Վոլքան Բոզքըր

Վիքիպեդիայից՝ ազատ հանրագիտարանից
Վոլքան Բոզքըր
Volkan Bozkır April 2016 (26358127551) (cropped).jpg
 
Կուսակցություն՝ AKP
Կրթություն՝ Անկարայի համալսարան, իրավաբանության ֆակուլտետ
Մասնագիտություն՝ քաղաքական գործիչ և դիվանագետ
Ծննդյան օր նոյեմբերի 22, 1950(1950-11-22) (71 տարեկան)
Ծննդավայր Անկարա, Թուրքիա
Քաղաքացիություն Flag of Turkey.svg Թուրքիա

Վոլքան Բոզքըր (թուրքերեն՝ Volkan Bozkır, նոյեմբերի 22, 1950(1950-11-22), Անկարա, Թուրքիա), թուրք դիվանագետ և քաղաքական գործիչ։ Եվրոպական միության հարցերով նախարար 2015 թվականի նոյեմբերից մինչև 2016 թվականի մայիս և 2014 թվականի օգոստոսից մինչև 2015 թվականի օգոստոս։ Նաև զբաղեցրել է ԵՄ-ին Թուրքիայի անդամակցության գլխավոր բանակցողի պաշտոնը։

Կենսագրություն[խմբագրել | խմբագրել կոդը]

Վոլքան Բոզքըրը ծնվել է Անկարայում, Թուրքիա։ Ավարտել է Անկարայի համալսարանի իրավաբանական ֆակուլտետը։ Ազատ խոսում է անգլերեն և ֆրանսերեն։

Բոզքըրը Թուրքիայի խորհրդարանի անդամ էր Ստամբուլի երկրորդ ընտրատարածքում 2011 թվականի ընտրություններում հաղթելուց հետո։ Վոլքան Բոզքըրը Հայոց ցեղասպանության, ինչպես նաև ահաբեկչության դեմ պայքարի մասին օրենքների վերաբերյալ թուրքական դիրքորոշման պրոֆեսիոնալ դիվանագետ և առաջնորդող է։ Լինելով Եվրոպական Միության հարցերով թուրք նախարար, ինչպես նաև ԵՄ-ին Թուրքիայի անդամակցության շուրջ երկխոսության գլխավոր բանակցող՝ Բոզքըրը ժխտել է Հայոց ցեղասպանությունը։ Այն բանից հետո, երբ ԵՄ-ն հրապարակեց 2015-ին ԵՄ ճանապարհին Թուրքիայի առաջընթացի մասին զեկույցի նախագիծը, որում ներառված էր պահանջ, որ Թուրքիան ճանաչի Հայոց ցեղասպանությունը, նա հայտարարեց, որ Թուրքիան չի պատասխանի ԵՄ զեկույցին, որը պարունակում է «ցեղասպանություն» եզրույթը[1]։ 2015 թվականին նա նաև քննադատել է Հռոմի Պապ Ֆրանցիսկոսին՝ Հռոմի Սուրբ Պետրոսի տաճարում պատարագի ժամանակ «ցեղասպանություն» բառի օգտագործումը ներառելու համար[2]։ Երբ ԵՄ-ն պահանջել է, որ Թուրքիան հարմարեցնի իր հակաահաբեկչական օրենքները ԵՄ նորմատիվներին համապատասխան, Բոզքըրը պատասխանել է, որ իրենց օրենքներն արդեն համապատասխանում են բոլոր պահանջներին[3]։ Քանի որ ԵՄ-ի խորհրդարանը կողմ է քվեարկել, որպեսզի անդամակցության բանակցությունները դադարեցվեն 2019 թվականի մարտին[4], Բոզքըրը, որպես Թուրքիայի Ազգային մեծ ժողովի արտաքին գործերի կոմիտեի ղեկավար, դատապարտել է այդ քվեարկությունը[5]։

2020 թվականի հունիսի 17-ին նա ընտրվել է Միավորված ազգերի կազմակերպության 75-րդ Գլխավոր ասամբլեայի նախագահ, որը պետք է տեղի ունենա 2020 թվականի սեպտեմբերին, որպես միակ թեկնածու՝ ՄԱԿ-ի 178 անդամ պետությունների միաձայն աջակցությամբ, որոնք ներկա են եղել գաղտնի քվեարկությամբ անցկացված քվեարկությանը[6][7][8]։ Հայաստանը, Հունաստանը և Կիպրոսը, թեև սկզբնապես աջակցել են Բոզկիրին, սակայն ավելի ուշ որոշել են դեմ հանդես գալ նրա թեկնածությանը, ենթադրաբար, դիվանագիտական հակամարտությունների պատճառով[9]։

Ծանոթագրություններ[խմբագրել | խմբագրել կոդը]

  1. «Reaction from Bozkır to EP’s Turkey Report»։ Turkish Republic of Northern Cyprus (անգլերեն)։ 2016-04-15։ Վերցված է 2020-06-23 
  2. «Turkey's EU Minister rejects Pope's 'genocide' remark» 
  3. «Turkey digs in heels over terrorism law, to EU's chagrin»։ Reuters (անգլերեն)։ 2016-05-11։ Վերցված է 2020-06-23 
  4. «Parliament wants to suspend EU accession negotiations with Turkey | News | European Parliament»։ www.europarl.europa.eu (անգլերեն)։ 2019-03-13։ Վերցված է 2020-06-23 
  5. «Turkey blasts European Parliament over call to suspend EU accession talks – T-VINE» (անգլերեն)։ Վերցված է 2020-06-23 
  6. «Turkish diplomat elected President of historic 75th UN General Assembly»։ UN News (անգլերեն)։ 2020-06-17։ Վերցված է 2020-06-18 
  7. «Volkan Bozkir of Turkey elected president of UN General Assembly»։ news.cgtn.com (անգլերեն)։ Վերցված է 2020-06-21 
  8. «ELECTION OF THE 75TH PRESIDENT OF THE GENERAL ASSEMBLY»։ General Assembly of the United Nations (անգլերեն)։ Վերցված է 2020-06-18 
  9. Antonopoulos Paul։ «Greece, Cyprus & Armenia make historical move by blocking Turkey from leading UN General Assembly»։ Greek City Times (անգլերեն)։ Վերցված է 2020-06-18