Քեթլին Չուկագյան
Քեթլին Չուկագյան | |
---|---|
Ծնվել է | դեկտեմբերի 28, 1988 (35 տարեկան) |
Ծննդավայր | Quakertown, Բաքս շրջան, Փենսիլվանիա, ԱՄՆ |
Քաղաքացիություն | ԱՄՆ |
Կրթություն | Fairleigh Dickinson University? |
Մասնագիտություն | Ընդհանուր մենամարտիկ, քիքբոքսեր, Brazilian jiu-jitsu practitioner և կարատեիստ |
Katlyn Chookagian Վիքիպահեստում |
Քեթլին Չուկագյան (դեկտեմբերի 28, 1988, Quakertown, Բաքս շրջան, Փենսիլվանիա, ԱՄՆ), հայկական ծագմամբ ամերիկացի խառը ոճի մենամարտիկ, հանդես է գալիս UFC-ի հովանու ներքո։ 2020 թվականի նոյեմբերի 24-ի դրությամբ զբաղեցնում է կանանց թեթևագույն քաշային կարգի 2-րդ հորիզոնականը։ Նաև գտնվում է UFC-ի պաշտոնական վարկանիշի 10-րդ հորիզոնականում լավագույն կին մարտիկների շարքում՝ անկախ քաշային կարգից (անգլ.՝ pound-for-pound)[1]։
Կենսագրություն[խմբագրել | խմբագրել կոդը]
Քեթլին Չուկագյանը ծնվել է Ամերիկայի Միացյալ Նահանգների Փենսիլվանիա նահանգի Քուաքերթաուն քաղաքում։ Ավարտել է տեղի միջնակարգ դպրոցը[2]։ Հայրական պապը ծնվել է Հայաստանում, սակայն վաղ տարիքում տեղափոխվել է Ֆիլադելֆիա։ Քեթլինը սկսել է զբաղվել կարատեով 4 տարեկան հասակում։ Ավագ դպրոցում նա զբաղվել է բռնցքամարտով, որից հետո համատեղել է բռնցքամարտը և քիքբոքսինգը[3]։ 16 տարեկան հասակում Փենսիլվանիայում արժանացել է «Ոսկե ձեռնոցների» (Golden Gloves)։ Դա ԱՄՆ-ում սիրողական բոքսի հեղինակավոր մրցանակ է։ Այդ մրցանակից ավելին միայն ազգայինն է։ Արդեն քոլեջում հետաքրքրվել է բրազիլական ջիու-ջիթսուով։ Սկսել է մենամարտել որպես սիրահար, իսկ 2014 թվականին դարձել է պրոֆեսիոնալ[4][5]։ Սիրողական ասպարեզում Քեթլինն անցկացրել է 7 մենամարտ և հաղթել բոլոր մենամարտերում։ Արդյունքում նա հաղթել է 3 տիտղոս 3 տարբեր կազմակերպություններում՝ NAAFS-ի կանանց մինիմալ քաշային կարգի չեմպիոն, Ascend Combat-ի կանանց թեթևագույն քաշային կարգի չեմպիոն և XCC-ի թեթևագույն քաշային կարգի չեմպիոն[6]։
Նրա թիմակիցներն են UFC-ի այնպիսի հայտնի մարտիկներ, ինչպիսիք են Էդսոն Բարբոզան, Մարլոն Մորիասը, Սիջարա Յուբենսկը, թիմը ղեկավարում է Ֆրենկի Էդգարը։ Նա բիզնեսի կառավարման և մարքեթինգի բակալավրի աստիճան է ստացել Ֆերլի Դիկինսոնի համալսարանում։ Քեթլին Չուկագյանն ունի հայկական ծագում և իրեն համարում է հայուհի, մենամարտերից առաջ կշռվելու ժամանակ հաճախ բարձրացնում է հայկական դրոշ[7]։ Ունի Բրազիլիայի ջիու-ջիթսուի շագանակագույն գոտի Բրազիլիայից մարտարվեստների ականավոր ընտանիքի անդամ Ռենզո Գրեյսիից։
Սպորտային գործունեություն[խմբագրել | խմբագրել կոդը]
Վաղ գործունեություն[խմբագրել | խմբագրել կոդը]
Քեթլինի դեբյուտը խառը ոճի մենամարտերում կայացել է 2014 թվականի հունիսի 28-ին՝ CFFC 37 մրցաշարի շրջանակներում։ Նա հանդիպել է Ռեբեկա Հայնցմանի հետ և հաղթել մրցավարների միաձայն որոշմամբ։
Իր երկրորդ պրոֆեսիոնալ մենամարտը անցկացրել է World Series of Fighting 13 մրցաշարի շրջանակներում՝ ընդդեմ Մորաեսի, որը կայացել է 2014 թվականի սեպտեմբերի 13-ին։ Քեթլինը 44-ամյա Բրիդջետ Նարսայզին հաղթել է նոկաուտով վերջին ռաունդի 13-րդ վայրկյանին թեթևագույն քաշային կարգի շրջանակներում։
Նրա հաջորդ երկու մենամարտերը չեղյալ են համարվել՝ ընդդեմ Ալինա Ջոնսի Ring of Combat 49 մրցաշարի շրջանակներում, և ընդդեմ Նոհիմե Դենիսոնի CFFC 45 շրջանակներում։ 2015 թվականի մայիսի 9-ին նա երկու անգամ է մենամարտել։ Առաջին մենամարտում հաղթել է Լին Վեներգրենին մրցավարների միաձայն որոշմամբ, իսկ երկրորդ մենամարտում հաղթել է Մելինդա Ֆաբիանին առաջին ռաունդում, որը եզրափակիչ մենամարտ էր։
Նա վերադարձել է կազմակերպություն և մասնակցել իրադարձություններին, որտեղ իր նորամուտն է նշել CFFC-ում։ Այդտեղ անցկացրել է ևս երեք մենամարտ[8]։ Արդյունքները առաջվա պես հաջող էին՝ երկու գոտի, երկու հաղթանակ մրցավարների միաձայն որոշմամբ և մեկ ծնկով նոկաուտ[9]։
Ultimate Fighting Championship[խմբագրել | խմբագրել կոդը]
Քեթլին Չուկագյանի դեբյուտը UFC-ում կայացել է 2016 թվականի հուլիսին UFC Fight Night: McDonald vs. Lineker մրցաշարում՝ ընդդեմ Լորեն Մյորֆիի[10]։ Նա հաղթել է մենամարտում մրցավարների միաձայն որոշմամբ[11]։
Ավելի ուշ մենամարտել է Լիզ Կարշումի հետ UFC 205-ի շրջանակներում[12]։ Սակայն պարտվել է մենամարտում մրցավարների առանձին որոշմամբ[13]։
Դրանից հետո՝ 2018 թվականի հուլիսի 28-ին, մենամարտ է կայացել նրա և Ալեքսիս Դեվիսի միջև UFC on Fox 30 մրցաշարի շրջանակներում[14]։ Նա հաղթել է մենամարտում մրցավարների միաձայն որոշմամբ[15]։
2018 թվականի հունվարի 27-ին Քեթլինը մենամարտել է Մառա Ռոմերո Բորելոյի հետ UFC on Fox: Jacaré vs. Brunson 2 մրցաշարի շրջանակներում[16]։ Նա հաղթել է մենամարտում մրցավարների միաձայն որոշմամբ[17]։
Քեթլինի հաջորդ մենամարտը կայացել է 2018 թվականի դեկտեմբերի 8-ին UFC 231 մրցաշարի շրջանակներում[18]։ Այդ մենամարտը դարձել է նրա երկրորդ պարտությունը իր ամբողջ գործունեության ընթացքում, նա պարտվել է մրցավարների առանձին որոշմամբ[19]։
2019 թվականի հունիսի 8-ին մենամարտել է Ջոան Քալդերվուդի հետ UFC 238-ի շրջանակներում[20]։ Նա հաղթել է մենամարտում մրցավարների միաձայն որոշմամբ[21]։
Հաջորդ մենամարտը կայացել է 2019 թվականի նոյեմբերի 2-ին՝ UFC 244 մրցաշարի շրջանակներում՝ ընդդեմ Ջենիֆեր Մայայի։ Դա դարձել է Քեթլինի 6-րդ հաղթանակը։ Այդ մենամարտում նա հաղթել է մրցավարների միաձայն որոշմամբ[22]։
2020 թվականի փետրվարի 8-ին UFC 247-ի շրջանակներում Քեթլին Չուկագյանը մենամարտել է Վալենտինա Շևչենկոյի դեմ կանանց թեթևագույն քաշային կարգի չեմպիոնական գոտու համար։ Սակայն 3-րդ ռաունդում նա պարտվել է տեխնիկական նոկաուտով։
2020 թվականի մայիսի 30-ին Քեթլինն իր մենամարտն է անցկացրել Անտոնինա Շևչենկոյի հետ, որին հաղթել է մրցավարների միաձայն որոշմամբ՝ ջախջախիչ հաշվով՝ 30-25։ Այդ մենամարտը Քեթլինի համար դարձել է 7-րդը UFC-ի հովանու ներքո, և 5-րդը կանանց թեթևագույն քաշային կարգում, այդ քանակի հաղթանակների շարքը Վալենտինա Շևչենկոյի և Ջիլիան Ռոբերտսոնի հետ հանդիսանում է կանանց թեթևագույն քաշային կարգի ռեկորդ։ Չհաշված դա՝ Քեթլինը ռեկորդ է սահմանել UFC - 7 մարտերի պատմության կանանց թեթևագույն քաշային կարգում։ Չուկագյանը նաև այս մարտում ևս մեկ ռեկորդ է սահմանել, այժմ նա ռեկորդակիր է կանանց թեթևագույն քաշի պատմության մեջ հարվածների քանակով։ Չուկագյանն այս մենամարտում մրցակցուհուն 647 հարված է հասցրել[23]։
2020 թվականի հոկտեմբերի 17-ին Քեթլին Չուկագյանը տեխնիկական նոկաուտով պարտվել է Ջեսիկա Անդրադեի հետ մենամարտի առաջին ռաունդի վերջում՝ Ջեսիքայի հաջող հարվածից հետո Քեթլինի կորպուսին՝ UFC Fight Night: Ortega vs․ Korean Zombie մրցաշարի շրջանակներում[24]։
2020 թվականի նոյեմբերի 21-ին Քեթլինը մրցավարների միաձայն որոշմամբ գերիշխող հաղթանակ է տարել իր դիվիզիոնի չորրորդ հորիզոնականի՝ Սինթիա Կալվիլոյի նկատմամբ UFC 255 մրցաշարի շրջանակներում։
Ֆիլմագրություն[խմբագրել | խմբագրել կոդը]
Քեթլին Չուկագյանը նկարահանվել է ռեժիսոր Ռոբ Հոուկի «Մարտական հովիտ» ֆիլմում, որը թողարկվել է 2016 թվականի հուլիսի 22-ին։ Նա խաղացել մարտիկի դեր ավտոկանգառում[25]։
Մրցանակներ և տիտղոսներ[խմբագրել | խմբագրել կոդը]
Ընդհանուր մենամարտեր[խմբագրել | խմբագրել կոդը]
- Ultimate Fighting Championship
- Կանանց թեթևագույն քաշային կարգի հաղթանակների քանակով ռեկորդսմեն (6 հաղթանակ)[26]
- Կանանց թեթևագույն քաշային կարգի անցկացրած մենամարտերի քանակով ռեկորդսմեն (9 մենամարտ)[26]
- Կանանց թեթևագույն քաշային կարգի մեկ մենամարտի ընթացքում ամենաշատ հասցրած հարվածների քանակի ռեկորդսմեն (647 հարված) ընդեմ Անտոնինա Շևչենկոյի
- Cage Fury Fighting Championships
- CFFC-ի կանանց թեթևագույն քաշային կարգի չեմպիոն (մեկ անգամ, գործող)
- CFFC-ի թեթև քաշային կարգի չեմպիոն (մեկ անգամ, գործող)
- Xtream Caged Combat
- XCC-ի թեթևագույն քաշային կարգի չեմպիոն (մեկ անգամ)
- Ascend Combat
- Ascend Combat-ի թեթևագույն քաշային կարգի չեմպիոն (մեկ անգամ)
- North American Allied Fight Series
- NAAFS-ի թեթևագույն քաշային կարգի չեմպիոն (մեկ անգամ)
Բռնցքամարտ[խմբագրել | խմբագրել կոդը]
- Ոսկե ձեռնոցներ
- 2004 «Ոսկե ձեռնոցներ» մրցանակի մրցանակակիր (Փենսիլվանիա)
Ծանոթագրություններ[խմբագրել | խմբագրել կոդը]
- ↑ Ultimate Fighting Championship. «Рейтинги | UFC». ru.ufc.com (ռուսերեն). Վերցված է 2020 թ․ նոյեմբերի 24-ին.
- ↑ Katlyn Chookagian Cerminara
- ↑ Արփի Բեգլարյան (2017 թ․ մարտի 4). «Քեթլին Չուկագյան. Մի օր անպայման այցելելու ենք Հայաստան». Սպուտնիկ.
- ↑ «Top woman amateur martial arts fighter training in Kenilworth to go pro». Վերցված է 2017 թ․ մարտի 28-ին.
- ↑ Robbins, Aaron (2014 թ․ սեպտեմբերի 27). «Katlyn Chookagian: Undefeated and On Her Way Up». Վերցված է 2017 թ․ մարտի 28-ին.
- ↑ Sherdog.com. «Katlyn "Blonde Fighter" Chookagian». Sherdog. Վերցված է 2020 թ․ օգոստոսի 30-ին.
- ↑ «Katlyn Chookagian on Twitter». Վերցված է 2017 թ․ ապրիլի 13-ին.
- ↑ Writer, DAVID WEINBERG Staff. «Chookagian dominates Varela late in CFFC's first women's title fight». Վերցված է 2017 թ․ մարտի 28-ին.
- ↑ Williams, Chris (2014 թ․ սեպտեմբերի 14). «A Night to Remember for Katlyn Chookagian». Վերցված է 2017 թ․ մարտի 28-ին.
- ↑ «Lauren Murphy vs. Katlyn Chookagian added to UFC Fight Night 91 in Sioux Falls». MMAjunkie (անգլերեն). 2016 թ․ հուլիսի 2. Վերցված է 2018 թ․ դեկտեմբերի 20-ին.
- ↑ «UFC Fight Night 91 results: Katlyn Chookagian outworks Lauren Murphy for decision win». MMAjunkie (անգլերեն). 2016 թ․ հուլիսի 14. Վերցված է 2018 թ․ դեկտեմբերի 20-ին.
- ↑ «UFC 205 results: Liz Carmouche tops Katlyn Chookagian by split call in historic New York City opener». 2016 թ․ նոյեմբերի 13. Վերցված է 2017 թ․ մարտի 28-ին.
- ↑ «UFC 205 results: Liz Carmouche tops Katlyn Chookagian by split call in historic New York City opener». MMAjunkie (անգլերեն). 2016 թ․ նոյեմբերի 13. Վերցված է 2018 թ․ դեկտեմբերի 19-ին.
- ↑ Staff (2018 թ․ ապրիլի 27). «UFC on FOX 30 official for Calgary, eight fights added to lineup». mmajunkie.com. Վերցված է 2018 թ․ ապրիլի 27-ին.
- ↑ «UFC on FOX 30 results: Katlyn Chookagian takes decision from Alexis Davis in standup battle». MMAjunkie (անգլերեն). 2018 թ․ հուլիսի 28. Վերցված է 2018 թ․ հուլիսի 29-ին.
- ↑ «Katlyn Chookagian vs Mara Romero Borella - COMBAT LEGEND». COMBAT LEGEND (անգլերեն). 2018 թ․ հունվարի 24. Արխիվացված է օրիգինալից 2018 թ․ հունվարի 28-ին. Վերցված է 2018 թ․ հունվարի 28-ին.
- ↑ «UFC on FOX 27 results: Katlyn Chookagian outworks Mara Romero Borella for decision». MMAjunkie (անգլերեն). 2018 թ․ հունվարի 28. Վերցված է 2018 թ․ հունվարի 28-ին.
- ↑ «Katlyn Chookagian vs. Jessica Eye Expected at UFC 231 in Toronto | MMAnytt.com». MMAnytt.com (անգլերեն). 2018 թ․ հոկտեմբերի 12. Վերցված է 2018 թ․ հոկտեմբերի 17-ին.
- ↑ «Jessica Eye Edges Out Katlyn Chookagian by Split Decision, Calls for Next Title Shot». MMAWeekly.com (անգլերեն). 2018 թ․ դեկտեմբերի 9. Վերցված է 2018 թ․ դեկտեմբերի 9-ին.
- ↑ Damon Martin (2018 թ․ մարտի 11). «Katlyn Chookagian vs. Joanne Calderwood set for UFC 238». MMAWeekly.com. Վերցված է 2019 թ․ մարտի 11-ին.
- ↑ «UFC 238 early prelims results: Chookagian, Xiaonan earn tough wins; Wineland scores KO». MMA Junkie (անգլերեն). 2019 թ․ հունիսի 9. Վերցված է 2019 թ․ հունիսի 9-ին.
- ↑ Farah Hannoun (2019 թ․ օգոստոսի 14). «Katlyn Chookagian vs. Jennifer Maia added to UFC 244 in New York». mmajunkie.com. Վերցված է 2019 թ․ օգոստոսի 14-ին.
- ↑ Максим Лесовой. «А. Шевченко проиграла Чукагян на турнире UFC on ESPN 9» (ռուսերեն). www.championat.com. Վերցված է 2020 թ․ մայիսի 31-ին.
- ↑ Вячеслав Моренко (2020 թ․ հոկտեմբերի 18). «Джессика Андраде победила техническим нокаутом в 1-м раунде Кэтлин Чукагян на турнире UFC». www.championat.com (ռուսերեն). Վերցված է 2020 թ․ նոյեմբերի 22-ին.
- ↑ Susie Celek, Miesha Tate, Erin O'Brien, Kari J. Kramer (2016 թ․ հուլիսի 22). «Fight Valley». imdb.com (անգլերեն). Վերցված է 2020 թ․ օգոստոսի 30-ին.
{{cite web}}
: CS1 սպաս․ բազմաթիվ անուններ: authors list (link) - ↑ 26,0 26,1 «UFC on ESPN 11 post-event facts: Curtis Blaydes' takedowns make history». MMA Junkie (անգլերեն). 2020 թ․ հունիսի 21. Վերցված է 2020 թ․ օգոստոսի 6-ին.
Արտաքին հղումներ[խմբագրել | խմբագրել կոդը]
Վիքիպահեստն ունի նյութեր, որոնք վերաբերում են «Քեթլին Չուկագյան» հոդվածին։ |
|
New championship | CFFC-ի թեթևագույն քաշային կարգի 1-ին չեմպիոն 2016 թվականի հունվարի 9 - մինչ օրս |
New championship | CFFC-ի թեթև քաշային կարգի 1-ին չեմպիոն 2016 թվականի մարտի 19 - մինչ օրս |