Տավուշ (գետ)
Անվան այլ կիրառումների համար տե՛ս՝ Տավուշ (այլ կիրառումներ)
| Տավուշ | |
|---|---|
| Բնութագիր | |
| Երկարություն | 63 կմ[1] |
| Ավազանի մակերես | 102 կմ²[1] |
| Ջրի ծախս | 0,75 մ³/վ[1] |
| Ջրահոսք | |
| Ակունքի տեղակայում | Միափորի լեռներ[1] |
| Գետաբերանի տեղակայում | Կուր գետ[1] |
| Կոորդինատներ | |
| Տեղակայում | |
| Հոսող հոսքեր | Աղնջա, Այծաղբյուր, Հանքաձոր, Մոսեսագետ, Բուղդալու և Ախնջի |
| Երկիր |  Հայաստան[1] և  Ադրբեջան[1] |
| Երկրամաս | Տավուշի մարզ[1] |
Տավուշ, Թաուզ, Թաուս, Թովուզ, Թոուզչայ, Տաուզ, Տոս, գետ Հայաստանի Տավուշի մարզում։ Սկիզբ է առնում Միափորի հյուսիս–արևելյան լանջերից, գլխավորապես Ավագա բինի, Դուռնալու վտակներից, Կենաց լեռնաշղթայի արևելյան և Աղնջա ու Տավուշ գետերի ջրբաժան լեռնաշղթայի լանջերից հոսող բազմաթիվ առուներից[2][3]։ Երկարությունը 63 կմ է (Հայաստանում 25 կմ), ավազանը՝ 102 կմ²։ Տավուշը Միափորի ցածրադիր փեշերից մինչև Բերդ քաղաքը հոսում է թավուտ անտառների միջով։
Ջրերը պարզ են ու մաքուր։ Տավուշ գետում բնակվում են ձկների կարմրախայտ, բեղոտ, մուրծի, ճապալ և այլ տեսակներ։ Գարնան ձնհալից և անձրևներից հորդանում է։ Տավուշ գետի վրա կառուցվել է համանուն ջրամբարը (Տավուշի ջրամբար)։ Տավուշը հոսում է տարածաշրջանի կենտրոնական մասով։ Ադրբեջանի Թավուզի շրջանում միանում է Աղնջա գետին և թափվում Կուր գետը։ Տավուշի օժանդակներն են՝ Հանքաձոր (4,5 կմ), Այծաղբյուր (3,5 կմ) գետակները։
Տավուշը ձախ կողմից ընդունում է Արդամ և Սուտներ ոչ մեծ վտակները։
Ադրբեջանական տարածքում կոչվում է Թովուզչայ։
Ծանոթագրություններ
[խմբագրել | խմբագրել կոդը]- 1 2 3 4 5 6 7 8 Հայկական սովետական հանրագիտարան (հայ.) — Երևան: 1985. — հատոր 11. — էջ 599.
- ↑ Հայաստանի Հանրապետության Ֆիզիկաաշխարհագրական օբյեկտների համառոտ տեղեկատու-բառարան, Երևան, «Գեոդեզիայի և քարտեզագրության կենտրոն ՊՈԱԿ», 2007, էջ 120 — 150 էջ։
- ↑ Հակոբյան Թ. Խ., Մելիք-Բախշյան Ստ. Տ., Բարսեղյան Հ. Խ., Հայաստանի և հարակից շրջանների տեղանունների բառարան, հ. 5 [-] (խմբ. Մանուկյան Լ. Գ.), Երևան, «Երևանի Համալսարանի Հրատարակչություն», 2001, էջ 48 — 916 էջ։
|
Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 11, էջ 599)։  |