Փարիզի ռազմական դպրոց
| Փարիզի ռազմական դպրոց ֆրանսերեն՝ École militaire | |
|---|---|
 | |
 | |
 | |
| Տեսակ | զինվորական դպրոց |
| Հիմնադրված է | 1751 թվական |
| Երկիր |  Ֆրանսիա[1][2] |
| Տեղագրություն | École-Militaire?[2] |
| 48°51′09″N 2°18′13″E / 48.8525°N 2.3036111111111°E | |
Փարիզի ռազմական դպրոց (ֆրանսերեն՝ École militaire), զինվորական մասնագիտացված ուսուցմամբ ուսումնական հաստատություն Ֆրանսիայում։
Տեղակայված է երկրի մայրաքաղաք Փարիզի կենտրոնում՝ Մարսի դաշտի արևելյան հատվածում, վարչականորեն՝ Փարիզի յոթերորդ շրջանում։
Պատմություն
[խմբագրել | խմբագրել կոդը]Ռազմական դպրոցը հիմնադրվել է Ավստրիայի ժառանգության համար մղվող պատերազմից հետո՝ 1751 թվականի հունվարի 18-ին։ Այն ստեղծվել է Ֆրանսիայի թագավոր Լուի Սիրվածի հրամանագրով, ինչպես նաև Մարքիզուհի դե Պոմպադուրի հովանավորությամբ և Ժոզեֆ Պարի Դյուվերնի ֆինսանսավորմամբ։
Դպրոցի ստեղծման նպատակը աղքատ ազնվականական ընտանիքների երեխաներին զինվորական կրթություն տալն է։ Կառույցի շենքը նախագծել է ճարտարապետ Անժ-Ժակ Գաբրիելը։ Շինարարական աշխատանքները սկսվել են 1752 թվականին, սակայն դպրոցի պաշտոնական բացումը տեղի է ունեցել միայն ութ տարի հետո՝ 1760 թվականին։
Ֆրանսիայի կայսր Նապոլեոն I Բոնապարտը ևս եղել է այս դպրոցի սանը։ Երիտասարդ հասակում Նապոլեոնն ընդունվել է Փարիզի ռազմական դպրոց, սակայն ֆինանսական դժվարությունների պատճառով մեկ տարի անց ստիպված է եղել թողնել ուսումը։
Ռազմական հաստատություն
[խմբագրել | խմբագրել կոդը]Ներկայումս Փարիզի ռազմական դպրոցն իրենից ներկայացնում է ռազմագիտական և գիտահետազոտական հաստատությունների համալիր։ Այստեղ գործում են ստորև նշված հիմնական հաստատությունները՝
- Ռազմական ակադեմիա
- Զինվորական դպրոցի ռազմավարական հետազոտությունների ինստիտուտ
- Առաջատար ռազմական հետազոտությունների կենտրոն
- Գլխավոր շտաբի սպայական բարձրագույն դպրոց
Ծանոթագրություններ
[խմբագրել | խմբագրել կոդը]- ↑ base Mérimée (ֆր.) — ministère de la Culture, 1978.
- 1 2 archINFORM (գերմ.) — 1994.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Փարիզի ռազմական դպրոց» հոդվածին։ |
| ||||||||||
