Փրփրուկ տափաստանային

Փրփրուկ տափաստանային
Գիտական դասակարգում
Թագավորություն Բույսեր Բաժին Ծածկասերմեր Ընտանիք Վարդազգիներ Տեսակ Փրփրուկ տափաստանային
Լատիներեն անվանում
Filipendula hexapetala
[{{fullurl:wikispecies:{{{wikispecies}}}|uselang=hy}} Դասակարգումը Վիքիցեղերում] [{{fullurl:commons:Special:Search/{{{wikispecies}}}|uselang=hy}} Պատկերների որոնում Վիքիպահեստում]

Փրփրուկ տափաստանային (լատ.՝ Filipendula hexapetala), վարդազգիների ընտանիքին պատկանող դեղաբույս։

Նկարագրություն

Բարակ կոճղարմատով, ուղիղ, վերին մասում ճյուղավոր ցողունով բազմամյա խոտաբույս է, որի բարձրությունը 15-30 սմ է։ Կոճղարմատներից դուրս են գալիս պալարանման կամ իլիկաձև հաստացած արմատները։ Արմատամերձ տերևները փետրաձև մասնատված են բազմաթիվ ատամնաեզր տերևիկների։ Սակավաթիվ ցողունային տերևները անհամեմատ փոքր են, իսկ տերևակիցները՝ ատամնաեզր։ Հուրանաձև բազմածաղիկ ծաղկաբույլը կազմված են մանր վեցանդամ սպիտակ կամ բաց վարդագույն ծաղիկներից։ Չբացվող տերևապտուղը ծածկված է մազիկներով։

Տարածվածություն

Աճում է նախալեռնային, ստորին և միջին լեռնային գոտիների չոր մարգագետիններում, լեռնային տափաստաններում, թփուտներում։ Տարածված է Հայաստանի Շիրակի, Սյունիքի, Լոռու մարզերում և Արցախում։ Մեղրատու բույս է։

Նշանակություն

Բուժական նպատակներով օգտագործում է կոճղարմատները արմատներով, ինչպես նաև վերգետնյա մասը։ Կոճղարմատներն ու արմատներն ունեն յուրահատուկ հոտ և դառը համ, այն իր մեջ պարունակում է եթերային յուղ և ֆլավոնոիդներ։