Տերեփուկ լևզեանման

Վիքիպեդիայից՝ ազատ հանրագիտարանից
Jump to navigation Jump to search
Տերեփուկ լևզեանման
Centaurea sp. (43040964145).jpg
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Բարդածաղկավորներ
Տեսակ Տերեփուկ լևզեանման
Լատիներեն անվանում
Centaurea leuzeoides


Տերեփուկ լևզեանման (լատ.՝ Centaurea leuzeoides), բարդածաղկավորների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

Բազմամյա բույս է, ունի 20-85 սմ բարձրություն, ծածկված է սպիտակ կամ մոխրագույն փունջ-փունջ ոստայնանման թավոտությամբ։ Ստորին տերևների երկարությունը հասնում է 9-17 սմ երկարության, լայնությունը՝ 3-7 սմ-ի, նեղ-նշտարաձև եզրային սեգմենտները 1-4 զույգ են, կոթունի երկարությունը 3-5 սմ է։ Զամբյուղները համարյա գնդաձև են։ Ծածկոցի թերթերը բազմաշարք են, ուռուցիկ, հավելուկներով։ Ծաղիկները վարդագույն են։ Սերմիկների երկարությունը 6-8,5 մմ է, պապուսի երկարությունը՝ 6-9 մմ[1]։

Տարածվածություն[խմբագրել | խմբագրել կոդը]

Հայտնի է Դարեղեգիսի (Մարտիրոս գյուղի շրջակայք) և Զանգեզուրի (Տաթև գյուղի շրջակայք) ֆլորիստիկական շրջաններում։ Աճում է նաև Նախիջևանում և Իրանում[1]։

Էկոլոգիա[խմբագրել | խմբագրել կոդը]

Աճում է միջին լեռնային գոտում՝ ծովի մակարդակից 1700-1900 մ բարձրությունների վրա, չոր քարքարոտ լանջերին, տափաստանում։ Ծաղկում է հունիս-հուլիս ամիսներին, պտղաբերում՝ հուլիս-օգոստոսին[1]։

Պահպանություն[խմբագրել | խմբագրել կոդը]

Կրիտիկական վիճակում գտնվող տեսակ է։ Հայտնի է երկու ֆլորիստիկական շրջաններում։ Տարածման և բնակության շրջանների մակերեսը 10 կմ²-ից պակաս է։ Չափազանց հազվագյուտ լինելու պատճառով տեսակին սպառնում է անհետացման վտանգ։ Հայաստանի Կարմիր գրքի առաջին հրատարակության մեջ ընդգրկված էր որպես ոչնչացման սպառնալիքի ենթակա տեսակ է։ Ընդգրկված չէ CITES-ի և Բեռնի կոնվենցիաների հավելվածներում[1]։

Պահպանություն չի իրականացվում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6