Քեթի Լյունգ
 | |
|---|---|
 Քեթի Լյունգը «Հարի Փոթերը և Հրե գավաթը» ֆիլմի պրեմիերայի ժամանակ | |
| Ծնվել է | օգոստոսի 8, 1987[1][2] (37 տարեկան) |
| Ծննդավայր | Մոթերվել, Հյուսիսային Լանարկշիր, Շոտլանդիա, Մեծ Բրիտանիա |
| Կրթություն | Hamilton College? և Շոտլանդիայի թագավորական կոնսերվատորիա |
| Քաղաքացիություն | .svg){kind=small} Միացյալ Թագավորություն և  Շոտլանդիա |
| Մասնագիտություն | դերասանուհի, թատրոնի դերասանուհի և կինոդերասանուհի |
| Ակտիվ շրջան | 2005 - մեր օրեր |
Քեթի Լյու Լյունգ (անգլ.՝ Katie Liu Leung, օգոստոսի 8, 1987[1][2], Դանդի, Շոտլանդիա), բրիտանացի դերասանուհի, ով հայտնի է Հարի Փոթերի մասին պատմող ֆիլմերում` Չո Չանգի կերպարով։ Քեթին այս դերը ստացել է, երբ 18 տարեկան էր։ Մինչ այդ նա միայն հանդես է եկել դպրոցական ներկայացումներում։
Կենսագրություն
[խմբագրել | խմբագրել կոդը]Քեթին ծնվել է Փիթերի (գործարար և փաստաբան) և Կար Վայ Լի Լյունգի (նյարդաբան) հարուստ ընտանիքում։ Նրա ծնողները ամուսնալուծված են և ներկայումս Քեթին ապրում է հոր, երկու եղբայրների և քրոջ հետ։ Հայրը ունի իր անձնական ռեստորանը Գլազգոյում, ինչպես նաև զբաղվում է չինական սնունդի վաճառքով, ունի հյուրանոցներ։
Լյունգը կրում է Շոտլանդիայում ամենատարածված Քեթի անունը։ Ըստ The Scotsman և Teen Vogue ամսագրերի համարվում է ամենակրքոտ աղջիկներից մեկը։
Դերասանուհու մասին հայտնի է նաև, որ նա ազատ ժամանակ սիրում է զբաղվել նկարչությամբ և նվագել դաշնամուր։ Այժմ ուսանում է Լոնդոնի «Արվեստների համալսարան»-ում[3]։
Կարիերան
[խմբագրել | խմբագրել կոդը]Քեթիի հայրը տեսել է Հարի Փոթերը և Հրե գավաթը ֆիլմի լսումների հայտարարությունը և առաջարկել դստերը մասնակցել Չո Չանգի` Հարի Փոթերի ընկերուհու դերի ունկնդրությանը։ 4500 աղջիկներից ի վերջո նա ընտրվում է, չնայած նրան, որ կարծում էր չի անցնելու[4]։ Նա հարցազրույցի ժամանակ ասել է, որ իր շոտլանդական խոսվածքը նպաստել է իր ընտրմանը[5]։
2009 թվականին Քեթին հանդես է եկել «Հարի Փոթերը և Խառնածին արքայզնը» ֆիլմում, որտեղ շարունակել է Հարի Փոթերի նախկին ընկերուհու դերը խաղալ։ Ֆիլմի պրեմիերան կայացել է 2009 թվականի հուլիսի 16-ին։ Ինչպես նաև մասնակցություն է ունեցել «Հարի Փոթերը և Մահվան պարգևները» ֆիլմում, որի նկարահանումները տեղի են ունեցել 2009 թվականի փետրվարից մինչև 2010 թվականի հունիսն ընկած ժամանակահատվածում։
Ֆիլմագրություն
[խմբագրել | խմբագրել կոդը]| Տարի | Անվանում | Դեր | Ծանոթագրություն |
|---|---|---|---|
| 2005 | Հարի Փոթերը և Հրե գավաթը | Չո Չանգ | |
| 2007 | Հարի Փոթերը և Փյունիկի միաբանությունը | Չո Չանգ | |
| 2008 | Ագաթա Քրիստիի Պուարոն | Սյուի Թայ | «Կատուն աղավնիների մեջ» դրվագում |
| 2009 | Հարի Փոթերը և Խառնածին արքայազնը | Չո Չանգ | |
| 2011 | Հարի Փոթերը և Մահվան պարգևները | Չո Չանգ |
Մրցանակներ
[խմբագրել | խմբագրել կոդը]Անվանակարգեր
[խմբագրել | խմբագրել կոդը]2006
- Լավագույն նորեկի մրցանակ (newcomer) (Top 4)
- «Երիտասարդ շոտլանդուհի» մրցանակ
2008
- Դենիել Ռեդկլիֆի հետ լավագույն համբույրի համար մրցանակ MTV Movie Awards U.S
Հաղթող
[խմբագրել | խմբագրել կոդը]2007
- Շոտլանդիայի ամենանորաձև աղջիկ
Ծանոթագրություններ
[խմբագրել | խմբագրել կոդը]- ↑ 1,0 1,1 Discogs — 2000.
- ↑ 2,0 2,1 MAK (польск.)
- ↑ Քթեի Լյունգի նոր հարցազրույցը Արխիվացված 2009-08-28 Wayback Machine.potteriada.ru
- ↑ Քեթի Լյունգի 5/2007 հարցազրույց BBC.com համար
- ↑ Իմ շոտլանդական խոսվածքը օգնեց ինձ դառնալ Հարի Փոթերի ընկերուհին — The Daily Record
Արտաքին հղումներ
[խմբագրել | խմբագրել կոդը]- Դերասանուհու կայքը Արխիվացված 2009-05-16 Wayback Machine(անգլ.)
 | Վիքիպահեստն ունի նյութեր, որոնք վերաբերում են «Քեթի Լյունգ» հոդվածին։ |
| ||||||||||||||||||
