Վլադ Միրիցե

Վիքիպեդիայից՝ ազատ հանրագիտարանից
Jump to navigation Jump to search
Վլադ Միրիցե
Flickr - proteusbcn - Semifinal 1 EUROVISION 2008 (120).jpg
Հիմնական տվյալներ
Բնօրինակ անունVlad Miriță
Նաև հայտնի է որպեսՎլադ
Ծնվել էօգոստոսի 2, 1981 (38 տարեկան)
Ռումինիա Տիրգովիշտե, Ռումինիա
ԵրկիրՌումինիա Ռումինիա
Ժանրերփոփ
Մասնագիտություներգիչ
Գործիքներվոկալ
Կայքvladmirita.com

Վլադ Միրիցե (ռում.՝ Vlad Miriță), հայտնի է նաև որպես Վլադ (ռում.՝ Vlad, ծն. 2 օգոստոսի, 1981, Տիրգովիշտե, Ռումինիա), ռումինացի տենոր:

Կենսագրություն[խմբագրել | խմբագրել կոդը]

16 տարեկանում սկսել է պատրաստվել պրոֆեսիոնալ երաժշտական կարիերային՝ «Armonia Valaha Choir» երգչախմբի կազմում մասնակցելով երաժշտական տարբեր մրցույթների։ 2001 թվականից «Madrigal» արևելաեվրոպական կամերային խմբի անդամ է։ 2002 թվականին մասնակցել է «National Pop Festival 2002»-ին։ 2005 թվականին Լուգոժում կայացած «Traian Grozăvescu» տենորների միջազգային մրցույթում զբաղեցրել է երկրորդ տեղը։ 2006 թվականին պարգևատրվել է Բուխարեստի Օպերային թատրոնի թոշակով[1]:

Եվրատեսիլ 2008[խմբագրել | խմբագրել կոդը]

Նիկոյի հետ կատարումը, 2008, Բելգրադ

2008 թվականին Վլադ Միրիցեն Նիկոլետա Մատեիի հետ դուետով հաղթել է Ռումինիայի ազգային ընտրական մրցույթում, որի արդյունքում ամեն տարի ընտրվում է Եվրատեսիլ երգի մրցույթում Ռումինիայի մասնակիցը։

Եվրատեսիլ 2008 երգի մրցույթում դուետը «Pe-o margine de lume» երգը կատարել է 2 լեզուներով՝ իտալերեն և ռումիներեն: Առաջին կիսաեզրափակչում Ռումինիայի մասնակիցներն ստացան բավականին բարձր միավորներ եզրափակիչ փուլ անցնելու համար, սակայն եզրափակիչ փուլում ելույթն անհաջող էր. 45 միավորով նրանք գրավեցին 20-րդ տեղը[2]:

Եվրատեսիլից հետո երգիչը թողարկեց իր առաջին ալբոմը՝ «I’ll Be with You», որի գլխավոր երգը Սառա Բրայթմանի հետ դուետն էր։

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]