Փափուկ խաղալիք
Փափուկ խաղալիք, մանկական խաղալիք արհեստական մորթուց, գործվածքից և լցոնված նյութից։ Տարբեր ժամանակներում լցոնման համար օգտագործել են ծղոտ, թեփ, ռանդատաշեղ, բամբակ, բամբակե մանրաթելեր և այլն։ Քսաներորդ դարի վերջից բարձր տեխնոլոգիական նյութեր են օգտագործվել՝ սինտեպոն, սինթետիկ հատիկներ այլն։
Ստեղծման պատմություն [խմբագրել | խմբագրել կոդը]
Հնագույն խաղալիքները հայտնաբերվել են հնագետների կողմից Եգիպտոսում։ Ամենավաղ հիշատակումները վերաբերում են մ. թ. ա. երրորդ հազարամյակին։ Այդ ժամանակ արդեն օգտագործվել է բարդ տեխնիկա մարմնի շարժական մասերով խաղալիքներ պատրաստելու համար։ Ժամանակակից փափուկ խաղալիքների նախատիպերը կամ նրանց պատկերները հայտնաբերվել են Իտալիայում Պոմպեյի պեղումների ժամանակ։ Կենդանիների և թռչունների տեսքով տարբեր խաղալիքներ հայտնաբերվել են Սիբիրի տարածքում, Ուկրաինայում և այլ վայրերում։ Մեծաքանակ հնագույն խաղալիքների կարելի է հանդիպել Չինաստանի տարածքում։
Փափուկ խաղալիքներ ստեղծող առաջին առևտրային կոնցեռնը 1880 թվականին դարձել է գերմանական «Սթեյֆ» ընկերությունը։ Սթեյֆն օգտագործել է փափուկ կահույքի պատրաստման նոր մշակված տեխնոլոգիան իր փափուկ խաղալիքները պատրաստելու համար[1][2]։
19-րդ դարում Ֆրանսիայում ստեղծվել է «ֆրանսիական խաղալիքների ֆաբրիկաների սինդիկատ», որը կարելի է խաղալիքի արդյունաբերության սկիզբ համարել։ 20-րդ դարի սկզբին սկսվել է թավշե արջուկների զանգվածային արտադրությունը և այդ արտադրանքի պահանջարկի ավելացումը[3][4]։
Պատրաստում[խմբագրել | խմբագրել կոդը]
Ամենասկզբում փափուկ խաղալիքը պատրաստվել է հեղինակային էսքիզներով՝ ձեռքով, ավելի ուշ հայտնվել են մասնագիտացված արտադրություններ, որոնք հայտնի են խաղալիքների իրենց հավաքածուներով։
Առաջին փափուկ խաղալիքը հայտնվել է Գերմանիայում 1903 թվականին։
Փափուկ խաղալիքի պատրաստման համար անհրաժեշտ են մի քանի պարտադիր տարրեր՝ ձևվածք կամ շաբլոն, համապատասխան հումք։ Փափուկ խաղալիքների մշակումը կատարվում է մի քանի ուղղություններով։ Դրանցից մեկը պատկերի պարզեցումն է՝ ստեղծելով պարզ խաղալիքներ, մյուսը ապագա խաղալիքների նատուրալիստական շարժումն է, երբ խաղալիքը նման է այս կամ այն կենդանու։
Տիկնիկներ պատրաստելիս, բացի գործվածքներից և լցոնումներից, կարող են կիրառվել փայտից, կավից, պլաստիկից և այլնից ձեռքեր ու գլուխներ պատրաստելու տեխնոլոգիաներ։
Պատկերասրահ[խմբագրել | խմբագրել կոդը]
Թավշե ծաղիկ
Առաջին փափուկ խաղալիքը Գերմանիայում, 1903թ.
Թեդդի արջուկ
Փափուկ խաղալիք կենդանիներ վաճառքի համար
Արջուկների խանութ Լիմայում, Պերու
Տես նաև[խմբագրել | խմբագրել կոդը]
Ծանոթագրություններ[խմբագրել | խմբագրել կոդը]
- ↑ Gary S. Cross (1999)։ Kids' Stuff: Toys and the Changing World of American Childhood։ Հարվարդի Համալսարանի Հրատարակչություն։ էջեր 93–94։ Արխիվացված է օրիգինալից 2016-01-04-ին
- ↑ Sachse Gretchen (2016-07-28)։ «Ithaca Kitty was a success across America»։ Իթաքա ամսագիր (Իթաքա, Նյու Յորք)։ Վերցված է 2016-08-02
- ↑ «Թեդդի արջուկներ»։ Կոնգրեսի գրադարան։ Արխիվացված է օրիգինալից 2009-12-05-ին։ Վերցված է 2007-12-10
- ↑ «Բեատրիս Պոթերի կյանքը, Պետեր Ռաբիթ»։ peterrabbit.com։ Արխիվացված է օրիգինալից 2012-01-17-ին
