիսիա Բրուքս	(1 էպիզոդ)
2018	Լացը	The Cry	Մորվեն Դևիս	(4 էպիզոդ)

Ծանոթագրություններ

Վիքիպահեստն ունի նյութեր, որոնք վերաբերում են «Քեյթ Դիքի» հոդվածին։