Տաթևիկ Ռևազյան

Վիքիպեդիայից՝ ազատ հանրագիտարանից
Jump to navigation Jump to search
Տաթևիկ Հարությունի Ռևազյան
Ծնվել էհունվարի 22, 1988
ԾննդավայրԵրևան
Ազգությունհայ
ԿրթությունԿոպենհագենի բիզնես դպրոց, Ստոկհոլմի տնտեսագիտության դպրոց
ԱշխատանքՀՀ քաղաքացիական ավիացիայի կոմիտեի ղեկավար

Տաթևիկ Հարությունի Ռևազյան (հունվարի 22, 1988, Երևան, Հայաստան), ՀՀ քաղաքացիական ավիացիայի կոմիտեի ղեկավար[1]։

Կենսագրություն[խմբագրել | խմբագրել կոդը]

Տաթևիկ Ռևազյանը ծնվել է 1988 թվականին, Երևանում: 1993 թվականին ընտանիքով տեղափոխվել են Դանիա[2]: 2007-2010 թվականներին սովորել է Կոպենհագենի բիզնես դպրոցում, բիզնես կառավարման և կազմակերպչական հաղորդակցության մասնագետ է, իսկ 2011-2014 թվականներին ավարտել է մագիստրատուրան։ Այնուհետև 2012-2013 թվականներին սովորել է Ստոկհոլմի տնտեսագիտության դպրոցում, որտեղ ստացել է միջազգային կառավարչի որակավորում: Ուսումնառության ընթացքում ապրել է Լոնդոնում, Սան Ֆրանցիսկոյում, Հայաստանում, Շվեդիայում, Դանիայում:

Աշխատել է Կոպենհագենի ավիացիայի ոլորտում։ 2013-2016 թվականներին եղել է «Ամսթրիմ» հասարակական կազմակերպության համահիմնադիր և գործադիր տնօրեն։ Նա 2015-2017 թվականներին աշխատել է «Մոմոնդո» ընկերությունում՝ որպես ընկերության ընդհանուր վաճառքի և համագործակցության ղեկավար, ապա 2017-2018 թվականներին «FLYR» գործակալությունում՝ որպես գլոբալ համագործակցության տնօրեն: Երկու ընկերություններն էլ զբաղվում են ավիացիոն ոլորտի խնդիրներով։ 2018 թվականի հուլիսի 10-ից Տաթևիկ Ռևազյանը նշանակվել է Քաղաքացիական ավիացիայի կոմիտեի նախագահ[3]։ Նա նաև որպես կամավոր համագործակցել է «Զվարթնոց» օդանավակայանի և Քաղավիացիայի գլխավոր վարչության հետ։ Հայաստանում զբոսաշրջության և ավիացիոն ոլորտին վերաբերող տարբեր ծրագրեր է իրականացրել:

Ծանոթագրություններ[խմբագրել | խմբագրել կոդը]

  1. «Governing bodies»։ www.eurocontrol.int (անգլերեն)։ Վերցված է 2019-09-12 
  2. «Տաթևիկ Ռևազյանի կենսագրությունը»։ yelaket.am (անգլերեն)։ Վերցված է 2019-09-12 
  3. Քաղավիացիայի կոմիտեն կղեկավարի Տաթեւիկ Ռեւազյանը

Արտաքին հղումներ[խմբագրել | խմբագրել կոդը]