Տանձենի հերհեր

Վիքիպեդիայից՝ ազատ հանրագիտարանից
Jump to navigation Jump to search
Տանձենի հերհեր
Գիտական դասակարգում
Թագավորություն Բույսեր
Բաժին Ծածկասերմեր
Ընտանիք Վարդազգիներ
Տեսակ Տանձենի հերհեր
Լատիներեն անվանում
Pyrus gergerana


Տանձենի հերհեր (լատ.՝ Pyrus gergerana), վարդազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

7 սմ երկարությամբ, 2,5 սմ լայնությամբ, թեթևակի ասիմետրիկ, հիմքում նեղ սեպաձև, ամբողջաեզր կամ գագաթում՝ թեթևակի սղոցաեզր, վերևից՝ մերկ, մուգ կանաչ, փայլուն, տակից՝ անփայլ, երբեմն թույլ պատառոտված թավոտությամբ մեծ փշոտ ծառ է: 2-3,5 սմ երկարությամբ կոթերը մերկ են: մինչև 3,5 սմ երկարության պտուղը մեծ է, փնջերով, տանձաձև[1]:

Տարածվածություն[խմբագրել | խմբագրել կոդը]

Հանդիպում է Դարեղեգիսի (Հերհեր, Ջերմուկ), Զանգեզուրի (Սրաշեն) և Մեղրու (Տաշտուն) ֆլորիստիկական շրջաններում[1]:

Էկոլոգիա[խմբագրել | խմբագրել կոդը]

Աճում է միջին և վերին լեռնային գոտիներում՝ ծովի մակարդակից 1600-2200 մ բարձրությունների վրա, լայնատերև անտառներում: Ծաղկում է ապրիլ-մայիս ամիսներին, պտղաբերում՝ հունիս-օգոստոսին[1]:

Պահպանություն[խմբագրել | խմբագրել կոդը]

Վտանգված տեսակ է, որի տարածման շրջանի մակերեսը 5000 կմ²-ից պակաս է, բնակության շրջանի մակերեսը՝ 500 կմ²-ից պակաս։ Հայաստանի Կարմիր գրքի առաջին հրատարակության մեջ, CITES-ի և Բեռնի կոնվենցիաների հավելվածներում ընդգրկված չէ[1]:

Պոպուլյացիայի մի մասը պահպանվում է «Հերհերի նոսրուտային» արգելավայրի տարածքում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Հայաստանի Կարմիր գիրք։ Երևան: Հայաստանի բնապահպանության նախարարություն։ 2010։ ISBN 978-99941-2-420-6