Վլադիմիր Խրոմիխի փողոց (Ալուշտա)

Վլադիմիր Խրոմիխի փողոց
Երկիր	Ռուսաստան / Ուկրաինա, Ղրիմ
Գտնվում է	Ալուշտա
Երկարություն	570 մետր
Փոստային ինդեքս	298500

Վլադիմիր Խրոմիխի փողոց (ռուս.՝ Улица Владимира Хромых), փողոց Ղրիմի Ալուշտա քաղաքի կենտրոնում։ Անվանվել է Ալուշտայի քաղգործկոմի նախագահ, Ալուշտայի պատվավոր քաղաքացի Վլադիմիր Իվանովիչ Խրոմիխի պատվին։ Սկիզբ է առնում Ապրիլի 15-ի փողոցից և ավարտվում Լենինի փողոցի հետ հատումով։ Երկարությունը 570 մետր է։

Նկարագրություն

Ալուշտա քաղաքի Վլադիմիր Խրոմիխի փողոցը սկսվում է Ապրիլի 15-ի փողոցից, հատում Վերխնյայա փողոցը, Կրապիվնու նրբանցքը, Կալյադինի նրբանցքը, Բագլիկովի և Պարտիզանսկայա փողոցների հետ հանգույցում ձևավորված Խորհրդային հրապարակը և ավարտվում Լենինի փողոցի հետ հատումով։ Փողոցում կա համարակալված 40 շինություն։ Երկարությունը 570 մետր է։

Վլադիմիր Խրոմիխի փողոցի փոստային դասիչն է՝ 298500։

Փողոցն անվանվել է Ալուշտայի քաղգործկոմի նախագահ, Ալուշտայի պատվավոր քաղաքացի Վլադիմիր Իվանովիչ Խրոմիխի պատվին։ Նա ծնվել է 1903 թվականին Օդեսայում։ Երբ նա չորս տարեկան էր, մահացել է նրա մայրը, և հայրը որոշել է տեղափոխվել Ալուշտա։ Հայրենական մեծ պատերազմի տարիներին նա ցուցաբերել է արիություն ու խիզախություն, պարգևատրվել Կարմիր դրոշի, Հայրենական պատերազմի 1-ին աստիճանի, Կարմիր աստղի (երեք անգամ) շքանշաններով և մեդալներով։ 1949 թվականին ընտրվել է Ալուշտայի քաղգործկոմի նախագահ, իսկ 1950 թվականի վերջին` նախագահի տեղակալ։ Հետպատերազմյան ժամանակաշրջանում Ալուշտայի առաջին պատվավոր քաղաքացին է (1967 թվական)։

Աղբյուրներ

• Улица Владимира Хромых в Алуште
• Подробная карта Улица Владимира Хромых, город Алушта со спутника с номерами домов, индекс и маршруты, Яндекс, Гугл карты

Արտաքին հղումներ

• г. Алушта, Улица Владимира Хромых Արխիվացված 2019-04-11 Wayback Machine