Փաթիլ (գորիլա)

Վիքիպեդիայից՝ ազատ հանրագիտարանից
Փաթիլ գորիլան

Փաթիլ (իսպ.՝ Copito de Nieve, կատ.՝ Floquet de Neu, 1964, Հասարակածային Գվինեա - նոյեմբերի 24, 2003(2003-11-24), Բարսելոնայի կենդանաբանական այգի, Բարսելոնա, Իսպանիա), աշխարհում հայտնի միակ ալբինոս գորիլան։ 1966 թվականից մինչև իր մահն ապրել է իսպանական Բարսելոնա քաղաքի կենդանաբանական այգում[1][2]։

Նկարագրություն[խմբագրել | խմբագրել կոդը]

Փաթիլ գորիլլան 1993 թվականին, Բարսելոնայի կենդանաբանական այգի

Փաթիլը պատկանում էր արևմտյան հարթավայրային գորիլլա ցեղատեսակին։ Պաշտոնական տվյալների համաձայն՝ նրան բռնել են 1966 թվականին իսպանական Գվինեայի տարածքում և վաճառել Բարսելոնային[3]։ Ի սկզբանե ֆանգերի լեզվով, որով խոսում էր գորիլային բռնած որսորդը, նրան անվանել են Նֆումու Նգուի (Nfumu Ngui), որը բառացի նշանակում է «սպիտակ գորիլա»։

Կենդանու ձեռքբերման համար կենդանաբանական այգին ծախսել է 15 000 պեսետա[4], ինչը, ըստ որոշ աղբյուրների, Փաթիլին դարձրել է երբևէ որևէ կառույցի կողմից ձեռք բերված ամենաթանկարժեք կենդանին։ Բռնելու պահին նա գնահատվել է մոտ երկու տարեկան[5]։ Որոշ ժամանակ անց Փաթիլը մեծ հայտնիություն է ձեռք բերել ոչ միայն Իսպանիայում, այլև ողջ արևմտյան աշխարհում։ Նրա պատկերը տպագրվում էր բացիկների և ուղեցույցների վրա։ Նա դարձել է Բարսելոնայի կենդանաբանական այգու ոչ պաշտոնական խորհրդանիշը, նրա մասին նկարահանվել են մի շարք փաստագրական ֆիլմեր։

Փաթիլն ընդհանուր առմամբ երեք էգից ունեցել է 21 ձագ, որոնցից որևէ մեկը ալբինոս չի եղել։ Ըստ ուսումնասիրողների՝ Փաթիլի ալբինիզմը կապված էր ինբրիդինգի (արյունակից առանձնյակների՝ եղբայրների և քույրերի, ծնողների և սերնդի խաչասերումից առաջացած ցեղատեսակ) հետ[6]։ 1980 թվականի վերջին Լոնդոնի կենդանաբանական այգու գիտնականներն ուսումնասիրում էին Փաթիլի բջիջներից նույն ցեղատեսակի ստացման հավանականությունը, սակայն փորձն ավարտվել է անհաջողությամբ։

Մահ[խմբագրել | խմբագրել կոդը]

2001 թվականին Փաթիլը հիվանդացել է մաշկի քաղցկեղի անսովոր տեսակով, որը հավանաբար կապված է եղել նրա ալբինիզմի հետ։ 2003 թվականին նրան ենթարկել են Էֆթանազիայի[7][8]։ Փաթիլն ապրել է գրեթե 40 տարի (գորիլաները ապրում են միջինում 30-50 տարի)։

Հիշատակ[խմբագրել | խմբագրել կոդը]

Փաթիլի պատվին է կոչվել (95962) Կոպիտո աստերոիդը[9]։

Ծանոթագրություններ[խմբագրել | խմբագրել կոդը]

  1. «Albino animals: from Snowflake the white gorilla to White Diamond the alligator»։ telegraph.co.uk։ Արխիվացված է օրիգինալից October 26, 2014-ին։ Վերցված է October 25, 2014 
  2. Sorokanich Lara (June 18, 2013)։ «Albino Gorilla Was Result of Inbreeding»։ nationalgeographic.com։ Արխիվացված է օրիգինալից July 9, 2014-ին։ Վերցված է October 25, 2014 
  3. Copito de nieve, el único gorila albino del mundo. El Mundo.es.
  4. La muerte de Copito de Nieve. En memoria.com.
  5. The White Gorilla (Gorilla g. gorilla) At Barcelona Zoo // International Zoo Yearbook. — London: Zoological Society of London, 1967. — Т. Vol. XIII. — С. 196.
  6. Snowflake the Albino Gorilla Got White Fur Due to Inbreeding — AOL On
  7. Staff writers (2003-09-22)։ «Albino gorilla dying of skin cancer»։ BBC News։ Վերցված է 2013-06-01 
  8. «В Испании умерла единственная в мире горилла-альбинос»։ Телеканал НТВ։ 2003-11-25։ Վերցված է 2014-04-24 
  9. «Asteroide Copito de Nieve»

Արտաքին հղումներ[խմբագրել | խմբագրել կոդը]