Վլադիսլավ Անիսովիչ

Վլադիսլավ Անիսովիչ
Ծնվել է	հունիսի 20, 1908(1908-06-20)
Ծննդավայր	Լուգանսկ, Եկատերինոսլավի նահանգ, Ռուսական կայսրություն
Մահացել է	օգոստոսի 30, 1969(1969-08-30) (61 տարեկան)
Մահվան վայր	Ալուպկա (քաղաք, Ուկրաինա), Յալթայի քաղաքային խորհուրդ, Ղրիմի մարզ, Ուկրաինական ԽՍՀ, ԽՍՀՄ
Գերեզման	Լենինգրադ
Քաղաքացիություն	Ռուսական կայսրություն և  ԽՍՀՄ
Կրթություն	Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտ
Մասնագիտություն	նկարիչ
Պարգևներ և մրցանակներ	և
Անդամություն	ԽՍՀՄ նկարիչների միություն

Վլադիսլավ Անիսովիչ (ռուս.՝ Владислав Леопольдович Анисович, հունիսի 20, 1908(1908-06-20), Լուգանսկ, Եկատերինոսլավի նահանգ, Ռուսական կայսրություն - օգոստոսի 30, 1969(1969-08-30), Ալուպկա (քաղաք, Ուկրաինա), Յալթայի քաղաքային խորհուրդ, Ղրիմի մարզ, Ուկրաինական ԽՍՀ, ԽՍՀՄ), ռուս և խորհրդային գեղանկարիչ, գծանկարիչ, մանկավարժ և Լենինգրադի նկարիչների միության անդամ։

Կենսագրություն

Վլադիսլավ Անիսովիչը ծնվել է 1908 թվականի հունիսի 7-ին, Լուգանսկում։ 1927-1928 թվականներին սովորել է Խարկովի գեղարվեստական տեխնիկումին կից բանվորի ֆակուլտետում, իսկ 1929 թվականին ընդունվել է Լենինգրադի բարձրագույն գեղարվեստա-տեխնիկական ինստիտուտ։ Ինստիտուտի փակումից հետո 1930 թվականին դասավանդել է Լենինգրադի պրոլետարական կերպարվեստների ինստիտուտում։ Սովորել է Ալեքսանդր Սավինովի և Ռուդոլֆ Ֆրենցի մոտ։ 1931 թվականին ավարտել է ինստիտուտը` որակավորված գեղանկարչի կոչումով։ Դիպլոմային աշխատանքը եղել է «Կոլտնտեսության ժողով» նկարը։ 1931 թվականին ամուսնացել է իր համակուրսեցու` նկարիչ Ալեքսանդրա Չեսնոկովայի (1908-1988 թվական) հետ։

Ուսումը ավարտելուց հետո շարունակել է գործունեությունը ինստիտուտի ասպիրանտուրայում։ Ատենախոսական աշխատանքը եղել է «Սպարտակի ապստամբությունը Գերմանիայում» նկարը։ Ցուցահանդեսների է մասնակցել 1935 թվականից։ Նկարել է դիմանկարներ, պատմա-հեղափոխական և ժանրային կոմպոզիցիաներ և բնանկարներ։ 1932 թվականից եղել է Լենինգրադի նկարիչների միության անդամ։ 1933-1969 թվականներից դասավանդել է Լենինգրադի Ի. Ե. Ռեպինի անվան գեղանկարչության, քանդակագործության և ճարտարապետության ինստիտուտում։ Նրա աշխատանքներից են` «Վորոշիլովի գնդի տեղափոխումը Լուգանսկից Ցարիցին» (1932 թվական), «Մուրմանսկի թատրոնի դերասանների համերգը ճակատում», «Մոնչեգորսկ կոմբինատի վերականգնումը» (երկուսն էլ` 1947 թվական), «Պերեկոպի գրոհումը» (1949 թվական), «Սալտիկով-Շչեդրինի անվան հանրային գրադարանի գիտաշխատող Ի. Ստրոգովի դիմանկարը» (1951 թվական), «Դերասանուհի Դ. Ժուրբայի դիմանկարը» (1956 թվական), «Լենինգրադի պետական համալսարանի ուսանողուհի Օ. Եֆիմցևայի դիմանկարը» (1968 թվական), «Արշավանքը» և այլ նկարների հեղինակը։

Մահացել է 1969 թվականի օգոստոսի 30-ին, Ալուպկայում` 62 տարեկան հասակում։ Թաղված է Սանկտ Պետերբուրգում։

Վլադիսլավ Անիսովիչի ստեղծագործությունները պահվում են Ռուսական պետական թանգարանում, Ռուսաստանի, Մեծ Բրիտանիայի, Ֆրանսիայի և այլ երկրների թանգարաններում և մասնավոր հավաքածուներում։

Ցուցահանդեսներ

Ցուցահանդեսներ Վլադիսլավ Անիսովիչի մասնակցությամբ  

• 1951 թվական` (Լենինգրադ) Լենինգրադի նկարիչների ստեղծագործությունների ցուցահանդես։
• 1957 թվական` (Լենինգրադ) 1917-1957 թվական։ Լենինգրադի նկարիչների ստեղծագործությունների ցուցահանդես։
• 1977 թվական` (Լենինգրադ) Լենինգրադի նկարիչների ստեղծագործությունների ցուցահանդես, նվիրված Մեծ Հոկտեմբերի 60-ամյակին։
• 1985 թվական` (Լենինգրադ) Մեծ հաղթանակի 40 տարին։ Նկարիչների ստեղծագործությունների ցուցահանդես` Հայրենական մեծ պատերազմի վետերանները։

Տես նաև

• Լենինգրադի նկարիչների միություն

Աղբյուրներ

• Первая выставка ленинградских художников. Каталог. — Л., 1935. — с.12.
• Выставка произведений ленинградских художников 1951 года. Каталог. — Л: Лениздат, 1951. — с.7.
• 1917 — 1957. Выставка произведений ленинградских художников. Каталог. — Л: Ленинградский художник, 1958. — с.7.
• Художники народов СССР. Биобиблиографический словарь. Т.1. М., Искусство, 1970. — с.159.
• Выставка произведений ленинградских художников, посвящённая 60-летию Великого Октября. — Л: Художник РСФСР, 1982. — с.11.
• 40 лет Великой победы. Выставка произведений художников — ветеранов Великой Отечественной войны. Каталог. — Л: Художник РСФСР, 1990. — с.7.
• Государственный Русский музей. Живопись. Первая половина XX века. Каталог. А—В. СПб, Palace Editions. 1997. С. 27-28.
• Matthew Cullerne Bown. A Dictionary of Twentieth Century Russian And Soviet Painters. 1900 — 1980s. — London: Izomar Limited, 1998.
• Иванов, С. В. Неизвестный соцреализм. Ленинградская школа. СПб: НП-Принт, 2007. С. 15, 19, 359, 367, 370, 383, 389.
• Юбилейный Справочник выпускников Санкт-Петербургского академического института живописи, скульптуры и архитектуры имени И. Е. Репина Российской Академии художеств. 1915—2005. — Санкт Петербург: «Первоцвет», 2007. — с.32.
• Левандовский, С. Н. Анисович Владислав Леопольдович //Страницы памяти. Справочно-биографический сборник. 1941—1945. Художники Санкт-Петербургского (Ленинградского) Союза художников — ветераны Великой Отечественной войны. СПб: Петрополис, 2014. С. 45—48.
• Ленинградская школа живописи. Очерки истории. СПб: Галерея АРКА, 2019. С.36, 46, 343, 345, 352, 353, 373.