Տաթևիկ Շախկուլյան

Տաթևիկ Շախկուլյան
Ծնվել է	ապրիլի 2, 1980 (44 տարեկան); Ալավերդի, Հայկական ԽՍՀ, ԽՍՀՄ
Երկիր	Հայաստան
Մասնագիտություն	երաժշտագետ
Աշխատավայր	Կարին և Երևանի Կամերային թատրոն
Կրթություն	Ռոմանոս Մելիքյանի անվան պետական երաժշտական քոլեջ և Երևանի Կոմիտասի անվան պետական կոնսերվատորիա

Տաթևիկ Ռաֆայելի Շախկուլյան (ապրիլի 2, 1980(1980-04-02), Ալավերդի, Հայկական ԽՍՀ, ԽՍՀՄ), երաժշտագետ, խմբավար, արվեստագիտության թեկնածու, կոմիտասագետ^[1]։ Հայաստանի գիտությունների ազգային ակադեմիայի Արվեստի ինստիտուտի ավագ գիտաշխատող, Կոմիտասի թանգարան-ինստիտուտի գիտական բաժնի ղեկավար, Երևանի Կոմիտասի անվան պետական կոնսերվատորիայի դասախոս, Ավանդական երաժշտության միջազգային խորհրդի հայաստանյան պատասխանատու, Ճապոնիայի Կոմիտասի երաժշտության ընկերության, «Կայթ» արվեստի զարգացման կրթամշակութային հիմնադրամի խորհրդական^[2]^[3]։

Կենսագրություն[խմբագրել | խմբագրել կոդը]

Ծնվել է 1980 թվականի ապրիլի 2-ին Ալավերդիում։ Ավարտել է Երևանի Ռոմանոս Մելիքյանի անվան երաժշտական ուսումնարանի տեսության բաժինը։ 2004 թվականին ավարտել է Երևանի Կոմիտասի անվան պետական կոնսերվատորիայի երաժշտագիտության, 2005 թվականին՝ խմբավարության բաժինը։ 2010 թվականին Մհեր Նավոյանի ղեկավարությամբ ավարտել է Գիտությունների ազգային ակադեմիայի ասպիրանտուրան։

2006-2017 թվականներին ղեկավարել է Երևանի Ստեփան Ջրբաշյանի անվան երաժշտական դպրոցի երգչախումբը։ 2004-2008 թվականներին երգել է «Հովեր» երգչախմբում։ 2009 թվականից դարձել է «Կարին» ավանդական երգի-պարի անսամբլի խմբավար^[4]։ 2010 թվականից Կոմիտասի անվան պետական կոնսերվատորիայում աշխատել է որպես երաժշտության տեսության ամբիոնի դասախոս։

2014-2015 թվականներին ավստրիական Գրացի համալսարանի «Սիստեմատիկ երաժշտագիտության կենտրոնում» զբաղվել է հետազոտական աշխատանքով։

2012-2016 թվականներին դարձել է Գիտությունների ազգային ակադեմիայի արվեստի ինստիտուտի սփյուռքահայ և միջազգային կապերի բաժնի գիտաշխատող, իսկ 2016 թվականին՝ ավագ աշխատող։ 2015 թվականին աշխատել է Կոմիտասի թանգարան-ինստիտուտում, որպես գիտական բաժնի ղեկավար, իսկ 2016 թվականից՝ տարեգրքի պատասխանատու խմբագիր։

Ալինա Փահլևանյանի հետ հեղինակել է «Հայկական երաժշտական ֆոլկլոր» դասընթացը։ 2014 թվականին գրել է «Կոմիտասի ստեղծագործության վաղ շրջանը» մենագրությունը։ Հեղինակել է ավելի քան 25 գիտական հոդվածներ, որոնք վերաբերում են կոմիտասագիտությանը, երաժշտական բանահյուսությանը, հայ և համաշխարհային երաժշտարվեստի տեսությանն ու պատմությանը, 20-րդ դարի արևմտաեվրոպական, ռուսական և հայկական երաժշտության պոլիֆոնիայի հարցերին։

Մրցանակներ[խմբագրել | խմբագրել կոդը]

Գիտությունների ազգային ակադեմիայի կողմից կազմակերպված «Լավագույն գիտական աշխատանք» մրցանակաբաշխության հաղթող (2011 թվական)
Գյումրիի երաժիշտ-կատարողների «Վերածնունդ» միջազգային մրցույթ-փառատոնի դափնեկիր (2013 թվական՝ 3-րդ կարգ, 2016 թվական՝ 1-ին կարգ)

Ծանոթագրություններ[խմբագրել | խմբագրել կոդը]

↑ «Շախկուլյան Տաթևիկ Ռաֆայելի, Արվեստագիտության թեկնածու».
↑ ««տաթևիկ Շախկուլյան».
↑ Հայ երաժշտության հանրագիտարան. Երևան: «Հայկական հանրագիտարան. հրատարակչություն». 2019. էջեր 500–501. {{cite book}}: Text "Գիտահրատարակչական խորհուրդ՝ Հ. Մ. Այվազյան (գլխ. խմբագիր) և ուրիշներ" ignored (օգնություն)
↑ ««Կարին» ավանդական երգ-պարի խումբ։ Պատմություն». Արխիվացված է օրիգինալից 2023 թ․ հունվարի 29-ին. Վերցված է 2023 թ․ հունվարի 30-ին.

Արտաքին հղումներ[խմբագրել | խմբագրել կոդը]

Այս հոդվածի կամ նրա բաժնի որոշակի հատված վերցված է «Հայ երաժշտության հանրագիտարանից», որի նյութերը թողարկված են՝ Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) թույլատրագրի ներքո։

[1] «Շախկուլյան Տաթևիկ Ռաֆայելի, Արվեստագիտության թեկնածու».

[2] ««տաթևիկ Շախկուլյան».

[:0-3] Հայ երաժշտության հանրագիտարան. Երևան: «Հայկական հանրագիտարան. հրատարակչություն». 2019. էջեր 500–501. {{cite book}}: Text "Գիտահրատարակչական խորհուրդ՝ Հ. Մ. Այվազյան (գլխ. խմբագիր) և ուրիշներ" ignored (օգնություն)

[4] ««Կարին» ավանդական երգ-պարի խումբ։ Պատմություն». Արխիվացված է օրիգինալից 2023 թ․ հունվարի 29-ին. Վերցված է 2023 թ․ հունվարի 30-ին.

[1]

[2]

[3]

[4]