Քեթի Դուգլաս
| Քեթի Դուգլաս | |
|---|---|
 | |
| Ծնվել է | մայիսի 7, 1979 (45 տարեկան) |
| Ծննդավայր | Ինդիանապոլիս, ԱՄՆ |
| Քաղաքացիություն |  ԱՄՆ և  Հունաստան |
| Մայրենի լեզու | անգլերեն |
| Կրթություն | Perry Meridian High School? |
| Մասնագիտություն | բասկետբոլիստ |
Քեթրին Էլիզաբեթ Դուգլաս (անգլ.՝ Kathryn Elizabeth "Katie" Douglas, մայիսի 7, 1979, Ինդիանապոլիս, ԱՄՆ), ամերիկացի պրոֆեսիոնալ բասկետբոլիստուհի, որը հանդես է գալիս Կանանց բասկետբոլի ազգային ասոցիացիայում։ 2001 թվականի WNBA դրաֆթի առաջին ռաունդում ընտրվել է «Օրլանդո Միրաքլ» ակումբի ընդհանուր տասներորդ համարի ներքո։ Խաղացել է սվինգմենի դիրքում[1]։
Կենսագրություն
[խմբագրել | խմբագրել կոդը]Վաղ տարիներ
[խմբագրել | խմբագրել կոդը]Դուգլասը սովորել է Փերի Մերիդիանի դպրոցում, որն ավարտելուց հետո ընդունվել է Պերդյուի համալսարան։ Համալսարանական խմբի կազմում նա հաղթել է 1999 թվականի Ուսանողական սպորտաձևերի ազգային ասոցիացիայի չեմպիոնատը։ 2001 թվականին Big Ten կոնֆերանսի կողմից ճանաչվել է տարվա խաղացող։
Կանանց բասկետբոլի ազգային ասոցիացիա
[խմբագրել | խմբագրել կոդը]Դուգլասը Կանանց ասոցացիայի 2001 թվականի դրաֆթում «Օրլանդո Միրաքլ» խմբի կողմից ընտրվել է ընդհանուր տասներորդ համարի ներքո։ 2003 թվականին «Օրլանդո Միրաքլ» խմբի հետ տեղափոխվել է Կոնեկտիկուտ, որտեղ սկսել է խաղալ նոր խմբի՝ «Կոնեկտիկուտ Սան»-ի կազմում։ 2005 թվականին ընտրվել է Կանանց բասկետբոլի ազգային ասոցիացիայի Լավագույն պաշտպանների թիմում, իսկ 2006 թվականին ներառվել է Կանանց բասկետբոլի ազգային ասոցիացիայի Բոլոր աստղերի մրցախաղում, որի արդյունքում Դուգլասը արժանացել է Բոլոր աստղերի մրցախաղի MVP մրցանակին։ 2007 թվականին Դուգլասը ԿԲԱԱ-ն ավարտել է հինգերորդը բռնումներով (65), միավորներով՝ յոթերորդը (577) և արդյունավետ փոխանցումներով՝ տասներկուերորդը։
2008 թվականի փետրվարի 19-ին «Կոնեկտիկուտ Սանը» Դուգլասին փոխարինել է «Ինդիանա Ֆիվերի» խաղացող Տամիկա Ուիտմորի և 2008 թվականի ԿԲԱԱ-ի դրաֆտի առաջին ռաունդում ընտրության իրավունքի հետ[2]։ 2012 թվականին նա արժանացել է ԿԲԱԱ-ի չեմպիոնի իր առաջին տիտղոսին։ Դա նրա կարիերայի ընթացքում ԿԲԱԱ-ի չորրորդ եզրափակիչն էր, չնայած Դուգլասը չի կարողացել մասնակցել մրցաշարին ոտնաթաթի վնասվածքի պատճառով, որը ստացել էր Արևելյան Կոնֆերանսի եզրափակչի ընթացքում[3]։
Կարիերա Եվրոպայում
[խմբագրել | խմբագրել կոդը]Խաղացել է «Ռոս Կասարես Վալենսիա», «ԿՍԱԱ», «Գալատասարայ», Օրենբուրգի «Նադեժդա», Կրակովի «Վիսլա» և Կուրսկի «Դինամո» ակումբների կազմում[4][5][6][7]։
Անձնական կյանք
[խմբագրել | խմբագրել կոդը]Քեթի Դուգլասը կորցրել է ծնողներին քաղցկեղի պատճառով․ հորը՝ 1997 թվականին, իսկ մորը՝ 2000 թվականին։ 2001 թվականին կորուստներից հետո ցուցաբերած համառության համար արժանացել է Ջիմի Վալվանոյի մրցանակին[8]։
ԿԲԱԱ-ի 2005 թվականի եզրափակչից հետո ամուսնացել է հույն սպորտային գործակալ Վասիլիս Ջալապակիսի հետ։
Դուգլասը ձախլիկ է։
Ծանոթագրություններ
[խմբագրել | խմբագրել կոդը]- ↑ «TINA CHARLES joins Wisła Can-Pack!». Wisła Can-Pack. 2012 թ․ մայիսի 5. Արխիվացված է օրիգինալից 2013 թ․ ապրիլի 7-ին. Վերցված է 2012 թ․ մայիսի 7-ին.
- ↑ Woods, David (2008 թ․ փետրվարի 18). «Fever to acquire Indy native Douglas | IndyStar.com | The Indianapolis Star». IndyStar.com. Արխիվացված է օրիգինալից 2013 թ․ ապրիլի 7-ին. Վերցված է 2011 թ․ դեկտեմբերի 22-ին.
- ↑ Voepel, Mechelle (2012 թ․ հոկտեմբերի 21). «Turning disappointment into a title». ESPN. Արխիվացված է օրիգինալից 2013 թ․ ապրիլի 7-ին. Վերցված է 2012 թ․ հոկտեմբերի 22-ին.
- ↑ «Offseason 2007–08: Overseas Roster». Wnba.com. 2008 թ․ փետրվարի 12. Արխիվացված է օրիգինալից 2013 թ․ ապրիլի 7-ին. Վերցված է 2011 թ․ դեկտեմբերի 22-ին.
- ↑ «Offseason 2008–09: Overseas Roster». Wnba.com. 2009 թ․ հունվարի 8. Արխիվացված է օրիգինալից 2013 թ․ ապրիլի 7-ին. Վերցված է 2011 թ․ դեկտեմբերի 22-ին.
- ↑ «Katie Douglas Galatasaray'da». Galatasaray.org. Արխիվացված է օրիգինալից 2013 թ․ ապրիլի 7-ին. Վերցված է 2011 թ․ դեկտեմբերի 22-ին.
- ↑ «Кэтрин Дуглас в курском «Динамо»». kurskbasket.ru. Արխիվացված է օրիգինալից 2013 թ․ ապրիլի 7-ին. Վերցված է 2013 թ․ մարտի 22-ին.
- ↑ «アーカイブされたコピー». Արխիվացված է օրիգինալից 2005 թ․ մարտի 26-ին. Վերցված է 2005 թ․ հունվարի 16-ին.
Արտաքին հղումներ
[խմբագրել | խմբագրել կոդը]
|
