Վլադիմիր Տոլստոյ

Վլադիմիր Տոլստոյ
Ծնվել է	սեպտեմբերի 28, 1962(1962-09-28) (61 տարեկան)
Ծննդավայր	Troitskoye, Պոդոլսկի շրջան, Մոսկվայի մարզ, ՌԽՖՍՀ, ԽՍՀՄ
Մասնագիտություն	գրող և լրագրող
Լեզու	ռուսերեն
Քաղաքացիություն	ԽՍՀՄ և  Ռուսաստան
Կրթություն	ՄՊՀ ժուռնալիստիկայի ֆակուլտետ
Անդամակցություն	third Civic Chamber of the Russian Federation? և Ռուսաստանի Դաշնության չորրորդ կազմի հանրային պալատ (2012-2015)
Պարգևներ	և
Զավակներ	Anastasia Tolstaya?
Ազգականներ	Pyotr Olegovich Tolstoy?
Vladimir Ilyich Tolstoy Վիքիպահեստում

Վլադիմիր Տոլստոյ (ռուս.՝ Владимир Ильич Толстой, սեպտեմբերի 28, 1962(1962-09-28), Troitskoye, Պոդոլսկի շրջան, Մոսկվայի մարզ, ՌԽՖՍՀ, ԽՍՀՄ), ռուս լրագրող և գրող-էսսեիստ։ Լև Տոլստոյի ծոռնորդին։

2012 թվականից Ռուսաստանի Դաշնության նախագահի մշակույթի հարցերով խորհրդականն է։

Կենսագրություն

Մոսկվայի պետական համալսարանի պրոֆեսոր, բանասեր Ի. Վ. Տոլստոյի որդին։ Ավարտել է Մ. Վ. Լոմոնոսովի անվան ՄՊՀ-ի ժուռնալիստիկայի ֆակուլտետը։ 1988 թվականից ԽՍՀՄ ժուռնալիստների միության անդամ է։

1992 թվականին «Կոմսոմոլսկայա պրավդա» թերթում մեծ նյութ է հրապարակել Յասնայա Պոլյանայում ապօրինի շինարարության և անտառահատումների մասին։ Դրանից հետո այդ ժամանակվա մշակույթի նախարար Եվգենի Սիդորովը մտահաղցել է լրագրողին նշանակել է Լ. Ն. Տոլստոյի թանգարանի տնօրեն։ Սզկբի ինը ամիսների ընթացքում Տոլստոյը աշխատել է որպես Մշակույթի նախարարության առաջատար փորձագետ։ 1994 թվականից եղել է «Յասնայա Պոլյանա» թանգարանի տնօրեն։

1997 թվականից Ռուսաստանի տարածաշրջանների թանգարանային աշխատողների կենտրոնական ասոցիացիայի խորհրդի նախագահն է, որի նպատակն էր Ռուսաստանի մարզերի թանգարանների միավորումը։ Այդ կազմակերպությունը 30 շրջաններից միավորում է ավելի քան 500 թանգարան։ NEMO-ում (Եվրոպական թանգարանային ասոցիացիաների համակարգ) ներկայացնում է Ռուսաստանը։ Թանգարանների միջազգային խորհրդի ռուսական կոմիտե համառուսական հասարակական կազմակերպության նախագահ։ 2009 թվականից Թանգարանների միջազգային խորհրդի նախագահն է։ Տուլայի մարզի հասարակական պալատի ներկայացուցիչ, Ռուսաստանի Դաշնության հանրային պալատի անդամ։

Կազմակերպել է է Լ. Ն. Տոլստոյի ժառանգների հանդիպումը Յասնայա Պոլյանայում, որի նպատակն էր միավորել Լ. Ն. Տոլստոյի ավելի քան 200 սերունդների, որոնք ապրում են Ռուսաստանում, Ամերիկայում, Եվրոպայի տարբեր երկրներում և ցանկանում էին իրենց ներդրումն ունենալ ռուսական մշակույթի և Յասնայա Պոլյանայի բարգավաճման մեջ։ Տոլստոյի ընտանիքի այլ անդամների հետ հանդիսանում է Լ. Ն. Տոլստոյի ժառանգության հիմնադրամի հիմնադիրը։ Յասնայա Պոլյանայում ամենամյա միջազգային գրական հանդիպումների ղեկավարն է։

Վլադիմիր Տոլստոյը որդու հետ Սոչիի «Կինոտավր» կինոփառատոնում, 2016 թվական

2011 թվականին ստորագրել է հասարակայնության ներկայացուցիչների դիմումը Ռուսաստանի Դաշնության դատական համակարգի հանդեպ վստահության տեղեկատվական դեմ

2012 թվականի փետրվարի 6-ից պաշտոնապես գրանցվել է որպես Ռուսաստանի Դաշնության նախագահի թեկնածուի վստահված անձ։

2012 թվականի մայիսի 23-ին նշանակվել է Ռուսաստանի Դաշնության նախագահի խորհրդական։

Ընտանիք

• Առաջին ամուսնություն (1983-1995)՝ Մարիա Շիշկովսկայա (ծնվել է 1962 թվականին),
• Երկրորդ ամուսնություն (1995)՝ Եկատերինա Ալեքսանդրովնա (ծնվել է 1972 թվականին, ի ծնե՝ Մինյաևա),
• Երեխաներ առաջին ամուսնությունից՝ Անաստասիա (ծնվել է 1984 թվականին) և Եկատերինա (ծնվել է 1987 թվականին),
• Երկրորդ ամուսնությունից՝ Անդրեյ (ծնվել է 1996 թվականին) և Իվան (ծնվել է 1998 թվականին)։

Մրցանակներ

• Բարեկամության շքանշան (2012 թվականի սեպտեմբերի 10-ին)՝ երկարամյա բեղմնավոր գործունեության, հայրենական մշակույթի զարգացման և արվեստի բնագավառում ունեցած մեծ վաստակի համար։
• Ռուսաստանի Դաշնության մշակույթի վաստակավոր գործիչ։
• «Վլադիմիր Վիսոցկու» մրցանակի դափնեկիր (2012 թվական)։

Արտաքին հղումներ

• Կենսագրությունն Род Толстых կայքում Արխիվացված 2012-01-09 Wayback Machine
• Владимир Толстой: «В искусстве нужно отличать хорошее от плохого, а не новаторское от традиционного». Интервью газете «Городские новости», 2014 Արխիվացված 2015-05-22 Wayback Machine

Վիքիպահեստն ունի նյութեր, որոնք վերաբերում են «Վլադիմիր Տոլստոյ» հոդվածին։