Ցեղասպանության որբերը
 անգլ.՝ Orphans of the Genocide | |
|---|---|
 | |
| Երկիր |  ԱՄՆ |
| Ժանր | վավերագրական |
| Թեմա | Հայոց ցեղասպանություն |
| Թվական | 2014 |
| Լեզու | անգլերեն |
| Ռեժիսոր | Պարետ Մարոնյան |
| Սցենարի հեղինակ | Պարետ Մարոնյան Ջեքի Աբրամյան |
| Կինոընկերություն | The Armenoid Team |
| Տևողություն | 90[1] րոպե |
Ցեղասպանության որբերը (անգլ.՝ Orphans of the Genocide), ամերիկահայ ռեժիսոր Պարետ Մարոնյանի նկարահանած ֆիլմը Հայոց ցեղասպանության մասին։ Ֆիլմի պրեմիերան կայացել է 2015 թվականին՝ Հայոց ցեղասպանության 100-րդ տարելիցին։ Ֆիլմի հերոսները ոճիրը վերապրածներն ու նրանց ժառանգներն են, որոնք պատմում են իրենց պատմությունները։
Սյուժե
[խմբագրել | խմբագրել կոդը]Ֆիլմը պատմում է Լիբանանում գտնվող Անթուրայի որբանոցի մասին, որտեղ 1915 թվականի Մեծ եղեռնի ժամանակ ապաստան էին գտել հազարավոր հայ երեխաներ։ Ֆիլմում ներառված են Մորիս Միսակ-Կելեկչյանի, Ալմաստ Պողոսյանի, Ջեք Գևորգյանի, բրիտանացի լրագրող Ռոբերտ Ֆիսկի, Քլարքի համալսարանի պրոֆեսոր Դեբորա Դուորքի հարցազրույցները։
105-ամյա Ալմաստ Պողոսյանը պատմում է ինչպես է որբացել, ինչպես է ոտքով հասել Դեր Զոր, այնուհետև հայտնվել արաբ մի ընտանիքում, որից հետո՝ Հալեպի որբանոցներից մեկում և, ի վերջո, հանգրվանել ԱՄՆ-ում։ Ալմաստի պատմությունը շարունակում է թոռը՝ Բրյուս Պողոսյանը (Հայաստանի ամերիկյան համալսարանի նախագահ, 2010-2014)թվականներին[2]։ Ֆիլմում օգտագործվել են նաև Ռոքֆելեր արխիվային կենտրոնի, Գերմանիայի և Դանիայի ազգային արխիվների և ԱՄՆ կոնգրեսի գրադարանի, ԱՄՆ ազգային արխիվի, Հայոց ցեղասպանության թանգարան-ինստիտուտի և այլ կառույցների արխիվային լուսանկարներ ու փաստաթղթեր։
Ֆիլմը Հեռուստատեսային արվեստի ու գիտության ազգային ակադեմիայի կողմից նոմինացվել է 2014 թվականի Սանքոսթ տարածաշրջանի «Էմմի» մրցանակաբաշխության վավերագրական-պատմական ֆիլմերի անվանակարգում[3]։
Փաստեր
[խմբագրել | խմբագրել կոդը]Պարետ Մարոնյանը ոգեշնչվել է ստեղծելու «Ցեղասպանության որբերը» ֆիլմը 2010 թվականին՝ The Independent-ում Ռոբերտ Ֆիսկի «Հայոց ցեղասպանության կենդանի ապացույցը» հոդվածը կարդալուց հետո։ Ֆիլմը ստեղծվել է 3,5 տարում և երկու անգամ առաջադրվել «Էմմիի»[4]։
«Ցեղասպանության որբեր» ֆիլմը ցուցադրվել է «PBS» հեռուստաալիքի կողմից, և հեռուստադիտողների թիվը գերազանցել է 12 միլիոնը[5]։
Ծանոթագրություններ
[խմբագրել | խմբագրել կոդը]- ↑ Հայոց ցեղասպանության մասին պատմող վավերագրական ֆիլմ կցուցադրվի
- ↑ «Ցեղասպանության որբերը» ֆիլմը կցուցադրվի ամերիկյան կինոթատրոններում
- ↑ «Ցեղասպանության որբերը» ֆիլմը ներկայացվել է «Էմմի»-ի տարածաշրջանային մրցանակաբաշխությանը
- ↑ «Ցեղասպանության որբերը» ֆիլմը ցուցադրվել է Օքլենդի կինոթատրոնում
- ↑ «Ցեղասպանության որբերը» ֆիլմն առաջադրվել է ԱՄՆ-ի «Էմմի» մրցանակաբաշխությանը
Արտաքին հղումներ
[խմբագրել | խմբագրել կոդը]- Orphans of the Genocide Արխիվացված 2015-04-02 Wayback Machine
- Bared Maronian: Orphans of the Genocide Արխիվացված 2016-03-05 Wayback Machine
- «Ցեղասպանության որբերը» ֆիլմը ներկայացվել է «Էմմի» մրցանակաբաշխության
- Documentary: Orphans of the Genocide
|
